Read Khoekhoegowab Jesajab 47 Bible Online

Jesajab 47 - Khoekhoegowab bible

Jesajab 47

¹ǁGôaxa, îs tsarab ǃnâ ǂnû, sas ǂkhamkhoes Babilons ôase; ǂnû ǃhūb ai, ǂnû-aiǃnao-i a ǀkhai xuige, sas Xaldeaǁî ǀgôase. ǃAruǀîs ge tsamras, ǃgâiǃgâisenxas ti ǂgaihe tide.

²Ū ǁkhamisa îs tsampereba ǁkhami; ǃgū-aiǃkhaib âsa khoba-ai. ǃNôara ǀkhaiǀkhaiǀkhā, tîra ǀkhaiǀkhā kai, ǃāga xanu.

³Taotaosa ǃkhais âs ge nîra ǀkhaiǀkhā kaihe, tsî taosib âs on ge nîra mûhe. Tita ge nî ǀkhao; tita ge khoe-i xare-e sâu tide.

⁴Sida Ore-aob ǀons ge ǃKhūb ǂnubidi dib, Israeli di ǃAnub, ti hâ.

⁵ǃNōsase ǂnû, îs ǃkhaeb ǃnâ ǂgâ, Xaldeaǁî ǀgôase; sas ge ǃaruǀî gaosidi di gaos, ti ǂgaihe tide xuige.

⁶Tita ge ti ǁaesa ge ǁaixaǂam, tita ge ti ǀumisa ge ǀuriǀuri; tsî tita ge ǁîna sa ǃomǁae ge mā, xawe sas ge ǁîna ǀkhomxaǂgaosi-i xare-e ǁgau tama ge i. Kairan hâ xawes ge ǁîn ǃnaoba kaise ge ǃgom kai.

⁷Xawes ra sasa: Tita ge nî gaosa ǀamos kōse, ti mî; nēsis kōse, xawes ge nēna sa ǂgaob ǃnâ ū tama hâ, ǁîn di ǀams xas ge ǂâi tama ge hâ i.

⁸Îs ǁnâi nēsi ǁîsa ǁnâu, sas ǃgâiǃgâisenxas, nētikōse sâusase ǁan hâs, sas ǂgaob âs ǃnâ: Tita ge ǁî ta, tsî ǀnîsa tama, tita ge ǃoatarase ǂnû tide, tsî ǀgôaose hâsa ǂan tide, ti ra mîsa.

⁹Xawes ge ǁî ǀgam xūn xa ǀgui mûsǀapirob ǀguib ai nîra hāǂamhe, ǀgui tsēs ǀguis ai: ǀGôaosis tsî ǃoatarasis tsîra xa; ǀoa hâses ge ǁîra xa nîra hāǂamhe ǃgaidīgu âs di ǂguib ǃaroma, nū-ain âs di ǀoasasib ǃaroma.

¹⁰Sas ge sa ǂkhabasib ai ǂgomaiǂnûi xui-ao, sas ge: Khoe-i xare-i ge mû te tama hâ, ti ra mî. Sa gā-aisib tsî ǂans tsîra ge sasa ge ǂgaeǂhapu, tsîs ge ǂgaob âs ǃnâ: Tita ge ǁî ta, tsî ǀnîsa tama, ti ge mî.

¹¹ǁNā-amagas ge sasa ǂkhaba-i xa ra hāǂamhe, tsîs ge ǁgoaǂnobos â-e ǂan tide, tsîs ge tsūǃō-i, hîas ǂkhîǂkhî ǁoa i xa nîra hāǂamhe: ǃHaeses ǁgaoǁgaosi-i xa nîra hāǂamhe, ǀūs a-i xa xui-ao.

¹²Îs ǁnâi dāhā, nū-ain âs ǀkha, tsî ǃgaidīgu âs di ǀoasasib ǀkha, ǂkhamsisa xus ge ǁîna sîsenūn ǀkha, ises ǀnîsi nî harebe ǁkhā; ises ǀnîsi nî ǀgaiǀgaisen ǁkhā i ǃkhaisa.

¹³Sas ge ge ǀhupu ǂguib sa ǀapeǀape-aidi dib ǃnâ: An ǁnâi khâi ǁnān, ǀhomma ra ǃgaoǃgân, ǀgamirode ra kōn, ǂkham ǁkhâgu ǃoa ra aimûǀgaruna, în sasa ore ǁnā xūn ǁîn nî hāǂam sina xu.

¹⁴Mû, ǁîn ge ǃhoroǃgaodan khami nîra ī; ǀaes ge ǁîna nîra khauǃkhū. ǁÎn ge ǁî-aitsama ǁhabub di ǀgaiba xu ore ǁoase nîra ī; ǂnom-i xare-i ge a ǀkhai, ǁî-i tawas nî sâ-e, ǀae-i xare-i ǁî-i amas nî ǂnû-e.

¹⁵Nētin ge nîra ī ǁnān, ǁîn ǀkhas ge sîsen khoen, sa ǂharugu-aon, ǂkhamsis âsa xus ūhân xa i ge mâ-i hoa-e nî ǃkhoeǂnâ; khoe-i sasa nî ore-i ge nî ǀkhai.