Read Khoekhoegowab Jesajab 26 Bible Online

Jesajab 26 - Khoekhoegowab bible

Jesajab 26

¹ǁNātsēs ge nē amsa nîra ǁnaehe Judab ǃhūb ǃnâ: Sida ge ǀgaisa ǃāsa ūhâ; ǃgâiǃōbab Eloba ra ǂnubiǂgoa tsî ǁkhuise ǂnûi.

²ǁĀga ǁkhowa-am, îs ǂhanu-ai ǁaesa ǁîgu ǃnâ ǂgâ, îǂhôasiba ra ǃkhōǀgaipesa.

³ǁAposa ǂâibasens ge nēsa sats nî ǂkhî-i hoa-e sâusa, sa ain ge ǂgomaiǂnûi xui-ao.

⁴ǃKhūb ai ǂgomaiǂnûi re ǀamosib kōse, ǃKhūb, ǃKhūb ǃnâb ǀamo ǃhaoba hâ xuige.

⁵ǁÎb ra ǀgapise ǂnôana ǃgamǃgam, ǁnā ǀgapi ǃāsa, ǁîb ra ǁîna ǃgamǃgam; ǃhūb kōseb ra ǁîna ǃgamǃgam, ǃhūb kōseb ra ǁîna sī kai.

⁶ǂAis ra ǁîna dāǂkhū, ǂaidi ǀkhomǀkhomsaben didi, dāǃharodi ǀgâsan dide.

⁷Daob ǂhanu-aib dib ge hoaragase a ǂhau; ǃganni ǂhanu-aib dibats nî satsa ǂhause ǀnō.

⁸Daob sa ǀgoraǃgâdi dib on ai da ge sats ǃKhūtsa ge ǃâu, sa ǀons tsî sa ǂâiǂâisens tsîras ge ǀoms âda ǁkhore hâ.

⁹Ti ǀoms ǀkha ta ge tsuxuba satsa ge ǁkhore; ti gagas, ti ǃnâ hâs on ǀkha ta ge satsa ǃnaupe nîra ôa. Sa ǀgoraǃgâdi ga ǃhūbaib ai hâo, on nî ǁansaben ǃhūbaib dina ǂhanu-aisiba ǁkhāǁkhāsen xui-ao.

¹⁰Eloxoresab ra ǀkhomma dī-ūhe, xaweb ge ǂhanu-aisi-i xare-e ǁkhāǁkhāsen tama hâ; ǁîb ra ǂkhabadī ǃhūb ǂhauǃnâsib dib ǃnâ tsîb ge ǀgapisib ǃKhūb diba kōǀî tama hâ.

¹¹ǃKhūtse, sa ǃommi a ǀgapi, xawen ge ǁîsa mû tama hâ, xawen ge ǁî-e mû tsî nîra tao; sa ǁaes ǂamats ra tau, tauxasib xa, ǁkhātis ge ǀaesa mâǃoasabena nîra hapu.

¹²ǃKhūtse, sats ge sida ǂkhîba nîra ǁāǁāba; sats ge sida ǃkhaidi hoadi ona dība da xui-ao.

¹³ǃKhūtse, sida Elotse, sa ose gu ge ǀkhara danakhoega sida ge gaoǂam, xawe sats ǀguitsa xus ge sa ǀons xa da ra ǂâisa.

¹⁴ǁŌ hâǃân ge ǁkhawa ûi tide; kā geǃân ge khâi tide. Sats ge ǁîna ôaǃnâ tsî hîkākā tsî ǂâiǂâisens ǁîn dis hoasats ge ǀaribē amaga.

¹⁵Sats ǃKhūts ge nē ǁaesa ge ǂguiǂgui, ǁaesats ge satsa ge ǂguiǂgui, tsîts ge ge ǂkhaiǂkhaihe, xawets ge ǁîna ǃhūbaib di ǀkhâuǀamdi hoadi kōse ge ǃhaebē.

¹⁶ǃKhūtse, ǂōǂōsib ǃnân ra satsa ôa; tsîn ra ǃnōsase ǀgores âna dī, ǁkharab âts xan ra hāǂamhe ǃnubai.

¹⁷Sida ge ǀgamǀkhā hâs, ǁora ǁaeb a ǀgūs, tsûga ūhâs, tsî tsûgu âs ǃnâ ra ǃaus ǁkhās khami ī, ǃKhūtse, sa di ais aiǃâ.

¹⁸Sida ge ǀgamǀkhā tsî tsûba ge ūhâ i, xawe da ge ǂoab ǀguiba ge ǁora. Sida ge ǃhūba ǃgâiǃgâ kai tide; tsî ǃhūbaib di ǁansaben ge ǁnāǁgoe tide.

¹⁹Sa ǁō hân ge nîra ûi; ti ǁō hâ soros on ge nîra khâi: ǃNoaǂkhai î du dâ, sadu tsarab ǃnâ ǁan hâdo, sadu ǀaub ge ǁhaon di ǀaub khami nîra ī; tsî ǃhūbaib ǁō hâna nîra aoǂui xui-ao.

²⁰ǃGû, ti ǁaese, ǃgûǂgâ sa ǃnā-omdi ǃnâ, îs sa khaoǃgâ dao-amdi âsa ǂganam; îs ǂkharirose mûsǀapirob kōse gaugausen, ǁgôasib nîra ǃgôa-īs kōse.

²¹Tsî mû, ǃKhūb ge ǃkhais âba xu nîra ǂoaxa, ǂhanuoǃnâsib ǃhūbaib di ǁansaben dibab nî ǁîn tawa ôaga; ob ge ǃhūbaiba ǀaob âba nîra ǂhaiǂhai, tsî ǃaruǀî ǃgamhe hân âba ǃgū-ai tide.