Read Khoekhoegowab Jesajab 17 Bible Online

Jesajab 17 - Khoekhoegowab bible

Jesajab 17

¹ǂHôas Damaskus xa hâs: Mû, Damaskus ge ǃāse nîra ūbēhe, tsîs ge ǀuiǁkhopose nîra ī.

²ǃĀdi Aroers didi, ǁîdi ge nîra ǁnāxūhe, gūdi di ǃkhaise di ge nîra hâ, ǁîdi ge ǁnāpa nîra ǁgoe, tsî khoe-i xare-i ge ǁîde ǃhuriǃhuri tide.

³Tsî ǁaposa ǃkhais Efraimmi dis ge ǁkhāti nîra ǀû, tsî gaosis Damaskus dis tsî Siriaǁîn xa nî ǃgaun tsîna, ǁîn ge ǂkhaisib Israeli ôan dib khami nîra ī, tib ra ǃKhūb ǂnubidi diba mî.

⁴Tsî i ge ǁnātsē nîra ī, ǂkhaisib Jakob dib nîra ǁgā tsî kaub ǁîb di ǁgans dib nîra ǂgaba ǃkhaisa.

⁵ǃGao-aob ra mâ hâ ǃhoroba ǀhaoǀhao tsî ǁôab âb ra ǃnuruga ǃgaoǁnâ khami i nîra ī xui-ao; ā, khoe-i ǃgoaǃnāb Rafaimmi ǃnâ ǃnuruga ra sā-i khami i ge nîra ī.

⁶Xawe i sā-ai-e ǁîb ǃnâ nîra hâ, ǀkherahais di ǂûn ra ǂnauǁnâhe khami, ǀgam tsî ǃnona ǂûna ǀgapise hâ ǂgonab di ǀamsa xu, tsî haka tsî koro ǂûna ǂûtanixa ǂgonagu âba xu, tib ra ǃKhūb Israeli Eloba mî.

⁷ǁNātsēb ge khoeba, ǁNāb ǁîba ge kurubǀî nî kōnǃgâ, tsî mûra âb ge ǃAnub Israeli diba nîra mû.

⁸Tsîb ge ǁnā altardi ǁîb ǃomkha di sîsenniǀî kōnǃgâ tide, tsî ǁnān ǁîb ǀkhunugu ge dīnab ge kō tide, tsî ǀhomadi tsî sore-īgu tsîna.

⁹ǁNā tsēdi ge ǁîb di ǁaposa ǃāde ǁnāxūhe hâ hai-i xase, ǀgapise hâ ǂgona-i hîa ǁnāxūhe hâ-i xase nîra ī Israeli ôan ǃaroma, tsî di ge nîra ǃū-aisa.

¹⁰Elob sa ǃgâiǃōb dibats ge ǀuru tsî ǃhaob sa ǀgaib dib xats ǂâi tama xui-ao. ǁNā-amagats ra ǀnamǀnamsa ǂgāxūna ǂgā, tsîts ge ǁîna ǃhao ǃhūb di ǂgonagu ǀkha nîra ǂgāǀoaǀoa.

¹¹ǁÎnats ga ǂgā tsēs aits ge ǁîna nîra ǀom kai, tsî ǁgoagats ge sa ǃkhomma nîra ǃkhā kai, ots ge tsēs ǀaesenni tsî tsûsa ǃoab dis ai ǀoasase nîra ǃgaobasen.

¹²Tsūba ǂguisib ǁnā kai ǁaedi hurib khami ra ǀōdi diba, tsî tsūba ǂkhupib ǁnā ǁaedi ǀgaisa ǁgamgu xase ra ǀōdi diba!

¹³Ā, kai ǁgamgu ra ǀō xase di ge ǁaede nîra ǀō, xawe ǁîb ga ǁîna ǀauo, on ge ǃnūse nîra ǁhâbē, ā, on ge nîra doeǁgabēhe, ǀapon ǃhomgu din ra ǂoab xa doeǁgabēhe khami, tsî ǃhūba sareb xa.

¹⁴ǃUi-amǁaeb ai, mû, ob ge ǃhuriba hâ tsî ǁgoas ganupe ǁgoa tama hîab ge a ǀkhai. Nēs ge a amǃnâs, ǁnān sida ra ǀâǀhanan dis tsî ǀkhūs sida di ūǀhana-aon disa.