Read Khoekhoegowab ǀGapiǁnaetsanas 3 Bible Online

ǀGapiǁnaetsanas 3 - Khoekhoegowab bible

ǀGapiǁnaetsanas 3

¹Tita ge tsuxuba ti kharob ai ge ôa ǁnāb, ti ǀomsa ǀnam hâba; ǁîba ta ge ge ôa, tsî xawe hō bi tama hâ.

²A ta nēsi khâi, î ta ǃāsa ǃgûǃnâǃganu ǃâdi ǃnâ tsî ǃgangu ai, î ta ǁîb ti ǀoms ǀnam hâba ôa; o ta ge ǁîba ge ôa, xawe hō bi tama ge i.

³ǃÛi-aogu ǃās ǃnâ ra ǃgûmagu ge tita ge hō. O ta ge: Mû go go xare ǁnāb, ti ǀoms ǀnam hâba? ti ge mî.

⁴ǂKharirose ta ge ǁîga xu ǃgûbē ǃnubai ta ge ti ǀoms ǀnam hâba ge hō. O ta ge ǁîba ge ǃkhō, tsî ta ge ǁnāxū bi tama hâ, ti îs di oms ǃnâ ta ge ǁîba ūsīs kōse, ǃnā-oms ǁnās tita ge ǁoras dis ǃnâ.

⁵Tita ge saso ra nūba, Jerusalems ôaso, ǃaub di ǁgûn tawas kas, ǁkhaman tawas kas hoasa, î so ǀnamma tā ǂkhaiǂkhaikhâi, tsî ǃnoaǂkhai kai ǁîb nî ǂgaos kōse.

⁶Tarisa ǁnās ǃgaroǃhūba xu ra ǂoaxasa, ǀanǂkhâǃnâgu khami miren tsî wiroki tsîn ǀkha ǀanǀanǃganuhe hâsa tsî ǃgâihamxūn, ǁama-aob di tsoro-aixū-i hoa-i ǀkha?

⁷Mû, ǁnā kharob Salomob ūhâb ǂnamipe gu ge ǃnanidisi ǁē-aoga hâ, Israels ǁē-aogu diga.

⁸Hoatsama gôaga ǃkhō ǁkhāga, torodī ǁkhāga, mâb hoab âgu ǁîb di gôaba kamanab âb ai ūhâga tsuxub di ǃhurib xa.

⁹Gao-aob Salomob ge îǂnû-aiǃnao-e ge dībasen Libanonni di hain ǀkha;

¹⁰ǂkhâǃnâgu â-eb ge ǀhaiǀurib ǀkha ge dī, ǁgâibasenxūs â-e ǃhuniǀurib ǀkha, ǂnû-aixūs â-e purpuri ǀkha; ǃnāb din ge ǀnammi Jerusalems ôadi dib xa ge ǀgâihe hâ i.

¹¹ǂOaxa î so kōǀî, Sions ôaso, gao-aob Salomob ǁnā krons, ǁîb îs ge ǁîba ǃgameb âb tsēs ai tsî ǃgâiaǂgaob ǁîb ǂgaob dib di tsēs ai ǁîs ǀkha ǀgapasa.