Read Khoekhoegowab Psalmdi 9 Bible Online

Psalmdi 9 - Khoekhoegowab bible

Psalmdi 9

¹ǁNaetsanas Davib dis, ǂam ǁnae-aobab ge dības, Mut-Labens ǃoa. Tita ge ǃKhūba nî kare ti ǂgaob hoaba xu; tita ge sa buruxa dīn hoana nî ǃhoa.

²Sa ǃnâ ta nî ǃgâiaǂgao tsî dâb xa urikhâi; sa ǀonsa ta ge psalmde nî ǁnaeba, Hoan xa ǀGapitse,

³ti khākhoen ge khaos ǃoa oa tsî ǁnā tsî sa aisa xu kā xui-ao.

⁴Sats ge ti ǂhanub tsî ti ǂhanu ǃkhaisa ge sîsenǂui xui-ao; sats ge trons ai ge ǂnôa i, ǂhanu-ai ǂHanuǂhanu-aotse!

⁵Sats ge ǀūbena ge ǀau tsî eloxoresana ge hîkākā; tsîts ge ǁîn di ǀonsa ge ǀari ǀamosib tsî tātsēs kōse.

⁶Khākhoen ge hîkākāhe hâ, ǃkharen ǀguin ge a ǀamosib kōse. Hîkākāts ge hâ ǁîn ǃāde. ǁÎn di ǂâiǂâisens ge ǁîn ǀkha kāǁō hâ.

⁷Xawe ǃKhūb ge ǀamosib kōse nîra ǂnû; ǁîb ge trons âba ǀgoraǃgâs ǃoa ǁāǁā hâ.

⁸Tsîb ge ǃhūbaiba ǂhanu-aisib ǀkha nîra ǀgoraǃgâ; tsî ǁaede ǂhauǃnâsib ǀkha nîra ǂhanuǂhanu.

⁹Tsî ǃKhūb ge ǁgâiǀāhe ra-i di ǀgapi sâuǃkhaise nî ī, ama ǀgapi sâuǃkhaiba ǂōǂōsigu di ǁaegu ai.

¹⁰Sa ǀonsa ǂan hân ge sa ai nîra ǂgomaiǂnûi, sats ǃKhūts satsa ra ôana ǁnāxū tama hâ amaga.

¹¹Psalmde ǁnaeba re ǁnā ǃKhūb, Sions ai ǁan hâba; aoǁnâ re ǁaedi ǃnâ ǁîb di dīga.

¹²ǀAoǂnâxūdeb ra saoǃgon, ǁîdi xab ra ǂâi amaga. ǁÎb ge ǀkhomǀkhomsaben di ǂgaisa ǀuru tama hâ.

¹³ǀKhomxa te re, ǃKhūtse, ti ǀkhomǀkhomxasib, ǁkhan te hân xa ta ra dī-ūheba kōǀî re, sats ǁōb di dao-amde xu ra ǀgapiǀgapi tetsa.

¹⁴Sa kares hoasa ta nî ǃhoase Sionǀgôas di dao-amgu ǃnâ, dâ ta nîse sa ǃgâiǃōb ǃnâ.

¹⁵ǁAedi ge dīdi ge āb ǃnâ ge tsom; ǁîdi di ǂais ge sâu di ge hâ i ǁnoas ǃnâ ge ǃkhōhe.

¹⁶ǃKhūb ge ge ǂanǂansen, ǀgoraǃgâsab ge ǁîba ge dī; eloxoresab ge ǁîb ǃommi di sîsenni ǃnâ ge ǃkhōsen. Higajon. Sela.

¹⁷Eloxoresan ge ǀamoǀaeb ǃoa nî oa, Eloba ra ǀuru ǁaedi hoade.

¹⁸ǂHâsib ǃnâ hâb ge hugaǀgui ǀuruhe tide, tsî ǀkhomǀkhomsaben di ǃâubasens ge ǀamosib kōse kā tide xui-ao.

¹⁹Khâi, ǃKhūtse, ab khoeba tā ǀgai; a di ǁaede sa ais aiǃâ ǀgoraǃgâhe.

²⁰ǃKhūtse, ǁîna ǃaoǃao re; a di ǁaede ǂan khoen asa. Sela.