Read Khoekhoegowab Jesajab 35 Bible Online

Jesajab 35 - Khoekhoegowab bible

Jesajab 35

¹ǃGaroǃhūb tsî ǂnâsa ǃkhaidi tsîn ge nēs ǂama nîra ǃgâiaǂgao; tsî ǃū-aisa ǃaub ge dâ tsî nîra ǃkhā rosǃkhā-i khami.

²ǁÎb ge ǃnāǂamsase nîra ǃkhā tsî nîra dâ, ā, ǃgâiaǂgaob tsî dâb tsîkha ǀkha: ǂKhaisib Libanonni dibab ge ge māhe, anis Karmeli tsî Saronni tsîkha disa; ǁîn ge ǂkhaisib ǃKhūb diba nîra mû, anis sida Elob disa.

³ǃOposa ǃomga ǀgaiǀgai, î du ǀkhū ra ǁgoade mâiǁapoǁapo.

⁴ǂKhapuǂâixa ǂgaoba ūhâna mîba: ǀGaisa î du tā ǃao. Mû, sadu di Elob ge ǀkhaob nîse ra hā, Elob di mādawa-ams ǀkha, ǁîb ge hā tsî nîra ore du.

⁵ǁNāǃnubai di ge ǂgī hân di mûde nîra khowahe, tsî ǂgaedi ǂganaǂgae hân didi ge nîra ǁkhowa-amhe.

⁶ǁNāǃnubaib ge ǃhoraba ǁkhamab khami nîra uri, tsî nams ǃgomeb dis ge nîra dâ. ǁGamgu ǃgaroǃhūb ǃnâ nîra ǂnauǃhui xui-ao, tsî ǃārogu ǃū-aisa ǃaub ǃnâ;

⁷ob ge ǁgâsa ǃhūba nîra ǁgamxa kai, ob ge ǁgâsa ǃhūba nîra ǁgamxa ǀau kai. ǀGirin ǁanǃkhais, ǁîn ra ǁgoe ǃkhais ain ge ǀgâb tsî ǂāb tsî ǀharun tsîna nîra hâ.

⁸Tsî ǁnāpab ge kai daoba nîra hâ tsî ǁnā daob ǃanu ti nîra ǂgaiheba. ǀUrisa-i xare-i ge ǁîba-ū ǃgû tide; tsî i ge nîra ǁîb di, ǁnā daob ai ga ǃgû-e; gâre khoe-i, xawe i ge ǁhapu tide.

⁹Xammi ge nîra ǀkhai, tsî ǀkhauǃā ra ǀguru-i xare-i ge ǁîb ai sī tide, tsî ǁnāpa hōhe tide, tsî oresan ǀguin ge ǁîba nîra ǃgûǃnâ.

¹⁰Tsî ǃnoraǃnorahe hân ǃKhūb din ge oa, tsî dâb ǀkha Sions tawa nîra sī; tsî ǀamo ǃgâiaǂgaob ge ǁîn di danas ai nîra hâ, ǃgâiaǂgaob tsî dâb tsîkhan ge nîra hō, xawe ǃoab tsî ǃgaes tsîra ge ǁîna xu nîra ǁhâ.