Read Khoekhoegowab Psalmdi 99 Bible Online

Psalmdi 99 - Khoekhoegowab bible

Psalmdi 99

¹ǃKhūb ra gaosîsen, a di ǁaede ǀkhū; ǁîb ge xerugu ǀgapise ǂnôa, ab ǃhūbaiba ǀkhū.

²ǃKhūb ge a kai Sions ǃnâ; tsîb ge a ǀgapi ǁaedi hoadi ǂamai.

³An sa kai tsî ǃaoǃaosa ǀonsa koa re! ǁÎs ge a ǃanu.

⁴Sats ge a ǀgaisa Gao-ao tsîts ge ǂhanuba a ǀnam. Sats ge ǂhanu-aisiba ge ǂnûiǂgā; sats ge ǂhanub tsî ǂhanu-aisib tsîkha ge dī Jakob ǃnâ.

⁵ǃKhūb sada Eloba kaikai re, î ǃhonǁgoa re ǁîb ǂaira di ǂnûi-aidas aiǃâ. ǁÎb ge a ǃanu.

⁶Moseb tsî Aronni tsîkha ge pristergu âb ǃnâ ge hâ i, tsî Samuela, ǁnān ǀons âba ra ǂgaiǀîn ǃnâ. ǁÎn ge ǃKhūba ge ǂgaiǀî, tsîb ge ǁîna ge ǁnâu-am.

⁷ǃÂus ǃnâb ge ǁîn ǀkha gere ǃhoa; ǁîn ge ǃkhō-amdi âba ge ǃkhōǀgaipe, tsî ǂnûiǂgādi ǁîb ge ǁîna māde.

⁸ǃKhū, sida Elotse, sats ge ǁîna ge ǁnâu-am. Sats ge ǁîna ǀûbaxa Elose ge ība, ǁîn di dīnats ge ǀkhao xawe.

⁹Kaikai re ǃKhūb sada Eloba, î ǃhonǁgoa re ǁîb di ǃanu ǃhommi aiǃâ, ǃKhūb, sada Elob a ǃanu xuige.