Read Khoekhoegowab ǀGapiǁnaetsanas 7 Bible Online

ǀGapiǁnaetsanas 7 - Khoekhoegowab bible

ǀGapiǁnaetsanas 7

¹Matikōseb a îsa ǃgûb âsa sa ǁharora ǃnâ, gaoǀgôase! ǂNamiǃgâkha âs di ǃgupusib ge ǃgomǀgausa khedegu ǀurikuru-aob xa ǃomgu ǀkha dīhe hâgu khami ī.

²Sunis âs ge ǃgupu āǀgabis āxū-e tātsē tôasi tamas khami ī; ǃnāb âs ge ǃhoroǀhaos, lelin xa hâǂnamihe hâs khami ī.

³Sa samra ge ǁgûrora, ǁgûs di ǀgēra khami ī.

⁴ǃAob âs ge ǂkhoaǁgû ǂgō-ommi khami ī. Mûra âs ge ǁnā îǁgamra Hesbons dira, Bat-Rabims di ǁāb tawa hâra khami ī. ǂGuis âs ge Libanonni di ǂgō-ommi, Damaskusǀî ra ǂuib khami ī.

⁵Danas âs ge sa ai hâ Karmeli khami ī. Danaǀûn âs ge purpuri khami ī, gao-aob ge ǂgomasenǀhaidi âs xa ǃgaehe hâ.

⁶Matikōses a îsa, tsî matikōses a ǀnamǀnamsa. Ae! ǀNamtse, ǃgâiǃgâisendi ǃnâ.

⁷Nē kaixūb âs ge palmhais ǀkha ra ǂkhōhe, tsî samra âs ǂauxûiǂûhais ǂûn narudi ǀkha.

⁸Tita ge ge mî: Tita ge palmhais ai nî ǃapa, tsî ta ge ǂgonagu âsa nî ǃkhō. O ra ge samra âsa ǂauxûiǂûn, ǂauxûiǂûhais ai hân khami nî ī, tsî ǁamab sa ǂguis diba apeldi dib khami,

⁹tsî sa namǃhanab ǃgâi ǂauxûib khami, ǂhanuse ti ǁâsab ǃoa ra ǁgôab, ǁom hân di amǁgauga ra ǃhoa kaiba.

¹⁰Tita ge ti ǁâsab dita, tsî ǁîb ra tita ǂōsenǀî.

¹¹Hā, ti ǁâsatse, am sama ǃaub ǃoa ǂoa, îm ǃhaidi ǃnâ hâǁgoa.

¹²Îm ǃnauǁgoaga khâi ǂauxûiǂûǃhanagu ǁga, îm kō ises ǂauxûiǂûhaisa ra ǃkhā ǃkhaisa, īsen ǂauxûiǂûna ra ǃī ǃkhaisa, īse di granathaide ra ǃumi ǃkhaisa; ǁnāpa ta ge tita ti ǃnâ hâ ǁâba nî mā tsi.

¹³Dudaimdi ge ra ham, tsî sam di dao-amdi tawan ge ǃgâi ǂûtanin hoana hâ, ǀasan tsî ǀoron tsîna, ti ǁâsatse, ǁîna ta ge satsa sâuba hâ.