Read Khoekhoegowab Jesajab 18 Bible Online

Jesajab 18 - Khoekhoegowab bible

Jesajab 18

¹Tsūba ǁnā ǃhūb, ǃhonarisa sommi â-ib, ǃāgu Etiopiab digu xōǀkhā ǁgoeba,

²Nylǃāba-ū sîsabega ra sîba, ǂāǂgaudi ǃnâ ǁgamgu ai! ǃGûsī, ǃhae sîsabego, ǁnā ǁaes, gaxu sorosa ūhâs tsî ǂkhai ra ǀkhāba ūhâs ǃoa, ǁnā ǁaes, hîa hâs a khami tsî ǃaruǀî a ǃaoǃaosas ǃoa, ǁnā ǁaes, domga ūhâs tsî dāǃgâs dis, ǃhūb âsa ǃāgu xa ra dâuǀhanahes ǃoa.

³Sadu ǃhūbaib di ǁansabedu hoado, tsî sadu ǃhūb di ǁansabedu tsîdo, ǃkhaub ga ǃhomgu ai ǃkhāheo, o du ge ǁîsa nî mû, tsî ǀgapadas ga xâiheo, o du ge ǁîsa nî ǁnâu.

⁴Nētib ge ǃKhūba tita ǃoa mî xui-ao: Tita ge ǂkhîse ǂnû tsî nî kō ti ǁanǃkhais ǃnâ ǃhore ra ǀgammi khami, ǀapib khaoǃgâ ǀnanus ǀaub dis khami ǃgaoǁaeb di ǀgammi ǃnâ.

⁵ǃGaos aiǃâ ǃumis ga ǀoao, tsî ora ǂauxûiǂûb ga ǁano, ob ge ǁîba ǂgonaga gôas ǀkha ǃgaoǁnâ, tsî ǂgonaga nîra dībē tsî ǁhāǁnâ xui-ao.

⁶On ge ǀhûpe ǀâ-anin ǃhomgu din tsî ǀgurun ǃhūbaib dina nîra ǁnābahe; on ge ǀâ-anina ǁîna ǁîn ai ǁkhunaba nî hâǃkharu, tsî ǀgurun ǃhūbaib din hoan ge ǁîn ai saoba nî hâǃkharu.

⁷ǁNā ǁaeb ǁkhāb aib ge ǃKhūb ǂnubidi diba ǀkhaexū-e nîra ūhābahe, ǁnā ǁaes, gaxu sorosa ūhâs tsî ǂkhai ra ǀkhāba ūhâs xa, ǁnā ǁaes, hîa hâs a khami tsî ǃaruǀî a ǃaoǃaosas xa, ǁnā ǁaes ǀgaisas tsî dāǃgâs dis, ǃhūb âsa ǃāgu xa ra dâuǀgorahes xa, ǃkhais ǃKhūb ǂnubidi dib di ǀons dis ǃoa Sionǃhommi ǁga.