Read Khoekhoegowab Jesajab 4 Bible Online

Jesajab 4 - Khoekhoegowab bible

Jesajab 4

¹Tsî ǁnā tsēs ǁkhās ai di ge hû tarade ǀgui aoba ǃkhō tsî nîra mî: Sise ge ǂûn âse nî ǂû tsî saran âse nî ana; nēs ǀguisa mā-am se, î se ǀons âts ǀkha ǂgaisen, îts sise di taosiba sise xu ūbē!

²ǁNā tsēs ǁkhās aib ge ǂGonab ǃKhūb diba anise tsî ǂkhaisise nîra ī, tsî ǂûtanib ǃhūb dib ge ǁnān Israela xu nî ûina ǂamsise tsî anixūse nîra ība.

³Tsî i ge nîra ī, ǁnā-i Sions ǃnâ ǃgau hâ-i tsî ǁnā-i Jerusalems ǃnâ ǁnākhaohe hâ-i ǃanu ti nîra ǂgaihe ǃkhaisa, mâ-i hoa-i Jerusalems tawa ûib ǃoa xoahe hâ-e,

⁴ǃKhūb ga ǀurisasib Sions ôadi diba ǁāǁnâo tsî ǀaoǀhapidi Jerusalems dide ǁîdi ǁaeguba xu ǃhaebēxūo, Gagab ǀgoraǃgâs dib ǀkha tsî Gagab ǀaes dib ǀkha.

⁵Ob ge ǃKhūba mâ ǁanǃkhais ǃhommi Sionni dis hoas ǂama tsî ǀhûhâdi âb ǂama ǀnanu-e nîra kuru, tsēs di-e, tsî ǀanni tsî ǀaes di ǂkhai-i tsuxub di-e; ǂkhaisan hoan nîra sâuhe xui-ao.

⁶Tsî ǁhao-oms ge nîra hâ, sommi ǃkhaise tsēa, ǀgammi ǃoa, tsî ǁhaiǁhâǃkhaise tsî sâuǃkhaise dâus tsî ǀapib tsîra ǃoa.