Read Khoekhoegowab ǂKhoamîdi 13 Bible Online

ǂKhoamîdi 13 - Khoekhoegowab bible

ǂKhoamîdi 13

¹Gā-ai ǀgôab ra ǁgûb di ǂgōǀausa ǁnâu, xawe ǃhō-aob ge ǂgōǀausa ǁnâuǀnam tama hâ.

²Mâb hoab ge ǂûb ams dib xa ǃgâiba nîra ǂû, xawe ǀoms îǂhôaoǃnâb dis ge ǁgaridīsa nîra ǂû.

³Ams âba ra sâub ra ǀoms âba sâu, xawe amǁgaukha âba harase ra khowab ge nîra hîkākāhe.

⁴ǀOms ǀopesab dis ge a turaxa, xawe xū-i xare-i ge a ǀkhai, xawe ǀoms ôasab dis ge nîra kau.

⁵ǂHanu-aib ra ǂhumiba ǁkhan, xawe eloxoresab ge tsūse dī tsî ra taotaosen.

⁶ǂHanu-aisib ra ǂhau daoba ūhâba sâu, xawe eloxoresasib ge ǁore-aoba nîra dawaǃkhupu.

⁷ǀGuib ge hâ, ǁî-aitsama ǃkhūkhoese ra dīsenna, xawe xū-i xare-e ūhâ tamaba; tsî ǀnîb, ǁî-aitsama ǀgâkhoese ra dīsenna, xawe kaise xūxaba.

⁸Xoremarib mâb hoab di ǀoms dib ge a ǁîb di ǃkhūsi, xawe ǀgâsab ge ǁgoasa ǁnâu tama hâ.

⁹ǃNâb, ǂhanu-ain dib ra dâxase ǃnâ, xawe ǃamamǀaes eloxoresan dis ge nîra ǀari.

¹⁰ǃGuriǂgaoxasiba xun ra khoena ǂnoagude dī, xawe gā-aisib ge ǁnān, hîa ra ǀapemākaisenn tawa hâ.

¹¹Xūn hîats ra ǁaudommi ai hōn ge nîra ǀoro, xawe ǃommi ǀkha ra ǀhaoǀhaob ra ǁîna ǂguiǂgui.

¹²Mâiǂuihe hâ ǃâubasens ra ǂgaoba tsûtsû, xawe ǁkhorets ra ǃkhais ga hā, os ge a ûib di hai.

¹³Mîsa ga ǃharaxūb ge ǁî-aitsama ra hîǀhurusen, xawe mîmāsa ga ǃaob, ǁnāb ge nîra mādawa-amhe.

¹⁴ǁKhāǁkhās gā-aib dis ge ûib di ǀau, ǂgōts nîga ǁōb di ǁnoaga xu.

¹⁵ǃGâi ǁnâuǃāb ge a ǀnamǀnamsa, xawe daob, ǂgomoǃnân dib ge a karosa.

¹⁶Gā-aib hoab ra ǂans ǀkha sîsen, xawe gâreb ra gâresiba khoraǂui.

¹⁷Eloxoresa sîsabeb ge ǂkhabab ǃnâ nîra ǁnā, xawe îǂhôa sîsabeb ge a sōǀôa.

¹⁸ǀGâsib tsî taob tsîkha ge a ǁnāb, ǂgōǀausa ra aoxūb di, xawe ǂgōǀausa ra ǃgâb ge nîra ǃgôahe.

¹⁹ǁNā turab hîa ra ǃnaeb ge ǀomsa a ǂkhonba, xawe ǂkhababa xu ǂgōs ge gâreba ǁgaiǁgaisase ība.

²⁰Gā-ain ǀkha ga ǂharugub, ǁnāb ge nîra gā-ai, xawe ǁnāb hîa gâren di horesab ge nîra khôaǂkhūǂkhūhe.

²¹ǂKhabab ge ǁore-aona nîra ǃgôaǃgon, xawe ǂhanu-aib ge ǃgâiba nîra mādawa-amhe.

²²ǃGâib ge ǀgôan âb di ôana nîra ǀumi kai, xawe xūn ǁore-aon din ge ǂhanu-aiba ǁguibēbahe hâ.

²³ǃHūǃgaos ǀgâsan dis ra ǂgui ǂûna mā, xawe ǀguib ge hâ, ǂâis di tôasib xa ra hapuheba.

²⁴ǂNauhaib âba ga sâub ge ǁîb di ôaba ra ǁkhan, xawe ǁîba ǀnam hâb, ge ǃhaese ǁîba ra ǁkhara.

²⁵ǂHanu-aib ra ǀoms âb nî ǁâs kōse ǂû, xawe ǃnāb eloxoresan dib ge nîra tôasi.