Read Khoekhoegowab Jeremiab 1 Bible Online

Jeremiab 1 - Khoekhoegowab bible

Jeremiab 1

¹Mîdi Jeremiab, Hilkiab ôab, pristergu Anatots tawa hâgu Benjaminni ǃhūb ǃnâ hâgu dib didi.

²Mîs ǃKhūb dis ge ge hāba Josiab, Amonni ôab, Judab gao-aob tsēdi ǃnâ, gaosis âb di disiǃnonaǀaǁî kurib ǃnâ.

³ǁKhātib ge ǁîs xa ge hābahe Jojakimmi, Josiab ôab, Judab gao-aob di tsēdi ǃnâ, disiǀguiǀaǁî kurib Sedekiab, Josiab ôab, Judab gao-aob dib ge toas kōse; Jerusalems ge ǃkhōsase ūǃgûhes kōse koroǁî ǁkhâb ǃnâ.

⁴ǃNubais ge ǃKhūb di mîsa tita ge hāba, mî raǃâ:

⁵Tita satsa ǁgûs ǃnāb ǃnâ ganupe dī tamas aiǃâ ta ge tita satsa ge ǂan i, tsî ǁgûsa xuts ge ǀkhīs aiǃâ ta ge tita satsa ge khai; tita ge satsa ǁaede kēbo-aose ge mâiba.

⁶ǃNubai ta ge tita ge mî: Okha, ǃKhūtse, ǃKhūtse, mû, tita ge a ǃhoa ǁoa, ǂkham ta a xui-ao.

⁷Xaweb ge ǃKhūba tita ǁga ge mî: Tā ǂkham ta a, ti mî; tita ga sî tsi ǀkhā-i hoa-iǀîts ge satsa nîra ǃgû, tsî tita ga mîmā tsin hoanats satsa nîra ǃhoa xuige.

⁸Tā ǃao ais ân aiǃâ, tita sa ǀkha hâ, ore tsi ta nîse xuige, tib ra ǃKhūba mî.

⁹Ob ge ǃKhūba ǃommi âba ǀhōǂui tsî ams âtasa ge tsâǀkhā, ob ge ǃKhūba tita ǁga ge mî: Mû, tita ge ti mîde sa ams ǃnâ ra mā.

¹⁰Mû, tita ge satsa nētsē ǁaedi tsî gaosidi tsîdi ǂama ra mâi, tsuruǂuits nîga tsî khôaǁnâts nîga tsî hîkākāts nîga, ǁkhāti ǂnubi tsîts nî ǃhanaga.

¹¹ǃAruǀîs ge mîs ǃKhūb disa hāba te tsî ge mî: Tare-ets ra mû, Jeremiatse? O ta ge tita: Amandelhai-e ta ra mû, ti ge mî.

¹²Ob ge ǃKhūba tita ǃoa ge mî: ǂHanusets go mû, tita ge ti mîsa ǂkhaikari nî hâba xui-ao, ǁîsa ta nî dīse.

¹³Tsîs ge ǃKhūb mîsa ǀgamǁî ǃnāsa ge hā tita ǃoa, Tare-ets ra mû? ti ra mîse. O ta ge tita ge mî: Tita ge ǀgû ra sū-e ra mû, aiǃâ hâ ǃâs â-i ǀapasǀî hâ-e.

¹⁴Ob ge ǃKhūba tita ǃoa ge mî: ǀApasa xub ge ǂkhababa nîra ǂoaxa ǃhūb ǁansaben hoan ǂama.

¹⁵Tsî kō, tita ge ǀapas gaosidi di ǃhaodi hoade ra ǂgai, tib ra ǃKhūba mî. On ge nîra hā, tsî mâ-i hoa-i ân ge ǁî-i di tronsa Jerusalems ǁāgu tawa nîra mâi, tsî ǁîs di ǂnubiǂgoagu ǂnamipe tsî Judab di ǃādi ǃoa-ai.

¹⁶O ta ge ǁîn ǃoagu ǀgoraǃgâde nîra ǃhoaǂui, ǁîn di ǂkhabasigu hoagu ǃaroma, tita ǁnāxū tsîn ǀkhara eloga ǀanǀanba, tsî ǁîn ǃomgu sîsenain aiǃâ gere ǃhonǁgoa amaga.

¹⁷Satsa ǁnâi ǃgae sa kamanaba îts khâi, îts ǃhoa ǁnān tita satsa nî mîmān hoana. Tā ais ân aiǃâ ǃhurigâ, î ta tita satsa ais ân aiǃâ tā ǂnaukākā.

¹⁸Tsî kō, tita ge satsa nētsē ǁaposa ǃāse ra ǂnûi tsî ǂnūǀuriǂkhâǃnâse tsî ǂaiǂnubiǂgoase ǃhūb hoab ǃoa-ai, gao-aogu Judab digu ǃoa-ai, ǁîb gaosagu ǃoa-ai, ǁîb pristergu ǃoa-ai tsî ǁaes ǃhūb dis aiǃâ.

¹⁹Tsîn ge satsa nîra ǃkhamū, xawen ge xū-e dī ǁkhā tide: Tita ge sa ǀkha nîra hâ, tib ra ǃKhūba mî, satsa ta nî huiǂuise xui-ao.