Read Khoekhoegowab Levitikus 10 Bible Online

Levitikus 10 - Khoekhoegowab bible

Levitikus 10

¹Tsî Aronni ôakha, Nadab tsî Abihub tsîkha ge mâb hoaba ǁîb di ǀanǀanxūsa ū tsî ǀaesa ge ǂgā tsî ǀanǀanxūna ge ǁgui-ai tsî ǃhao ǀae-e ǃKhūb di ais aiǃâ ge ūsī, ǁîb ǁîkha mîmā tama ge hâ i ǃkhaisa.

²ǃNubai i ge ǀae-e ǃKhūb di aisa xu ǂoa tsî ǁîkha ge hapu; tsîkha ge ǃKhūb di ais aiǃâ ge ǁō.

³Ob ge Moseba Aronni ǃoa ge mî: Nēs ge ǁnā ǃkhais ǃKhūb ge gowasa, mî rase: ǁÎgu hîa tita ra ǀgūgu ǃnâ ta ge tita nîra khaihe, tsî ǁaes hoas di ais aiǃâ ta ge tita nîra ǂkhaiǂkhaihe. Ob ge Aronna ge ǃnō.

⁴ Ob ge Moseba Misaeli tsî Elsafanni tsîkha, Usieli Aronni ǁnaob di ôakha ǂgai tsî ǁîkha ǃoa ge mî: Hā î kho sakho di ǃgâsakha ǃanusib aiǃâba xu ǁgoeǃkhais ǃaugab kōse taniǂui.

⁵ǁGoasi kha ge hā tsî ǁîkha saran âkha ǃnâ ǁgoeǃkhais ǃaugab kōse ge taniǂui, Moseb ge mîmā khami.

⁶Tsî Moseb ge Aronni ǃoa tsî Eleasari tsî Itamari, ǁîb di ôakha ǃoa ge mî: Sago ge danadi âgo ǀkhaiǃnâ kai tide tsî sago sarana ǀkhau tide, ǁō go tidega tsî kai ǁai-i ǀhaohâb hoab ai hā tidega, xawe sago di ǃgâsan Israeli di ommi din hoan ge nē ǀaes ǃKhūb xa go ǂhubihesa nî āǂam.

⁷ǁKhāti go ge tentoms ǀhûs dis di dao-amsa xu ǂoa tide, ǁō go tidega, ǂkhau-olib ǃKhūb dib ge sago ai hâ amaga. O gu Moseb di mîs ǃoa ge dī.

⁸Tsî ǃKhūb ge Aronni ǀkha ge ǃhoa, mî rase:

⁹ǂAuxûib tsî ǀgaisa xûibats ge ā tide, sats kas, sa ôagu sa ǀkha hâgu kas hoas tentoms ǀhûs dis ǃnâ go ga ǂgâ ǃnubai, ǁō go tidese. ǁÎsa as ǀamo ǂnûiǂgāse ī sago ǃhaodi ǃnâ.

¹⁰Tsîs ǀgorasa nî dīhese, khaihesa-i tsî khaihesa tama-i ǁaegu tsî ǃanu-i tsî ǃanu tama-i ǁaegu;

¹¹tsî Israeli ôana go nî ǁkhāǁkhāse ǁnā ǂnûiǂgādi ǃKhūb ge Moseb di ǃoabasa xu ǁîna ǃoa ǃhoadi hoade.

¹²Tsî Moseb ge Aronni ǃoa tsî Eleasari tsî Itamari, ǁîb di ôakha ǃoa ge mî: Ū ǂûǁguibas ǃKhūb di ǀaeǁguibadi xa ge ǃgaus xa, î go ǁîsa ǀkhuruǀkhuruoǃnâse ǂû altars tawa, ǃanusin di ǃanusi-i ge a ǁî xuige.

¹³ǁNā-amaga go ge ǁî-e ǃanu ǃkhais tawa nî ǂû, sats a anu amǃnâsa tsî sa ôagu a anu amǃnâsa amaga ǃKhūb di ǂûǁguibadi xa; nēti ta ge mîmāhe xuige.

¹⁴Gongonǁkhaib tsî ǁguibatîs ona du ge ǃanu ǃkhais tawa nî ǂû, sats tsî sa ôagu tsî sa ôadi tsîdo sats ǀkha; sats a anu amǃnâs tsî sa ôagu a anu amǃnâs asen ge ǁîna Israeli di ganganǁguibade xu ge ūhe.

¹⁵Tîs tsî ǁkhaib tsîkhan ge ǀaeǁguibadi kaub didi xōǀkhā nî ūhā, gongonǁguibasen nî ǃKhūb di ais aiǃâ gongonhese; ǁîs ge sats tsî sa ôaga sats ǀkha ǀamo ǂnûiǂgāse nî ība, ǃKhūb ge mîmā khami.

¹⁶Tsî Moseb ge ôasase ǁoreǁguibas di piriba ge ôa; tsî mû, ǁîb ge khauǃkhūhe ge hâ i. ǁNā-amagan ge Eleasari tsî Itamari, ǃgau ge ǀgôakha Aronni dikha ǂama kaise ǁaixa tsî ge mî:

¹⁷Tare xū-i ǃaroma kho nē ǁoreǁguibasa ǃanu ǃkhais tawa ǂû tama hâ? ǃAnusin di ǃanusi-i kom ǁî-e o, tsî ǁîb ge ǁî-e sakho ge mā, sakho nî ǀhaohâb di ǂhanuoǃnâsiba taniga, ǁnā ǂkhîbagusa kho nî dīse ǃKhūb di ais aiǃâ.

¹⁸Mû, ǀaob â-i ge ǃanusib ǃnâ taniǂgāhe tama hâ; hoaragase i ge ga ǂûhe hâ i ǃanusib ǃnâ, tita go mîmā khami.

¹⁹ǃNubaib ge Aronna Moseb ǁga ge ǃhoa: Mû, nētsē kha ge ǁîkha di ǁoreǁguibas tsî ǁîkha di khauǁguibas tsîra go ǁguiba ǃKhūb di ais aiǃâ, o ta ge nē xūn xa go hāǂamhe; tsî ǂû ta ga hâo nētsē ǁoren ǁguibas xa, ǃgâis ga hâ i ǁî ǃkhaisa ǃKhūb mûǁae?

²⁰Tsî Moseb ge ǁnâuo, o i ge ǃgâi ge i ǁîb mûǁae.