Read Khoekhoegowab Psalmdi 96 Bible Online

Psalmdi 96 - Khoekhoegowab bible

Psalmdi 96

¹ǁNaeba re ǃKhūba ǀasa ǁnaetsana-e; ǁnaeba re ǃKhūba ǃhūbaits hoatse!

²ǁNaeba re ǃKhūba, kare du re ǀons âba; ǂhôa re ǁîb di ǃgâiǃōba tsēsa xu tsēs ǁga.

³ǂHôa re ǃgôasib âba ǃhaodi ǃnâ, ǁîb di buruxa dīna ǁaedi hoadi ǃnâ.

⁴ǃKhūb ge a kai tsî karehesa anu xuige; ǁîb ge a ǃaoǃaosa elogu hoagu ǂamai.

⁵ǁAedi di elogu ge a ǁgôa-elo xui-ao, xawe ǃKhūb ge ǀhomga ge dī.

⁶Anusib tsî ǂkhaisib tsîkha ge ais âb aiǃâ hâ; ǀgaib tsî anusib tsîkha ǁîb di ǃanusib ǃnâ.

⁷ǃKhūba mā re, ǁaedi di ǃhaoso, ǃKhūba mā re ǃgôasib tsî ǀgaib tsîkha.

⁸ǃKhūba mā re ǀons âb di ǃgôasiba; ǁguibade ǁguiba re î du ǁîb di ai-omgu ǃnâ hā re.

⁹ǀGoreǀî re ǃKhūba ǃanusib di ǂkhaisib ǃnâ; ǃhuri re ais âb aiǃâ, ǃhūbaits hoatse.

¹⁰Mî du re ǃhaodi ǃnâ: ǃKhūb ge ra gaosîsen. ǁKhātib ge ǃhūbaiba mâǁapo hâ, tsîb ge ǁnopeǁnopehe tide. ǁÎb ge ǁaede ǂhanu-aisib ǀkha nîra ǀgoraǃgâ.

¹¹A gu ǀhomga ǃgâiaǂgao re, îb ǃhūbaiba dâ re; îb huriba ǀō, ǀoasib âb hoab ǀkha;

¹²îb ǃauba ǃgâiaǂgaob xa dâ re ǁîb ai hân hoan ǀkha; o di ǀgomhaixaǃkhais di haidi hoade nîra dâ

¹³ǃKhūb di ais aiǃâ, ǁîb ra hā, ǁîb ra hā ǃhūbaibab nî ǀgoraǃgâse xui-ao. ǁÎb ge ǃhūbaiba ǂhanu-aisib ǀkha nîra ǀgoraǃgâ tsî ǁaede amab âb ǀkha.