Read Khoekhoegowab Jesajab 28 Bible Online

Jesajab 28 - Khoekhoegowab bible

Jesajab 28

¹Tsūba ǁnā ǃgurixa krons, āǁō hân Efraimmi din disa, ǁnā ǂkhaisa anixūs, ǁnā ra ǃkhā-i dis khami īsa, danas kaise kausa ǃgoaǃnāb dis ai hâs, ǂauxûib xa dāhe hân disa.

²Mû, ǃKhūb ge ǀgaib tsî ǁkhāsiba ūhâ. Dâus ǃnareb dis khami īb, ǁāb hîǀhurus dib khami ība; dâu-i ǀgaisa ǁgamgu, hîa ra dâunarigu di-i khamib ge ǁîba ǃhūbaiba ǃommi ǀkha nîra aoǁgui.

³ǃGurixa krondi, Efraimmi di āǁō hân didi, ǁîdi ge ǂaidi ǀkha nîra dāǂkhūǂkhūhe.

⁴Tsî ǁnā ra ǃkhās ǂkhaisa anixūb âb dis kaise kausa ǃgoaǃnāb di danas ai hâs, ǁîs ge aiǁan hâ ǂûs ǁkhunab dis khami nîra ī, ǁnās khoe-i xas ga mûhe ǃnubai ganupes ǁî-i di ǃomǁae hâ hîa ra hapuhesa.

⁵ǁNātsēb ge ǃKhūb ǂnubidi diba ǂkhaisa krons tsî ani ǀgapaxūse ǃgau gen ǁîb di ǁaes dina nîra ība.

⁶Tsî gagas ǀgoraǃgâs dise ǁnāb ǀgoraǃgâ nîse ǂnôaba, tsî ǀgaise ǁnān, ǃkhamma ǁāb kōse ra ǁkhaedawana.

⁷Tsî nēn on ra ǁhapu ǂauxûib xa, tsîn ra ǁhapuma ǀgaisa xûib xa; pristeri tsî kēbo-aob tsîkha ra ǂgare ǀgaisa xûib xa; ǁîn ge ǂauxûib xa ǀūa-ai hâ; ǁîn ge ǀgaisa xûib xa ra ǁnāma, ǁîn ra ǁhapu ai-en ra mûo, ǁîn ra ǂhapusen ǀgoraǃgâs tawa.

⁸Tāgu hoagu ge ǀkhûib xa tsî ǀurisasib xa ǀoa hâ, ǃanu ǃkhai-i xare-i a ǀkhais kōse.

⁹Tari-eb kha ǁîba ǂansa nî ǁkhāǁkhā, tsî tari-eb kha ǁîba ǂhôasa nî ǁnâuǃā kai? Dai-e xu ǀōǀōhe hâ ǀgôan, samra xu ūǁnâhe hâna?

¹⁰Mîmā-i ge mîmā-i ai hâ xui-ao: Mîmā-e mîmā-i ai, domma dommi ai, domma dommi ai, nēpa ǂkharirose, naupa ǂkharirose.

¹¹ǁNā-amagab ge ǁîba aikhom ra amǁgaugu tsî ǃhao nams ǀkha nē ǁaes ǀkha nîra ǃhoa.

¹²ǁNān, ǁîn ǃoab ge ǁîba: Nēs ge a sâ, ǀhupu hâna sâba kuruba, tsî nēs ge a khoakhoa, ti ge mîna, xawe ǁîn ge ǁnâu ǂgao tama ge i.

¹³Os ge mîs ǃKhūb disa ǁîna nîra ība: Mîmā-e mîmā-i ai, mîmā-e mîmā-i ai, domma dommi ai, domma dommi ai, nēpa ǂkharirose, naupa ǂkharirose; în ǃgû în khaosǀî ǁnā, în ǂkhū, în tanisen, în ǃkhōhe, ti.

¹⁴ǁNā-amaga ǁnâu ǃKhūb di mîsa, sago ǃhō-aogo, sago nē ǁaes Jerusalems tawa ǁan hâsa ra gaoǂamgo.

¹⁵Sago ge ra mî: Sige ge ǃgaeǀhao-e ra dī ǁōb ǀkha, tsî ǀamoǀaeb ǀkha ge ge ǂanǃgâsenxa ǃgaeǁaesen-e ge dī. Xui-aob ge ǃnāǂamsa ǂnauhaiba, ǃgûǃganu hāb kao, sige kōse hā tide; sige ge ǂhumiba ǁhaiǁhâǃkhaise ge mâibasen, tsî gāxaǃnâsib ǃnâ ge gaugausen xui-ao.

¹⁶ǁNā-amagab ra ǃKhūb ǃKhūba nēti mî: Mû, tita ge ǃgaoǃgaoǀui-e ge ǁgui Sions ǃnâ, ǃâitsâhe hâ ǀuib, ǃgomǀgausa ǁhôaǀuib, ǃgâise ǁapoǁapohe hâba; ǂgom ka-i ǁî-i ge ǃhae tide.

¹⁷Tsî tita ge ǀgoraǃgâsa dīǂhauǂhautsurib ǃoa ge ǂnûi, tsî ǂhanu-aisiba kōkōsaos ǃoa; ob ge ǃnareba ǂhumigu di ǁhaiǁhâǃkhaisa nîra ǃgombē, o gu ge ǁgamga sâuǃkhaisa nîra dâu-īǀkhā.

¹⁸Os ge sadu ǃgaeǀhaos ǁōb ǀkha du ge dīsa nîra ǁau; ob ge sadu ǂanǃgâsenxa ǃgaeǁaesenni, ǀamoǀaeb ǀkha du ūhâba, mâǁapo tide. ǃNāǂamsa ǂnauhaib ga ǃgûǃnâǃganuo, o du ge ǁaib xa nîra ǂkhū.

¹⁹ǃGûǃnâǃganub ra ǁaeb hoab aib ge sado nîra ūbē; mâ ǁgoas hoas aib ge nîra ǃgûǃnâǃganu, tsēas kas tsuxubas kas hoasa, tsî i ge nîra ī, gomma ǁnâuǃās nî gongonǃnâs ǀguise ī ǃkhaisa.

²⁰Kharob sats nî ǁîb ai ǁgoe ǃkhaisa nîra ǃnububa, tsî ǂnams sats nî ǁîs ǃnâ ǃgamisen ǃkhaisa nîra ǂōba xui-ao.

²¹ǃKhūb nîra khâi xui-ao ǃhommi Perasimmi ais khami, tsî ǁîb nîra gongonǃnâhe ǃgoaǃnāb Gibeons dib ǃnâ khami sîsenni âbab nî dīga, sîsenni âb a buruburuxa, tsî dīs âbab nî dīga, dīs âb a ǃhao xui-ao.

²²Î du ǁnâi tā ǃhō, î di sadu di ǃgae-ūdade tā ǃaruǀîǀgui ǁapo, tita ge ǃKhūb ǂnubidi di ǃKhūba xu hîǀhuru-i xa ge ǁnâu, hîa ǂâibasenǁapoǁapohe hâ-i xa ǃhūb hoaragab ǂama.

²³ǁNâu, î du ǁnâuǃā ti domma; ǃgaoǃgâ î du ti mîsa ǁnâuhō.

²⁴ǃHūǃgao-aoba xare ǃhūǃgaob ra tsēs hoasa, tsorob nîga? Xare ǃkhaiǃā tsî ǂhōǂhōb ra ǃhūb âba tsēs hoasa?

²⁵Ama tama-e: ǀGapise ǁgoe ǃhūbab ga ǂhauǂhauo, ob ra tsoro wiken xas kas, ob ra tsoroma komain xas kas, ob ra tsoro hoan xa ǃgâi ǃhorob xas kas, ǃkhōǂuihesa gerstǃhorob xas kas, spelǃkhommi xas kas hoasa, mâ-i hoa-e ǁî-i di ǃkhais ai.

²⁶Tsîb ra Elob âb xa ǁgauhe, matib nî dīsa, ǁîb ra ǁkhāǁkhā bi.

²⁷Wikenǃkhommi ge dāǃnâkunidi ǀkha dāǃnâhe tama hâ, tsî kuniǀnūs ge komainǃkhomma ǃgûǂam kaihe tama hâ xui-ao, tsî hai-i ǀkhab ra wikenǃkhomma ǂnauǂuihe tsî komainǃkhomma ǀkharu-i ǀkha.

²⁸Pereǃhoroba ǂkhūǂkhūheb ra? Hî-î, xaweb ge ǁîba hugaǀgui dāǃnâ bi tama hâ, tsîb ge ǁkhāti kunis âb di ǀnūs ǀkha khôaǂkhū tsî hān âb ǀkha dāǂkhū kai bi tama hâ.

²⁹Nē ǃkhais on ge ǃKhūb ǂnubidi diba xu ra hā: ǁÎb ge ǀapes ǃnâ a buruxa, tsî ǁîb ge dīsa a ǁkhā.