Read Khoekhoegowab Levitikus 9 Bible Online

Levitikus 9 - Khoekhoegowab bible

Levitikus 9

¹Tsî i ge ǁkhaisaǁî tsēs ai ge ī, Moseb Aronni tsî ǁîb di ôagu tsî Israeli di kaigu tsîga ge ǂgai ǃkhaisa.

²Tsîb ge Aronni ǃoa ge mî: Tsâu-e ū, ǂkham gomaba ǁoreǁguibase tsî bairaba khauǁguibase, î kha ūose ī; îts ǁîkha ǃKhūb di ais aiǃâ ūhā.

³ǁNās khaoǃgâ ǃhoa Israeli ôan ǀkha îts mî: Ū bairaba ǁoreǁguibase, tsî tsâub tsî ǁkhaob, ǀgui kurixab, ūoba, khauǁguibase,

⁴tsî gomab tsî bairab tsîkha gongonǁguibase, ǃKhūb di ais aiǃâ kha nî ǁguibahega, tsî ǂûǁguibas olib ǀkha ǂnâ-aihe hâsa. Nētsēb ge ǃKhūba nî ǂhai tsi xui-ao.

⁵O gu ge Moseb ge mîmā-e ū tsî ǁî-e tentoms ǀhûs dis aiǃâ ge ūsī; tsî ǀhaohâb hoab ge ǀgū tsî ǃKhūb di ais aiǃâ sī ge mâ.

⁶Ob ge Moseba ge mî: Nē ǃkhais, ǃKhūb ge mîmāsa du ge nî dī; ob ge ǃKhūb di ǂkhaisiba nî ǂhai du.

⁷Ob ge Moseba Aronni ǃoa ge mî: Altarsa ǀgū îts sa ǁoreǁguibasa dī, îts sa khauǁguibasa ǂhomi; îts ǂkhîbagusa dībasen îts ǁaesa dība; ǁnās khaoǃgâ ǁguibas ǁaes disa ǁāǁā, îts ǁîna ǂkhîbagusa dība, ǃKhūb ge mîmā khami.

⁸ǃNubaib ge Aronna altarsa ǀgū tsî ǁoreǁguibas di tsâuba ge ǂā, ǁîb aiǃâ hâba.

⁹Tsî Aronni di ôagu ge ǀaoba ǁîb tawa ge ūsī tsîb ge ǀkhunub âba ǀaob ǃnâ ǂgā tsî altars di ǁnâgu ai ge dī: ǁNās khaoǃgâb ge ǀaoba ge ǂnâxū altars di ǃhūb tawa.

¹⁰Xawe ǁoreǁguibas di kaub tsî ǃnaira tsî âis di ǁnôab tsînab ge altars ai ge ǂhubi, ǃKhūb ge Moseba mîmā khami.

¹¹Tsî ǁgans tsî khōb tsîrab ge ǁgoeǃkhais ǃauga ǀaes ǀkha ge khauǃkhū.

¹²ǁNās khaoǃgâb ge khauǁguibasa ge ǂā; tsî Aronni di ôagu ge ǁîba ǀaoba ūhāba, ob ge ǁîba altars ǂnamipe ge ǀgapi.

¹³ǁKhāti gu ge ǁîba khauǁguibasa ge ūhāba ǃâdi ǃnâ danas ǀkha; ob ge altars ai ǁîsa ge ǂhubi.

¹⁴Tsîb ge ǃnāxūn tsî tîra tsîna ge ǁā; tsîb ge ǁîna ge ǂhubi khauǁguibas ai, altars ai.

¹⁵ǁNās khaoǃgâb ge ǁguibas ǁaes disa ge ūhā kai, ob ge pirib ǁguibas dib ǁaesa hâbaba ū tsî ǂā tsî ǁoreǁguibase ge ǁāǁā bi ǂgurob khami.

¹⁶ǃAruǀîb ge khauǁguibasa ūhā tsî ǂhanub ǃoa ge ǁāǁā.

¹⁷Tsîb ge ǂûǁguibasa ūhā kai tsî ǁîs ǀkha ǃommi âba ǀoaǀoa tsî ǁîsa altars ai ge ǂhubi ǁgoakhauǁguibas ase.

¹⁸ǁNās khaoǃgâb ge gomab tsî bairab tsîkha ge ǂā ganganǁguibas ǁaes dis ase; tsî Aronni di ôagu ge ǁîba ǀaoba ge ūhāba, altars ǂnamipeb ge ǀgapiba,

¹⁹tsî gomab di kaub tsî bairab dib tsî ǂareb tsî ǃnāxūna ra ǃgūǂgān tsî ǃnaira tsî âis di ǁnôab tsîn;

²⁰tsî gu ge kauba ǁkhaigu ai ge ǁgui; tsîb ge kauba ge ǂhubi altars ai,

²¹xawe ǁkhaigu tsî amǀkhāb tîs tsînab ge Aronna gongonǁguibase ge gongon ǃKhūb di ais aiǃâ, ǃKhūb ge Moseba mîmā khami.

²²ǁNās khaoǃgâb ge Aronna ǃomkha âba ǁaesǀî ǀhōkhâi tsî ǁîna ge ǀkhae; tsîb ge ge ǁgôaxa, ǁoreǁguibas tsî khauǁguibas tsî ganganǁguibasab ge ǁguibatoao.

²³ǃNubaib ge Moseba Aronni ǀkha tentoms ǀhûs dis ǃnâ ge ǂgâ; ǁnās khaoǃgâ kha ge ǂoaxa tsî ǁaesa ge ǀkhae; ob ge ǂkhaisib ǃKhūb diba ǁaes hoas tawa ge ǂhai.

²⁴ǀAe-i ge ǃKhūb di aisa xu ǂoa tsî khauǁguibas tsî kaub tsîna altars ai ge hapu. Tsî ǁaes hoas ge ǁîsa mûo, on ge dâ tsî aidi ân ai ge ǁnā.