Read Khoekhoegowab Esegieli 15 Bible Online

Esegieli 15 - Khoekhoegowab bible

Esegieli 15

¹Tsîs ge ǃKhūb di mîsa ge hāba te mî raǃâ:

²Khoenôa ǀgôatse, haib ǂauxûiǂûhais diba, tarexūba nau haiǃnôan hoan ǃgâ-ai, tsî ǂauxûiǂûhais ǂgonaba ǁoes ǃnâ hâ ǂgonab hoab ǃgâ-ai?

³ǁÎs di haiba ūheb ra xare, xū-i nî ǁîb ǀkha kuruhese? ǁÎb xa ǃgâuhairo-e ūhe i ra, xapa-i nî ǁîb ai ǂgāmâihese?

⁴Mû, ǁîb ra ǀaesa māhe, hapuheb nîse; ǀaes ra ǀamra âb hoaba hapu tsî ǁaegu hâ ǃâs ra khauǃkhūhe, o ǃgâibas nî xare, kuru-ai-i hoa-i nî ǁîs ǀkha kuruhesa?

⁵Mû, ǂgaus a hîas ge kuru-aisa sîsenūhe ǁoa ge i; matikōse ǁnās ǃgâ-ais i ǁoa nî i, ǀaes xas ga hapuheo, khauǃkhūhes ras kōse, xares kha kuru-aise sîsenūhe ǁkhā?

⁶ǁNā-amaga nētib ra ǃKhūb ǃKhūba mî: ǂAuxûiǂûhais di haib ǁoes di hain, tita xa hapuhe nîga ǀaesa ra māǁnâhen, ǃnâ hâs ǁkhās xase ta ge tita ǁansaben Jerusalems dina nîra māǁnâ.

⁷Tita ge ti aisa ǁîn ǃoagu nîra ǂnûi, nē ǀaesa xun ga ǂoao, on ge nau ǀaes xa nîra hapuhe; o du ge nîra ǂan tita a ǃKhū ǃkhaisa, tita ga ti aisa ǁîn ǃoagu ǂnûi ǃnubai.

⁸Tsî tita ge ǃhūba nîra ǃū-aisa kai, ǃgomsen ge ǃûǂam amaga, tib ra ǃKhūb ǃKhūba mî.