Read Khoekhoegowab Jesajab 31 Bible Online

Jesajab 31 - Khoekhoegowab bible

Jesajab 31

¹Tsūba ǁnān Egipteb ǃoa huib ǃaroma ra ǁgôana, tsî hān ai ra ǂgomǃgâsen tsî kunidi ai ra ǂgomaiǂnûina, ǁîdi a ǂgui amaga, tsî ǃgapi-aogu ai, kaise gu a ǀgaisa amaga, tsî ǃAnub Israeli dib ai kō taman tsî ǃKhūba ôa tamana.

²Xawe ǁîb on ge a gā-ai, tsî ǁîb ge ǁnāb ǂkhababa ra hā kaib; mîdi âba ǂgaedawa tamaba. Tsî ǁîb ge nîra khâi ommi ǂkhabadī-aon dib ǃoagu, tsî huib ǁnān ǃanuoǃnâsiba ra sîsenūn dib ǃoagu.

³Egipteǁîn ge a khoe, tsî Elo tama xui-ao; tsî ǁîn di hān ge a ǁgan tsî gaga tama. Ob ge ǃKhūba ǃommi âba nîra ǀhōǂui, hui-ao-i nî ǃnôaga, tsî ǁnā-i hîa ra huihe-i nî ǁnāga; hoatsaman nî ǁnāse.

⁴Nētib ge ǃKhūba tita ǁga mî xui-ao: Xammi tsî ǂkham xammi ǃkhōs âb ǃaroma ra ǃoro khami; ǂguib ǃûi-aogu dib hoab ge ǁîb ǃoagu ǂgaiǀhûhe, xaweb ge dommi âgu xa ǃhuri tama, tsî ǃgamǃgam tama ǁîgu di ǂguib ǃaroma; ǁnās ǁkhās khamib ge ǃKhūb ǂnubidi diba nîra ǁgôa, ǃhommi Sionni tsî ǃnoms âbab nî ǃkhambase.

⁵ǁKhana ra anin ra dī khamib ge ǃKhūb ǂnubidi diba Jerusalemsa nîra sâu; sâu raseb ge ǁîba ǁîsa ǁkhāti nîra ore, tsî ǃgûǃganu raǃâb ge ǁîba ǁîsa ǁkhāti nîra huiǂui.

⁶ǃHobasen du re ǁNāb, Israeli ôan ge ǁîba xu ǃgamse ǁnāǁgôab ǃoa.

⁷ǁNātsēn mâ-i hoa-i âna nîra aoxū ǁîn di ǀhaiǀuriǁgôa-elogu, sadu di ǃomgu ge ǁoreb ase dībasenga xuige.

⁸Tsî Asiriab ge gôab xa nîra ǁnā, aorekhoeb dib xa tama i; tsî gôab khoe-i di tamab ge ǁîba nîra hapu. Tsîb ge gôab aiǃâ nîra ǃhū, tsî ǂkhamkhoegu âb ge nîra tsuni.

⁹Tsîb ge ǁîba ǃaob xa nîra ǃgûǃganu ǃhaob âb ǃoa; tsî gaosagu âb ge ǃkhaub aiǃâ nîra ǃhuri, tib ra ǃKhūba mî, Sions tawa ǁîb ǀaes tsî Jerusalems tawa ǁîb ǀaekhorosa ūhâba.