Read Khoekhoegowab Psalmdi 98 Bible Online

Psalmdi 98 - Khoekhoegowab bible

Psalmdi 98

¹ǁNaetsanas. ǁNaeba re ǃKhūba ǀasa ǁnaetsana-e, buruxa dīnab gere dī amaga. ǁÎb di amǀkhāb ǃommi tsî ǁîb di ǃanu ǁôab ge ǁîba ge hui.

²ǃKhūb ge ǃgâiǃōsib âba ge ǂanǂan, ǁîb ge ǂhanu-aisib âba ǃhaodi mûǁae ge ǂhaiǂhai.

³ǁÎb ge ǀkhomxaǂgaosib âb xa ge ǂâi tsî ǁîb di ǂgomǂgomsasib Israeli ommab ūba hâb xa. ǃHūbaib di ǀkhâuǀamdi hoadi ge ǃgâiǃōsib sada Elob diba ge mû.

⁴Dâba re ǃKhūba, ǃhūbaits hoatse, ǃgâiaǂgaob xa ǂgaiǂui, î dâxase ǁnae tsî psalmǁnae re.

⁵Psalmǁnaeba re ǃKhūba harps ǀkha, harps tsî ǁnae-ams di dommi tsîn ǀkha.

⁶ǀGapadadi tsî xâiǁnâb di ǀōb tsîn ǀkha dâ re, ǃKhūb, Gao-aob di ais aiǃâ.

⁷Ab huriba ǀō re ǀoasib âb hoab ǀkha, ǃhūbaib tsî ǁîb ai ǁan hâna.

⁸A gu ǃāga ǁam re, îgu ǃhomgu hoaga dâ re

⁹ǃKhūb di ais aiǃâ, ǁîb ra hā, ǃhūbaibab nî ǀgoraǃgâse xuige. ǁÎb ge ǃhūbaiba ǂhanu-aisib ǀkha nîra ǀgoraǀgâ, tsî ǁaede ǂhauǃnâsib ǀkha.