Read Khoekhoegowab ǂKhoamîdi 9 Bible Online

ǂKhoamîdi 9 - Khoekhoegowab bible

ǂKhoamîdi 9

¹ǂAm gā-aisib ge oms âba ge ǂnubibasen; ǁîb ge hû ǂkhâǃnâgu âba ge ǁhābasen.

²ǁÎb ge ǂāxūn âba ge ǂā, ǁîb ge ǂauxûib âba ge haba; ǁkhātib ge tāb âba ge ǁāǁā.

³ǁÎb ge ǃgādi âba ge sîǂui, ob ra ǁkhau ǃās di hoan xa ǀgapi ǃkhaidi ai:

⁴Gâre-i hoa-e a-i nēxopa ī ti, tsîb ǁnâuǃāoǃnâ-i ǃoab ra mî:

⁵Hā, î du ǂû ti pereb xa, î du ā ti ǂauxûib hîa ta go habab xa!

⁶Gârena ǁnāxū, î du ûi; î du ǁnâuǃāb di daob ǃnâ dāǂgâ.

⁷ǃHō-aoba ga ǂgōǀau-i, ǁnā-i ge taosiba ǁî-i ai ra ū; tsî eloxoresaba ga ǀau-i, ǁî-i ge ǂnao-i â-e ra hō.

⁸ǃHō-aoba tā ǀau, îb tā ǁkhan tsi; gā-aiba ǂgōǀau, ob ge ǁîba nîra ǀnam tsi.

⁹Gā-aiba ǁkhāǁkhā ob ge ǃaruǀîǀgui nî gā-ai; ǂhanu-aiba ǁgau, ob ge ǃaruǀîǀgui nî ǁkhāǁkhāsen.

¹⁰ǃAoǃgâb ǃKhūb dib ge a gā-aisib di tsoatsoa tsî ǂans ǃanun dis, ǁîs ge a ǁnâuǃā.

¹¹Tita xus a, tsēdi âts nîra ǂguisa, tsî ûib di kurigats nîra ǀarobahesa xui-ao.

¹²Gā-aits ka, ots ge sats ǂûtsa a gā-aibasen; tsî ǃhō-aots ka, ots ge satsa ǀguri nîra tani.

¹³Gâre taras ge a ǂkhupixa; ǁnâuǃāoǃnâ khoes ǂhanis ge a ǁî, tsîs ge xū-i xare-e ǂan tama hâ.

¹⁴ǁÎs ge oms âs di dao-ams tawa ra ǂnû ǂnû-aiǃnao-i ai, ǀgapi ǃkhaidi ǃās didi tawa,

¹⁵ǂgais nîga ǁnān, daob ai ra ǃgû-īna, ǂhause daogu âna ra ǃgûna, mî rase:

¹⁶Gâre-i hoa-e a-i nēxopa hā! Tsî ǁnâuǃāoǃnâ-i ǃoas ra mî:

¹⁷ǃNarits ra ǁgamgu ge a ǂkhon; ǂganǃgâsa pereb ge a ǀnamǀnamsa.

¹⁸Xaweb ge ǁîba a ǀū, ǁō hân ǁnāpa hâ ǃkhaisa, ǁîs di ǁkhausaben ge ǃgamgu ǀamoǀaeb digu ǃnâ hâ.