Read Khoekhoegowab ǂKhoamîdi 31 Bible Online

ǂKhoamîdi 31 - Khoekhoegowab bible

ǂKhoamîdi 31

¹Mîdi gao-aob Lemueli didi, ǁnā ǁgaus ǁgûsib ge hâna ǁgauhesa:

²Tare-e ti ôa, tsî tare-e ti ǃnāb di ôatse, ā, tare-e ti mîmâidi di ôatse?

³Tā tarade mā sa ǀgaiba, îts sa daoga tā mā gao-aogats nî hîkākāse.

⁴Gao-aoga i ge anuba tama hâ, Lemueltse, gao-aoga i ge anuba tama hâ ǂauxûiba āsa, tsî gaosaga ǀgaisa xûiba āsa,

⁵îb tā āb ra hîa mâibaheb hâ ǃkhaisa ǀuru, îb tā ǂhanuǂhanuǃkhais ǁgâiǀāhesan hoan disa ǀkharaǀkhara.

⁶ǀGaisa xûiba mā ǁnāb hîa ra kāǁōba, tsî ǂauxûiba ǁnāb hîa ause tsûaǂgao hâba;

⁷ab ā, îb ǀgâsib âba ǀuru, îb ǀhupub âb xa ǃaruǀî tā ǂâi.

⁸Ams âtsa ǃgomeba khowaba, ǂhanuǂhanu ǃkhais ǁnān, hîa ǁnāxūhe hân hoan disa.

⁹Ams âtsa khowa, îts ǂhanuse ǀgoraǃgâ, îts ǁgâiǀāhesab tsî ǂhâ hâba ǂhanuse dība.

¹⁰Tari-e ǃgâiǂūxa tara-e nî hō? ǁÎs robainǀuide îbe ǃnā hâse a ǃgomǀgausa xui-ao.

¹¹ǂGaob ǀhonkhoeb âs dib ra ǁîs ai ǂgomaiǂnûi, xū-i xare-eb tôasi tides kōse.

¹²ǁÎs ra ǃgâidī bi, tsî tātsē tsūdī bi tama hâ, ǁîs di ûitsēdi hoadi kōse.

¹³ǁÎs ra ǀûb tsî vlas tsîra ôa tsî turab ǀkha sîsen ǁîs di ǃomkha ǀkha.

¹⁴ǁÎs ge doe-omgu ǁama-aob digu khami ī, ǁîs ge pereb âsa ǃnūseba xu ra hā kai.

¹⁵ǁÎs ra khâi, ganupe i ǃkhae hîa, tsîs ra ommi âsa ǂûmā, tsîs ra ǃgādi âsa sîsenamǃnâs âde mā.

¹⁶ǁÎs ra ǃhanab xa ǂâi, tsî ra hō bi; ǂûb ǁîs di ǃomkha dib xas ra ǂauxûiǂûǃhanaba ǂgābasen.

¹⁷ǁÎs ra kamanab âsa ǀgaib ǀkha ǃgae, tsîs ra ǁôakha âsa ǀgaiǀgai.

¹⁸ǁÎs ra hōǃâ ǁamagus âs a ǃgâi ǃkhaisa; ǃamamǀaes âs ge tsuxuba ǀari tama hâ.

¹⁹ǁÎs ra ǃommi âsa ǀhōǂui spinsǀî tsî ǃomǃnākha âs ra ǀhôaxūsa ǃkhō.

²⁰ǁÎs ra ǃomǃnāb âsa ǀkhomǀkhomsabeba ǀhōǂuiba, tsîs ra ǁôakha âsa ǂhâ hâba ǀhōǂuiba.

²¹ǁÎs ge ommi âsa ǃaoba tama hâ tsamaros xa: Ommi âs hoas ge ǃhonarisa saran ǃnâ anasen hâ amaga.

²²ǁÎs ra tapait-anixūna dībasen, ǁîs di saran ge a lineǃkhai tsî a purpur.

²³ǁÎs di aob ge a ǂansa ǁāgu ǃnâ, kaigu ǃhūb digu ǀkhab ga ǂnûo.

²⁴ǁÎs ra ǀuilineǃkhaiba dī tsîs ra ǁamaxū, tsîs ra ǁama-aoba ǃgaesenga dība.

²⁵ǀGaib tsî ǂkhaisib tsîkha ge a ǁîs di sara; tsîs ra âi ǃgoaxa tsēs xa.

²⁶ǁÎs ra ams âsa khowa gā-aisib ǀkha, tsî nams âs ais ge ǁkhāǁkhās ǃgâidīb disa hâ.

²⁷ǁÎs ra kōǃgâ dommi ǁîs di ommi diba, tsîs ge pereb ǀopesab diba ǂû tama hâ.

²⁸ǁÎs ôan khâi tsî ǃgâiǃōse ra ǃkhōǀkhā si; ǁîs di aob ona; tsîb ra ǃkhōǀkhā si tsî:

²⁹ǂGui ǀgôadi ge ǃgâiǂūse gere sîsen, xawe sas ge ǁîdi hoadi ǃnā hâ, ti ra mî.

³⁰ǀNamǀnamsasib ge a gāxaǃnâ, tsî îsasib ge a ǁausi, xawe ǁnā taras, ǃKhūba ga ǃaoǃgâs, ǁîs ge nîra koahe.

³¹ǂÛb ǁîs di ǃomkha dib xa ǁîsa mā, î gu sîsengu âsa ǁîsa kare ǁāgu ǃnâ.