Read Khoekhoegowab Hoseab 3 Bible Online

Hoseab 3 - Khoekhoegowab bible

Hoseab 3

¹Tsîb ge ǃKhūba tita ǃoa ge mî: ǃGû ǁkhawa îts ǀnî tarasa ǁâ, khoeb âs xa ǁâhe hâǃâ ra ǀaisa; ǃKhūb ra Israeli ôana ǁâ khami, xawen ra ǀkhara Eloga ǃoa dawasen, tsîn ra ǂauxûiǂûn di narude ǀnam.

²O ta ge tita ǁîsa disikoroǀa ǀhaiǀurin ama ge ǁamabasen tsî ǀgui xomeri gerstǃhorob ama tsî ǃkhare xomeri gerstǃhorob ama.

³O ta ge tita ǁîs ǃoa ge mî: ǂGui tsēdes ge sasa tita nî ǃâu sas ge ǀai tide tsî ǁkhāti ǀkhara aob di kai tide tsî tita ona sa ǀkha ǁnāti.

⁴Israeli ôan ge ǂgui tsēdi kōse nîra ǂnû gao-ao-i ose tsî gaosa-i ose tsî ǁguiba-i ose tsî ǂnûikhâihesa ī-i ose tsî efo-i tsî terafi-i tsîn ose.

⁵ǁNās khaoǃgân ge Israeli ôana nîra ǃhobasen tsî ǃKhūb, ǁîn Elob, tsî Davib, ǁîn gao-aob tsîkha nîra ôabasen tsîn ge ǃaoǃgâxase ǃKhūb ǃoa tsî ǃgâisib âb ǃoa nîra hā ǀuni tsēdi ai.