Read Khoekhoegowab Jeremiab 47 Bible Online

Jeremiab 47 - Khoekhoegowab bible

Jeremiab 47

¹Mîs ǃKhūb dis, kēbo-aob Jeremiaba ge hābas, Filisteǁîn ǃoagu Faraob ge Gasasa ǂnaus aiǃâ:

²Nētib ra ǃKhūba mî: Mû ǁgamgu ge ǀapasa xu ra ǂoaxa; tsî gu ge nî dâu-īǂam ra ǃā kai tsî nîra dâu-īǂam ǃhūb tsî ǁîb ǃnâ hân hoana, ǃās tsî ǁîs ǃnâ ǁan hâna. On ge khoena nîra ǃau; on ge ǃhūb ǁansaben hoana nîra ā.

³ǁNā ǀōb hāgu âb di ǁkhoragu dib xa, ǁnā ǂkhupib kunidi âb dib xa tsî ǃguruǀōb ǁîb kunidi ǀnūdi dib xa: ǁGûgu ge kōnǃgâ tama hâ ǀgôanǀî ǂkhabusasib ǃomgu âgu dib xa.

⁴ǁNā tsēs hîa nîra hās xa, Filisteǁîn hoanas nî hîkākāse, Tires tsî Sidons tsîras nî ǃgau ga hui-ao-i hoa-e ū-aise. ǃKhūb Filisteǁîn ǃnāǃnuis Kaftori dis din xa ǃgau hâna nîra hîkākā xui-ao.

⁵Gasas ge ǃgorasib xa ge hāǂamhe; Askelons ge ǃgoaǃnāb âs ǃnâ ge ǃgaun ǀkha hîkākāhe hâ. Matikōses kha ǁnâi ǁî-aitsama nî ǃgaosen?

⁶Tsūba tsi gôats ǃKhūb ditse, matikōsets kha ǁnâi sâ tide? ǂGâ ǁhōs âts ǃnâ; sâ îts ǃnō.

⁷Matikōseb kha nî sâ ǁkhā? ǃKhūb kom gôaba ǁî ǃkhaisa ge mîmāo; Askelons ǃoagu tsî hurib ammi ǃoagub kom ǁîba ge mîmāo.