Read Khoekhoegowab ǂKhoamîdi 14 Bible Online

ǂKhoamîdi 14 - Khoekhoegowab bible

ǂKhoamîdi 14

¹Gā-ai taras hoas ra oms âsa om, xawe kaise a gâres ra ǁîsa ǃommi âs ǀkha khôaǁnâ.

²ǂHauǃnâsib ǃnâ ga tanisenni, ǁnāb ge ǃKhūba ra ǃaoǃgâ, xawe ǁîb di daoga xu ra ǂgōb ge ǁîba ra ǃharaxū.

³Ams gâreb dis ǃnâb ge ǀhamhaib ǃgurib diba hâ, xawe amǁgaugu gā-ain digu ge ǁîna ra sâu.

⁴Gomagu ra ǀkhai, os ge ǂûmāǃnâxapasa a ǀkhaiǃnâ, xawe gomab di ǀgaiba xus ge hōǂgābasensa a ǀoasa.

⁵Îǂhôa ǀhûǀguitimî-aob ge ǂhumi tama hâ, xawe ǂkhaba ǃkhō-amaob ra ǂhumiba ǀhapu.

⁶ǃHō-aob ra gā-aisiba ôa, xaweb ge a ǀkhai, xawe ǂans ge ǁnâuǃāxaba a supuba.

⁷Gâre khoeb hâǃkhaisa xu ǂgō, ǁîb tawats amǁgaugu ǂans diga hō tide xuige.

⁸Gā-aib di gā-aisib ge; daob âba ǁnâuǃāsa, xawe gâren di gâresib ge a gāxaǃnâ.

⁹Mâ gâreb hoab ra ǀhapisa î-î, xawe ǂhauǃnân ǃnâb māsenxasiba hâ.

¹⁰ǂGaob ge tsûaǂgaob ǂhaniba a ǂan, îb ǃhaokhoeb xareba ǁkhāti ǃgâiaǂgaob âba tā ǁae-ū.

¹¹Ommi eloxoresan dib ge nîra hîkākāhe, xawe tentoms ǂhauǃnân dis ge nîra ǁhao.

¹²Daob ge hâ, khoeba ǃgâise ībaba, xawe ǀunis ǁîb dis ge a ǁōb di dao.

¹³ǂGaob ge ǁkhāti âib ǃnâ nî tsû, tsî ǃgâiaǂgaob di ǀams ge a ǃoa.

¹⁴ǁNāǁgôasa ǂgaoba ūhâb ge daogu âb xa nîra ǁâ, xawe ǃgâi khoeba ǁîb dīb ǂhanib xa.

¹⁵Gâreb ra mâ mîs hoasa ǂgom, xawe gā-aib ra ǃgûs âba ǃgaoǃgâ.

¹⁶Gā-aib ra ǃao, tsî ra ǂgō ǂkhababa xu, xawe gâreb ge ǃnā hâse a ǁaixa tsî a ǂhanseno.

¹⁷ǃHaese ra ǁaixab ge gârese ra dī, tsî gāxaǃnâ ǂâibasende ūhâb ge nîra ǁkhanhe.

¹⁸Gâren ra gâresiba ǀumi, xawe gā-ain ge ǂans ǀkha nîra ǀgapasen.

¹⁹ǂkhaban ra ǃgâin di ais aiǃâ ǃhonǁgoa, tsî eloxoresana ǂhanu-ain di ǁāgu aiǃâ.

²⁰ǀGâsab ra ǁîb di khoexa khoeb on xa ǁkhanhe, xawe ǀnamsaben ǃkhūkhoeb din ge a ǀoasa.

²¹ǀGūkhoeb âba ga ǃharaxūb ra ǁore, xawe ǀkhomǂgaoba ūhâna ra ǀkhommi, ǁîb ge a ǃgâiǃōxa.

²²ǁNān, hîa ǂkhababa ra dīna ǁhapu taman hâ? Xawe ǃgâidīb tsî îǂhôasib tsîkha ge a ǁnān, ǃgâiba ra dīn di.

²³Mâ ǃgom sîsenni hoab ǃnâs ge ǃnāǂamsiba hâ, xawe amǁgaugu ǀguigu di mîs hâpa ǁnāpab ge tôasiba hâ.

²⁴Gā-aigu di krons ge a ǁîgu di ǃkhūsi, xawe gâregu dis ge ǁîgu di gâresi.

²⁵Ama-ai ǀhûǀguitimî-aob ra ǀomde ore, xawe ǂhumiba ga ǀhapub, ǁîb ge a gāxaǃnâ-ao.

²⁶ǃAoǃgâb ǃKhūb dib ǃnâs ge ǀgaisa ǂgomaiǂnûisa hâ, tsî ǁîb ge ǀgôan âba ǁhaiǁhâǃkhaise nîra ība.

²⁷ǃAoǃgâb ǃKhūb dib ge a ûib di ǀau, ǂgōts nîga ǁōb di ǁnoaga xu.

²⁸ǂGuib ǁaes dib ǃnâb ge gao-aob di ǂkhaisiba hâ, xawe tôasib ǁaes dib ǃnâs ge gaosab di hîǀhurusa hâ.

²⁹ǃNūǃnâxab ge a ǁnâuǃāxa, xawe ǃhae ǂâisa ūhâb ra gâresiba ǀgapiǀgapi.

³⁰ǂUru ǂgaob ge a ǁgans di ûi, xawe surib ge ǂkhōga ra nâ xūba.

³¹ǀGâsaba ga ǁgâiǀāb ra Kuru-aob âba ǃhō, xawe ǂhâsabena ga ǀkhommi, ǁnāb ra ǁîba ǃgôa.

³²Eloxoresab ge ǂkhabab âb ǃnâ nîra ǂhāxūhe, xawe ǂhanu-aib ra ǂgomaiǂnûi, ǁōb âb ǃnâs ka xawe.

³³Gā-aisib ra ǁnâuǃāxab di ǂgaob ǃnâ sâ, xawe gâren di ǃnāb ǃnâ hân ra ǂhai.

³⁴ǂHanu-aisib ra ǁaesa ǀgapiǀgapi, xawe ǁoreb ge a ǁaedi di ǂnao.

³⁵ǁNâuǃāxa ǃgāb xab ra gao-aoba ǃgâibahe, xawe ǁgôasib âb xab ra ǁnāb, hîa ra taotaoba hāǂamhe.