Read Khoekhoegowab Jesajab 62 Bible Online

Jesajab 62 - Khoekhoegowab bible

Jesajab 62

¹Sions ǃaroma ta ge ǃnō tide, tsî Jerusalems ǃaroma ta ge sâ tide, ǂhanu-aisib âs nî ǁgoaǂkhaib axase ǀkhīs kōse, tsî ǃgâiǃōb âsa ǃamamǀaes, hîa ra khaus axase.

²Tsî ǁaedi ge sa ǂhanu-aisiba nîra mû, tsî gao-aogu hoaga sa ǂkhaisiba; os ge sasa ǀasa ǀons, ǃKhūb di ams nî ǀonmā sis ǀkha nîra ǂgaihe.

³Os ge sasa anu kronse nîra ī ǃKhūb ǃomǁae, tsî gao-ao ǀgapase sa Elob ǃomǁae.

⁴Os ge sasa: ǁNāxūhe hâs, ti mîǀîhe tide, tsî sa ǃhūb ge: Hîkākāhe hâb, ti mîǀîhe tide, tsîs ge sasa: Ti turab ǁîs ǃnâ hâs ti nîra ǂgaihe, tsî sa ǃhūba: ǃGame hâb: ǃKhūb sa ǃnâ turaba ūhâ tsî sa ǃhūb nîra ǃgamehe xui-ao.

⁵ǂKhamkhoeb ra ǂkhamkhoesa ǃgames ǁkhās khamin ge sa ôana sasa nîra ǃgame xui-ao; tsî ǃgame-aob ǃgame-aos ǂama ra ǃgâiaǂgaos ǁkhās xaseb ge sa Eloba sa ǂama nîra ǃgâiaǂgao.

⁶Jerusalemse, tita ge ǃûi-aoga sa ǂnubiǂgoagu ai ge mâi, mâ ǁaeb hoab ai, tsēs hoas tsî tsuxub hoaba ǃnō tidega. Î go ǁnâi, sago ǃKhūb xa ra ǂâi kaigo, tā ǃnō,

⁷î go ǁîb aiǃâ tā ǃnō, ǁîb nîra ǁapoǁapos kōse, tsî Jerusalemsab koase ǃhūbaib ai nîra ǂnûis kōse.

⁸ǃKhūb ge ǁîb amǀkhāb tawa tsî ǀgaib âb di ǁôab tawa ge nū: Sa ǃhoroba ta ge tita ǃaruǀî sa khākhoena ǂûse mā tide, tsî ǃhao khoen ge sa ǂkhon ǂauxûib sas ge sîsenni xa ā tide.

⁹Xawe ǁnān ǁîna ge ǀhaoǀhaon ge ǁîna nîra ǂû tsîn ge ǃKhūba nîra kare, tsî ǁîba ge ǀhaoǀhaon, ǁnān ge ǁîba nîra ā ai-omgu ti ǃanusib digu ǃnâ.

¹⁰ǃGûǃganu du re, ǃgûǃganu du re ǁāga! ǁĀǁā du re daob ǁaes diba. ǀGapiǀgapi du re, ǀgapiǀgapi du re ǃganna. ǀUide ǃnarobē, î du ǁaedi hoade ǃkhau-e ǃkhāba.

¹¹Mû, ǃKhūb ge go ǁnâu kai ǃhūbaib di ǀams kōse: Mîba re Sions ǀgôasa; mû ǃgâiǃōb âs ra hā! Mû, ǁîb amǃnâs ge ǁîb ǀkha hâ, tsî sîsenamǃnâs âb ge ǁîb di ais aiǃâ hâ.

¹²Tsîn ge ǁîna: ǃAnu ǁae, ǃKhūb di oresabe, ti nîra ǂgaihe, tsîs ge sasa: Ôaheges, ǃās hîa ǁnāxūhe tamas, ti nîra ǂgaihe.