Read Khoekhoegowab Jesajab 20 Bible Online

Jesajab 20 - Khoekhoegowab bible

Jesajab 20

¹ǁNā kurib Tartanni ge ǁîb ai Asdods tawa sīb ǃnâ Sargonni, Asiriab di gao-aob, ge ǁîba sî ǃnubai, Asdodsab ge ǃkhamū tsî ǁîsa ū ǃnubai:

²ǁNā ǁaeb aib ge ǃKhūba Jesajab, Amob ôab di ǃoabasa xu ǃhoa tsî: ǃGûsī îts ǁhōba kamanab âtsa xu xoreǁnâ, îts ǁharora âtsa sa ǂaira xu ǁhû, ti ge mî. Ob ge ǁnāti ge dī, ǀōǀkhā tsî ǀōǂaise hâse ra ǃgûse.

³ǃNubaib ge ǃKhūba ge mî: Ti ǃgāb Jesajab ra ǀōǀkhā tsî ǀōǂai hâse ǃnona kurigu kōse ǃgû khami, sao-i tsî buruburuxa-i ase Egipteb tsî Etiopiab ǂama.

⁴ǁNās ǁkhās xaseb ge gao-aob Asiriab diba ǃkhōsan Egipteǁîn din ǁnā Etiopiaǁîn, hîa nî ǂgaeǂguibēhen, ǂkhamn tsî kain tsîna ǀōǀkhā tsî ǀōǂai tsî ǀōǂarese nîra doeǁgabē Egipteǁîn di taob ase.

⁵Tsîn ge ǃhuri tsî nîra tao ǁnā Etiopiaǁîn hîan ge ǂgomaiǂnûin xa tsî Egipteǁîna ǁîn koasenni xa.

⁶On ge ǁansaben nē ǃnāǃnuis dina ǁnātsē nîra mî: Mû, ǁnātib ge ǁnāba ge hāǂamhe, ǁîb ai da ge ǂgomǃgâsenni, ǁîb ǃoa da ge huib ǃaroma ǁhâba, Asiriab gao-aob di aisa xu da nî orehega. Tsî mati da kha sada nî ûi?