Read Khoekhoegowab ǂKhoamîdi 17 Bible Online

ǂKhoamîdi 17 - Khoekhoegowab bible

ǂKhoamîdi 17

¹ǂNâsa pereǃâro-i, ǂkhîb ǀkhats ūhâ-i ge omsǀoab di ǂāgomagu, ǂnoagub ǀkha ra ǂûhegu ǃgâ-ai a ǃgâi.

²ǁNâuǃāxa ǃgāb ge ǀgôab hîa ra taotaob ǂama nîra gao, tsî ǃgâsagu ǁaegu ǀumisa nîra ǀgora.

³Tsunitsunisūs ge ǀhaiǀuriba hâba, tsî ǁganomsa ǃhuniǀuriba, xawe ǃKhūb ra ǂgaoga ǃâitsâ.

⁴ǂKhabadī-aob ra ǂhanuoǃnâ amǁgauba ǃgaoǃgâ, ǂhumi-aob ra ǂgaesa ǂō ǂkhaba namsǀî.

⁵ǀGâsaba ga ǃhō-i, ǁnā-i ge Kuru-aob âba ra ǃhō, tsî tsūǃōb xa ga ǃgâiaǂgao-i, ǁnā-i ge ǀhapio tide.

⁶Krons kaikhoen dis asen ge ǀgôan ôana ī, tsî anixūn ǀgôan din ge ǁîn di ǁgûna.

⁷ǃGâi ǃhoas ge gâreba anuba tama hâ, ǁnās ǃgâ-ai gaosaba ǂhumixa amǁgaukha.

⁸ǁAmaǃkhunis ge ǀhonkhoeb âsa ǃgomǀgausa ǀuiǃnôase ība, kōǀîb kas hoasa ǃgâiǃgâ-e ra ūǀkhīsa.

⁹ǃÛǂamsa ga ǃgū-aib ra ǀnamma ôa, xawe ǃkhaisa ga ǁkhawa ūǀkhīb ra hoan xa ǃgâi ǀhōsana ǀgora.

¹⁰Gârebats ra kaidisi ǃnāde ǂnaus ǃgâ-aib ra ǁkharaba ǁnâuǃāxab ǃnâ ǃgamse ǂgâ.

¹¹ǂAnǂansaseb ra mâǃoasabeba ǂkhababa ôa, xaweb ge ǀkhomoǃnâ sîsabeba nîra sîǃoahe.

¹²Gâreb xats nî gâresib âb ǃnâ ǃoahes xa, ats bērsa ǁnâi ǃoa, ǂkham ǀgôan âsa ūǀhanahe hâsa.

¹³ǂKhababa ǃgâib ama ga mādawa-am-i, ǁnā-i di omsa xub ge ǂkhababa ǂgō tide.

¹⁴ǂNoagus di tsoatsoas ge ǁgam-ets ra ǁkhowa-ams ǁkhās xase ī; ǁnā-amaga ǂnoagub nî ǃaruǀî ǀgais aiǃâ ǁîba ǁnāxū.

¹⁵Eloxoresaba ga ǂhanu-ai kaib, tsî ǂhanu-aiba ga ǀâxarexūb tsîkha ge ǃKhūba ǁgaiǁgaisa xūse ība, ā, ǁî ǀgamkha hoakha.

¹⁶Tare xū-i ǃaromasa, gâreb ǃomǁaeb mariba hâsa, gā-aisibab nî ǁamabasenseb ǁnâuǃā-e ūhâ tama hâ hîa?

¹⁷Khoexakhoeb ge mâ ǁaeb hoab ai ǀnam hâ, tsî ǃgâsab ra ǂōǂōsib ǃnâ ǃnae.

¹⁸ǁNâuǃāoǃnâ khoeb ra ǃomma mā tsîb ǀgūkhoeb âba ra mâba-ao kaiba.

¹⁹ǂNoagusa ǀnam hâb ge ǃûǂamsa ǀnam hâ, dao-ams âba ga ǀgapiǀgapib ra khôaǂkhūsa ôa.

²⁰Gamaǃgâ ǂgaoba ūhâb, ǁîb ge ǃgâiba hō tide, tsî nams âb a ǂkhabab, ǁîb ge ǂkhabab ǃnâ nîra ǁnā.

²¹Gâre ǀgôaba ôas ge ǁgûba tsûaǂgaose ība, tsî gâre-i di ǁgûb ge ǃgâiaǂgao tide.

²²ǃGâiaǂgaoxa ǂgaob ge soǀôaba nîra ǃgâiǃgâi, xawe ǂnauǂkhūhesa gagas ge ǂkhōga nîra ǂnâǂnâ.

²³Eloxoresab ge ǁamaǃkhuni ǀkhaexūba tîǂamsa xu nîra ū, daogu ǂhanub digab nî gamagamase.

²⁴Ais ǁnâuǃāxab dis ǃnâb ge gā-aisiba hâ, xawe mûra gâreb di ra ge ǃhūbaib di ǀkhâuǀams kōse ra sī.

²⁵Gâre ǀgôab ge a ǁgûb di ǃoa, tsîb ge ǁnās, ǁîba ge ǁorasa au tsûaǂgaose ība.

²⁶ǂHanu-aib ona ǁkharamariba ǁguiǂams ge ǃgâi tama hâ, tsî gaosaga ǂnaus ge anu tama ǃkhaisa.

²⁷ǂAnsa ūhâb, ǁîb ge mîdi âba ra sâu, tsî ǁnâuǃāba ūhâ khoeb, ge a ǃgomǀgausa gagas di.

²⁸Gâreb ǂûb on ge, ǃnōsab kao, gā-aise nîra ūhâhe, tsî amǁgaukha âba ga ǂganamma ǁnâuǃāxase.