Read Khoekhoegowab Jesajab 12 Bible Online

Jesajab 12 - Khoekhoegowab bible

Jesajab 12

¹ǁNā tsēs ǁkhās ai du ge nîra mî: Tita ge ra gangan tsi, ǃKhūtse, ǁaixaǂam tets ge ǃkhaisa tsî ǁaib âts ge oa tsî sats ra ǁkhaeǂgao te ǃkhaisa.

²Mû, Elob ge a ti ǃgâiǃō; o ta ge nî ǂgomaiǂnûi tsî ǃao tide. ǃKhūb ā, ǃKhūb ge a ti ǀgai tsî a ti psalm, tsî ǁîb ge ǁnāb tita ge ǃgâiǃō kaiba xui-ao.

³Tsî sadu ge ǃgâiaǂgaob ǀkha ǁgam-e nîra xuri, ǀaudi ǃgâiǃōb didi ǃnâ;

⁴tsî du ge ǁnā tsēs ǁkhās ai nîra mî: Gangan ǃKhūba, î du ǀons âba ǂgaiǀî; î du dīgu âba ǂanǂan ǁaedi ǃnâ, aoǁnâ ǀons âb a ǀgapi ǃkhaisa.

⁵Psalmǁnaeba ǃKhūba, ǁîb ge ǂkhaisa xūna gere dī xuige; as ǁî ǃkhaisa ǂansa ǃhūbaib hoaragab ai.

⁶ǃGâiaǂgao, îs dâxase ǁnae, sas Sions di ǁansabese, ǃAnub Israeli dib ge sa ǃnâ a kai xuige.