Read Khoekhoegowab ǂKhoamîdi 20 Bible Online

ǂKhoamîdi 20 - Khoekhoegowab bible

ǂKhoamîdi 20

¹ǂAuxûib ge a ǃhō-ao tsî ǀgaisa xûib ge a ǂkhupixa; ǁîb ǃnâ ga ǁhapub hoab ge gā-ai tide.

²ǃHurib gao-aob dib ge ǂkham xammi di ǃgurub axase ī; ǁîba ga ǂoeǂoeb, ǁnāb ge ǀoms âb ǃoagu ra ǁore.

³Aoba i ge ǃgôase ība ǂnoaguba xub ga hâbēo, xawe mâ gâreb hoab ge ǁîb ǀkha nî ǁaeǁaesen.

⁴Saob ǃaromab ge ǀopesaba ǃhūǃgao tama hâ; ǁnā-amagab ge ǃgaos ǁaeb ai nîra ǀkhope, xawe i ge nîra xū-e ǀkhai.

⁵ǀApes aob di ǂgaob ǃnâ hâs ge ǃgam ǁgamgu axase i, xawe ǁnâuǃāxa aob ge ǁîsa nîra hōǂui.

⁶ǂGuisib khoen dib xab ra mâb hoaba ǁîb di ǃgâidība ǂgaiǂui, xawe hoaragase a îǂhôa aoba, tari-e nîra hō bi?

⁷ǂHanu-aib ra hugaǀgui ǂhauǃnâsib âb ǃnâ tanisen; ǃgâiǃōn ge hâ ǁîb di ôana ǁîb khaoǃgâ.

⁸Gao-aob ǂhanuǂhanu trons ai ǂnôab ra ǂkhabab hoaba ǀgaruǀgaru mûra âb ǀkha.

⁹Tari-e: Tita ge ti ǂgaoba ǀkhaiǀkhaiǃnâ hâ, tsî ta ti ǁoreba xu a ǃanu, ti a mî ǁkhā?

¹⁰ǀGamǃnâgu ǀnō-ūǀuis tsî ǀgamǃnâgu efab tsîra hoara ge ǃKhūba ǁgaiǁgaixūse ība, ā, ǁîra hoara.

¹¹ǀGôab ge ǁkhāti dīgu âb ǀkha nî ǂanǂuihe, īseb sîsenni âba a ǃūmû, īseb a ǂhanu ǃkhaisa.

¹²ǂGaes, ǁnâu ras tsî mûs, mû ras tsîrab ge ǃKhūba ge dī, ā, ǁîra hoara.

¹³ǂOmsa tā ǀnam, îts tā ǀgâ; mûra âtsa khowa îts pereb xa ǁâ!

¹⁴ǁKhoa tama, ǁkhoa tama, tib ge ǁama-aoba nî mî; xawe bēb kao, ob ge nî koasen.

¹⁵ǃHuniǀurib tsî robainǀuidi ge ǀoasase hâ, xawe amǁgaugu ǂans digu ge a ǃgomǀgausa xū.

¹⁶Khoe-i ga ǃhaokhoe-e mâba-ao kaibao; ū ǁî-i di saraba, îts ǀūhesa khoen ǃaroma ǁîba ǁauǁauxūse dī.

¹⁷Pereb ǂhumigu dib ge khoeba a ǂkhonba, xawe ǁnās khaoǃgâs ge ams âba ǁkhaeǀuiron xa nîra ǀoa.

¹⁸Mâ ǂâibasens hoas ra ǀapeǀhaos ǀkha ǂnûiǁapoǁapohe; ǁnā-amaga satsa gā-ai ǀapeǀape-aidi ǀkha torodī.

¹⁹ǀHoe-aose ga ǃgûmab, ǁnāb ra ǂganǃgâsana ǂhaiǂhai, tā ǁnâi ǁae ǁnāb, amǁgaugu âba ra khowab ǀkha.

²⁰ǁNāb, ǁgûs tsî ǁgûb tsîra ga ǀâxareb di ǃamamǀaes ge durutsuxub ǃnâ nîra ǀari.

²¹ǁNā ǀumi-amǃnâs, ǂguros ǃnâ ge ǃhaeǃhaehes, ǁîs ge ǀams ai ǀkhaehe tide.

²²Tā: Tita ge ǂkhababa nî ǀkhao, ti mî îts ǃKhūb ai ǂgomaiǂnûi, ǁîb nîra ore tsi xuige!

²³ǀGamǃnâgu ǀnō-ūǀuis ge ǃKhūba ǁgaiǁgaisaba, tsî gāxaǃnâ ǀnō-ūxūs ge ǃgâi tama hâ.

²⁴Dāǃharodi aob didi ge ǃKhūba xu hâ: Matits kha ǁnâi sats khoetsa daob âtsa nî ǁnâuǃā ǁkhā?

²⁵ǃAnu, ti mîsa ǃhaese ǃhoaǂuis khaoǃgâ ǀgui, mîmâidi xa ôaǃnâsens ge khoeba, ǃnuis ase ība.

²⁶Gā-ai gao-aob ra eloxoresana ǀgaruǀgaru; tsîb ra ǀnūsa ǁîna ǃapa-ai kai.

²⁷ǀOms khoeb dis ge a ǃKhūb di ǃamamǀae; ǃnāb di ǃnā-omde ra ôaǃganuse.

²⁸ǃGâidīb tsî amab tsîkha ge gao-aoba ra sâu, tsî ǃgâidīb ǀkhab ra trons âba mâǃgâ.

²⁹ǂKham khoegu di ǀgaib ge a ǁîgu di anixū, tsî ǂkhaisib kairagu dib ge ǀhai ǀûna.

³⁰ǀAoǀhapidi ge ǂkhababa ra ǃanuǃanu, tsî ǂnaude ǃnāb di ǃnā-omde.