Read Khoekhoegowab ǃGae-amdi 5 Bible Online

ǃGae-amdi 5 - Khoekhoegowab bible

ǃGae-amdi 5

¹ǂÂi re ǃKhūtse, sida ǀkha ge īn xa; kōǀî îts mû re sida ǃharaxūba.

²Sida ǀumis ge ǃhaokhoen di ǀumi kai, sida omde nau ǃhūb khoen di.

³Sida ge a ǃoaǀgôa, ǁgûb ose hâ da, sida îdi ge ǃoatarase i.

⁴Sida ǁgam-e da ge mari-i ama ra ā; sida ǀaena da ge ǀgaus ama ra hō.

⁵ǃAob âda ai da ge ra ǃgôaǃgonhe; ǀhupu da hâ, xawe da ge sâ kaihe tama hâ.

⁶Sida ge Egipteǁîba ǃomma ge mā, tsî Asiriaǁîba, pereb xa da nî ǁâse.

⁷Sida îgu ge ge ǁore, tsî gu ge a ǀkhai, tsî sida ge ǁîn di ǂhanuoǃnâsiga ra tani.

⁸ǃGāgu ge sida ra gaoǂam, khoe-i ǁîgu ǃomǁaeba xu nî tsupuǂui da-i xare-i a ǀkhai.

⁹Sida ge pereb âda sida ûib ama nî ūhā gôab ǃgaroǃhūb dib xa.

¹⁰Sida khōb ge ge ǂnū, ǁganommi xase, ǃâtsūǀkhāb di ǁgaos xa.

¹¹ǁÎgu ge tarade ge ǀgaiǁgūǀkhā Sions tawa, tsî ǂkhamkhoede Judab di ǃādi ǃnâ.

¹²Gaosagu ge ǁîn di ǃommi ǀkha ge ǂgāmâihe; aidi kaigu didi ge ǃgôahe tama ge hâ i.

¹³ǁÎn ge ǂkhamkhoega ǁkhamigu nîga ge ūbē; tsî ǀgôagu ge hain ǃnâ ra ǃnôa.

¹⁴Kaigu ge ǁāb ǀkha ra ǀû, ǂkhamkhoegu ǁîgu di ǀkhōs ǀkha.

¹⁵ǃGâiaǂgaob sida di ǂgaogu dib ge ǀû hâ; sida di ǂnās ge ǃoab ǃnâ ǀkharaǀkharahe hâ.

¹⁶Gaoǀgapas sida danas dis ge ǁnā hâ. Tsūba da, sida nētikōse ǁore hâ amaga.

¹⁷ǁNā-amagab ge sida ǂgaoba tsau hâ, nē xūn ǃaroma di ge sida mûde ǃkhae hâ;

¹⁸ǃhommi Sionni, hîa ǃū-aise ǁgoeb, ǀgirin ra ǃkhoema-aib ǃaromas ge.

¹⁹Sats ǃKhūts ge ǂnôa ǀamosib kōse; sa trons ge hâ ǃhaosa xu ǃhaos kōse.

²⁰Tarexats kha ǁnâi hugaǀgui nî ǀuru da? Tare xū-i ǃaromats kha ǁnâi ǂomxa ǁaeb kōse nî ǀuru da?

²¹ǃKhūtse, sa ǃoa ǃhobasen kai da, o da ge nî ǃhobasen; ǀasa kai re sida tsēde hugas khami.

²²Aoxūǃari dats kha nî? ǁNātikōsets kha ǁnâi sida ǁaixaǂam hâ?