Read Khoekhoegowab Hoseab 6 Bible Online

Hoseab 6 - Khoekhoegowab bible

Hoseab 6

¹Hā î du ǃKhūb ǃoa ǁkhawa oa, ǁîb ge sida ǀkhauǃā xuige, îb ǁîba ǂuruǂuru da; ǁîb ge sida ǂnau, îb ǁîba ǃgae-aiba da.

²ǁÎb ge sida ǀgam tsēra khaoǃgâ nîra ûi-ûi; ǃnonaǁî tsēs aib ge ǁîba nîra khâi kai da, o da ge ais âb aiǃâ nîra ûi.

³A da ǂan î da ôa-am, ǃKhūba da nî ǂan ǃkhaisa; ǂoas âb ge ǂhomi hâ, ǁgoaǂnobos khami; tsî ǁîb ge ǀapib axase nîra hāǂam da, ǃnaresib tsî haiǃkharub ǃhūb dib khami.

⁴Tare-e da kha nî dī-ū tsi, sats Efraimtse, tare-e da kha nî dī-ū tsi, sats Judatse, sa ǃgâidīb ǁgoaǀnanu-i khami ī tsî ǃnauǁgoaga ra hā ǀau-i, hîa ra kā-i khami ī amaga.

⁵ǁNā-amaga ta ge tita ǁîna ra ǂnau kēbo-aoga xu; tita ge ǁîna ge ǃgam mîdi ti ams dide xu; tsî sa ǀgoraǃgâdi ge ǃnâ-i axase nîra ǁhai.

⁶Tita ge ǀkhomxaǂgaosiba ǁguibas ǃgâ-ai ra ǂgao xui-ao tsî ǂans Elob disa khauǁguibadi ǃgâ-ai.

⁷Xawe ǁîn ge ǃgaeǀhaosa ge ǃûǂam Adammi khami; ǁnāpab ge tita îǂhôaoǃnâse ge sîsenū.

⁸Gileads ge ǂhanuoǃnâse ra sîsen aogu di ǃā, ǁîs ge ǀaob ǀkha dā-aihe hâ.

⁹ǂNubidi ǁkhâuǁnâ-aogu didi khoe-e ra ǃûis ǁkhās khamis ge ǂnubis pristergu disa ī; Sexems daob ai gu ge ra ǃgam, amase gu ge taotaosa dīga ra dī.

¹⁰Tita ge ǃuriǃurisa ǃkhai-e ra mû, Israeli ommi ǃnâ; ǁnāpas ge ǀaidīs Efraimmi disa hâ, Israeli ge ǀuriǀurisen hâ.

¹¹ǁKhātib ge sats Judatsa ǃgao-e ge ǂnûiba, tita ga ǃkhōsan ti ǁaes dina ǁkhawa ūhā ǃnubai.