Read Khoekhoegowab Jesajab 27 Bible Online

Jesajab 27 - Khoekhoegowab bible

Jesajab 27

¹ǁNātsēb ge ǃKhūba ǁîb di karosa tsî kai tsî ǀgaisa gôab ǀkha nîra ôaǃnâ Leviatanni, gaxuse ra ǁnuru ǀaob, ā, Leviatanni ǃhae ǀaoba; tsî ǁîb ge ǁnā draki, hurib ǃnâ hâba nîra ǃgam.

²ǁNātsēb ge ǂauxûiǂûǃhanab ǀapa ǂauxûib diba nîra hâ, î du ǁîba ǃnādi ai ǁnaeba.

³Tita, ǃKhūta ge ǁîba ra ǃûi, mâ mûsǀapiro-i hoa-i ai ta ge ǁîba nîra ǀâǀâ. Khākhoe-i xab ôaǃnâhe tidese ta ge ǁîba nîra ǃûi, tsuxubas kas, tsēas kas hoasa.

⁴ǁGôasi-i ge tita tawa a ǀkhai. Tari-e kha tita ǁkhūse tsî ǀgamise nî mâi, torob ǃnâ ǁîba ta nî ǃhabi tsî ǁkhā ǁaeb ai khauǃkhūse?

⁵Ti ǀgaisasibab ga ǃkhō-o, ob ge tita ǀkha ǂkhîba nîra dī, ǂkhîbab ge tita ǀkha nîra dī.

⁶ǃGoaxa tsēdi ǃnâb ge Jakoba nîra ǃnomaǃkhō, Israeli ge nîra ǃkhā tsî nîra ǀom, tsîn ge ǃhūbaiba ǂûn ǀkha nîra ǀoaǀoa.

⁷ǁÎba ǂnaub ge ǁnāb ǁîba ge ǂnaubab ge ǂnau khami? ǃGamheb ge ǁîb di ǃgamsaben ge ǃgamhe khami?

⁸Sats ge ǂkhariǀgause ǁîb ǀkha ge ǃkham, ǁîbats ge ǂhābē ǃnubai, ǁîbab ge ǁgaoǂoas âb ǀkha ūbē ǃnubai, ǂoas aiǂoas dis di tsēs ai.

⁹ǁNā-amagab ge ǂhanuoǃnâsib Jakob diba nîra ǂkhî kaihe, tsî nēs ǃnâb ge ǂûtanib hoaba hâ ǁîb di ǁorebab nî dībēs ǃnâ, ǀuidi altars dideb ga ǁîba ǂnoaǂkhūǂkhūhe hâ ǃkhoroǀui-i khami ī kai ǃnubai, on ge ǀhomadi tsî sore-īgu tsîna mâhō tide.

¹⁰ǁAposa ǃās ge nîra ǃū-ai, ǁanǃkhais ǂhāxuhe tsî nîra ǁnāxūhe ǃgaroǃhūb axase xui-ao; ǁnāpan ge tsâuna nîra ǃû, tsî ǁnāpan ge nîra ǁgoe tsî ǂgonagu âba nîra hapu.

¹¹Tsî ǂgonagu âs ga ǂnâsa, on ge nîra khôaǁnâhe, o di ge tarade nîra hā, tsî ǁîga nîra ǂhubi, ǁnauǃāb â-i ǁae tamas a xui-ao; ǁnā-amagab ge ǁnāb ǁîna ge dība ǁîna ǀkhom tide, tsî ǁîna ge kurub ge ǁîna ǀkhomma mā tide.

¹²Tsî i ge ǁnātsē nîra ī, ǃKhūb nîra dāǃnâ ǃkhaisa ǃāba xu Egipteb di ǃāb kōse, xawe sadu ge ǀguiǀguibes ai nîra sākhâihe, sadu Israeli ôado.

¹³Tsî i ge ǁnātsē nîra ī, kai xâiǁnâs nîra xâihe ǃkhaisa, on ge ǁnān Asiriab ǃhūb ǃnâ ga hâna nîra hā, tsî Egipteǃhūb ǃoa doeǁgabēhe hâna, on ge ǃKhūba nîra ǀgoreǀî ǃanu ǃhommi ai Jerusalems tawa.