Read Khoekhoegowab Hoseab 1 Bible Online

Hoseab 1 - Khoekhoegowab bible

Hoseab 1

¹Mîs ǃKhūb dis Hoseab, Beerib ôaba ge hāba, Usiab tsî Jotammi, Axasi, Hiskiab tsîgu Judab gao-aogu tsēdi ǃnâ, tsî Jerobeammi, Joab ôab Israeli gao-aob di tsēdi ǃnâ.

²Tsoatsoas ǃKhūb mîs dis Hoseaba xu. Tsîb ge ǃKhūba Hoseab ǃoa ge mî: ǃGû îts taras ǀaigu dis tsî ǀgôan ǀaigu dina ū, ǃhūb ra ǀaibēǃari ǃKhūb khaoǃgâba xu xuige.

³Ob ge ǁîba ǃgû tsî Gomers, Diblaimmi ôasa ge ū; tsîs ge ǁîsa ǀgamǀkhā tsî ǀgôaba ǁîba ge ǁoraba.

⁴Ob ge ǃKhūba ǁîb ǃoa ge mî: ǀOns âba Jesreel ti ǂgai; ganupe ǂkhari ǁaerob ǀguib, o ta ge tita ǀaoǀhapis Jesreeli disa nîra ôaǃnâ Jehub ommi ǂama, tsî ta ge gaosis Israeli ommi disa nîra ǀamǀam.

⁵Tsî i ge ǁnātsē nîra ī, tita nî Israeli di khāsa Jesreeli ǃgoaǃnāb ǃnâ ǀgamǀkhā ǃkhaisa.

⁶Tsîs ge ǁkhawa ǃkhōǃoa tsî ǀgôasa ge ǁora; ob ge ǁîba ǁîb ǃoa ge mî: ǀOns âsa Lo-Ruxama ti ǂgai, tita ǃaruǀî Israeli ommi din ǂama ǀkhomxa tide tsî tita ǁîna ǂanǂansase nîra ǂgaeǂguibē xuige.

⁷Xawe Judab ommi din ǂama ta ge tita nîra ǀkhomxa tsî ǁîna nîra ore ǃKhūb ǁîn Eloba xu; tsî tita ge ǁîna ore tide khāsa xus kas, gôaba xus kas, toroba xus kas, hāga xus kas, ǃgapi-aoga xus kas hoasa.

⁸Tsî Lo-Ruxamasas ge ǀōǀō ǃnubais ge ǀgamǀkhā tsî ǀgôaba ge ǁora.

⁹Ob ge ǁîba ge mî: ǀOns âba Lo-Ammi ti ǂgai, sadu ti ǁae tama xui-ao ta ge tita ǁkhāti sadu dise ī tide.

¹⁰Xaweb ge ǃgôab Israeli ôan diba hurib di ǀgopab ǀguirohe tsî ǃgôahe ǁoab khami nîra ī; tsî i ge nîra ī, ǁnā ǃkhais ǁîs tawan ge: Sadu ge ti ǁae tama, ti mîǀîhes tawan: Sadu ge a ǀgôa ûitsama Elob dido, ti nîra mîǀîhe ǃkhaisa.

¹¹Tsî Judab ôan tsî Israeli ôan tsîn ge nîra ǀhû tsî ǀgui danab ǀguiba nîra mâibasen, tsîn ge ǃhūba xu nîra doeǃapa; tsēs Jesreeli dis nîra kai xui-ao.

¹²Sadu ǃgâsagu ǃoa: Ammi, ti mî, tsî sadu ǃgâsade ǃoa: Ruxama, ti.