Read Khoekhoegowab Jesajab 15 Bible Online

Jesajab 15 - Khoekhoegowab bible

Jesajab 15

¹ǂHôas Moab xa hâs: Amase tsuxub ǃnâs ge Ars Moab disa hîkākāhe hâ, ǁîs ge a ǀkhai. Amase tsuxub ǃnâs ge Kirs Moab disa hîkākāhe hâ, ǁîs ge a ǀkhai!

²ǁÎb ra ǃapa Baits tsî Dibons tsî Bamots tsîdi ǃoa āb nîga; Nebob tsî Medebab tsîkha ǂamab ge Moaba nîra ause ā. Danadi hoadi ân ge a ǃgora tsî ǀhō-amdi hoadi ge ǂkhomǁnâhe hâ.

³ǁÎn di ǁamaguǃkhaidi ain ge ǁhōga ǃgaesen hâ; ǁîn di omǂamǃnâdi ai tsî ǁîn di daogu ain ra hoatsama ā, ā rase ra ǃoaǃâ.

⁴Hesbons tsî Eleales tsîra ge ra ǃau, dommi âra ge Jahas kōse ra ǁnâuhe. ǁNā-amaga gu ge ǁâtanisen hâgu Moab diga ǃgarise ra ǃau, ǀoms mâ-i hoa-i dis ge ra ǀkhū.

⁵Ti ǂgaob ra ǃau Moab ǂama; ǁhâsaben âb ge Soars, Eglat-Selisias kōse ra sī. Ā rasen Luhits di ǂkhâba-ū ra ǃapa xui-ao; Horonaims ǃoa garu daob ain ra hîkākā rase ǃau xui-ao.

⁶ǁGamgu Nimrims digu nîra ǀaritoa xui-ao, ǀgâb ge a ǀhai, ǂkham ǀgâb ge a ǀkhai, tsî ǁhao-i xare-i a ǀkhai xui-ao.

⁷ǁNā-amagan ge ǃnāǂamsasib ǀhaoǀhaon ges tsî ǁguibēn gesa, ǂhûihaidi ǃārob ǃoa ra ūsī.

⁸ǁNā ǃnurub Moab di ǀkhariba nîra ǃgûǂnamipe xui-ao; ās âba Eglajims kōse, ā, Beer-Elims kōses ge ās âba nîra sī.

⁹ǁGamgu Dibons digu ǀaob xa ǀoa hâ xui-ao, tita Dibonsa ǃaruǀîǀgui ganupe nîra dīǀaro xui-ao, xamgu ge ûi gen Moab din tsî ǃgau gen ǃhūb din ǂama nîra hā.