Read Khoekhoegowab Aoǁnâ-aob 6 Bible Online

Aoǁnâ-aob 6 - Khoekhoegowab bible

Aoǁnâ-aob 6

¹Tsū-i ge hâ, sores ǃnaga ta ge mû-i, kaise khoen ǁaegu hâ-e.

²Khoeb, Elob xa ǃkhūsib tsî xūn tsî ǃgôasib tsîna ra māheb, tsîs ǀoms âba xū-e tôasi tama turab ran xaba, xawe Elob ge mā-am tama ǁîn ǃnâb nî ǃgâiǃgâisensa, xawe ǃhaokhoeb ra ǁîna hapu. Nēs on ge ǁau tsî a ǂkhaba tsû-ai.

³Khoeb ga ǀguikaidisi ǀgôana hō, tsîb ga ǀoasa kuriga ûi, tsēdi kurigu âb didi nî ǂguis kōse, xawe ǀoms âb ga xūn xa ǂâu tama io, tsî ǁkhō-eb ga ǁkhāti ūhâ tama io, o ta ge tita ra mî, ǁaeb ai ǃnae tama ǀgôa-i ǁîb xa a ǃgâi ǃkhaisa.

⁴ǁAusib ǃnâ i ǁî-e ra hā xui-ao, tsî ǃkhaenab ǃnâ i ge ra bē, tsî ǃkhaenab ǀkhas ra ǀons â-e ǃgū-aihe.

⁵ǁKhāti i ge soresa mû tama hâ tsî ǂan tama hâ; ǁnā-i ge ǁîb ǃgâ-ai sâ-e ūhâ.

⁶Ā, ǀgam ǃnāra kōseb ga ǀoadisi kuriga ûio, tsîb ga ǃgâiba mû tama io: Okha, hoatsaman kha ǁnâi ǀgui ǃkhais ǀguis ǃoa ǃgû tama hâ?

⁷Sîsenni khoeb dib hoab ge amǃnâs âba hâba, tsî ti ī xaweb ge turab âba toa tama hâ.

⁸Gā-aiba kha mâ harebesab gâreb ǃgâ-ai ūhâ? Tsî ǁnā ǀgâsab, ûitsaman aiǃâ tanisensa ǂanna, mâ harebesab ūhâ?

⁹Kōǀîs mûdi dis ge turaba ǃgûǃgûs xa a ǃgâi. Nēs on ge a ǁau tsî ǂoaba ǃkhoeǃgons ase ī.

¹⁰Tari-i ka xawes ge ǁî-i di ǀonsa ǀnai ge ǂgaihe, tsî i ge a ǂansa, ǁî-i a khoe ǃkhaisa, tsî ǁnāb, ǁîb ǃgâ-ai a ǀgaisab ǀkhab a ǃkham ǁoa ǃkhaisa.

¹¹Amase, ǀoasa xūn ge ǁnān, ǁausiba ra ǂguiǂguina, mâ harebe-eb kha khoeba ǁîn ǃnâ ūhâ?

¹²Tari-e a ǂan, mâ xū-i khoeba nē ûib ǃnâ a ǃgâiba ǃkhaisa, ǁnā ǀoro ǀgaus â-i tsēdi ǁau ûib âb didi, sommi khamib ra hâtoadi ǃnâ? Ā, tari-e khoeba nî mîba, tare xū-i ǁîb khaoǃgâ sores ǃnaga nî hā ǃkhaisa?