Read Khoekhoegowab Amob 1 Bible Online

Amob 1 - Khoekhoegowab bible

Amob 1

¹Mîdi Amob, Tekoas ǀgoaǃûi-aogu di ǀgui ge ib didi, Israeli ǂamab ge mûdi, Usiab, Judab gao-aob, di tsēdi ǃnâ tsî Jerobeammi, Joab ôab, Judab gao-aob tsēdi ǃnâ ǀgam kurikha ǃhūǂguwib aiǃâ.

²Tsîb ge ǁîba ge mî: ǃKhūb ge Sionsa xu ǃguru tsî Jerusalemsa xu nîra dommi âba ūkhâi, o di ge ǃû-aidi ǃûi-aogu dide nîra ǃoa, ob ge ǀgapib Karmeli diba nî ǂnâ.

³Nētib ra ǃKhūba mî: ǃNona ǃûǂamdi Damaskus didi ǃaroma tsî hakadi ǃaroma ta ge tita ǁî ǃkhaisa ǁkhaedawa tide ǁîn ge Gileada ǂnūǀuridāǃnâkunidi ǀkha dāǃnâ amaga.

⁴ǁNā-amaga ta ge tita ǀae-e nîra sî Hasaeli ommi ǃnâ, ǁî-i ge î-omgu Benhadadi diga nîra hapu.

⁵Tsî tita ge ǂganamūdas Damaskus disa khôaǂkhū tsî ǁansabena ǃgoaǃnāb Avens diba xu nîra ǃhomǂui tsî ǁnāb gaohaisa ǃkhō hâba Bet-Edensa xu; os ge ǁaes Siriab disa ǃkhōsabese nîra ūǃgûbēhe Kirs ǃoa, tib ra ǃKhūba mî.

⁶Nētib ra ǃKhūba mî: ǃNona ǃûǂamdi Gasas didi ǃaroma tsî hakadi ǃaroma ta ge tita ǁî ǃkhaisa ǁkhaedawa tide; ǃkhōsabesen ge ti ǁaes hoasa ūǃgûbē amaga, Edomman nî ǁîna māǁnâga.

⁷ǁNā-amaga ta ge tita ǀae-e nîra sî Gasas ǂnubiǂgoab ǃnâ, ǁî-i ge î-omgu âsa nîra hapu.

⁸Tsî tita ge ǁansabena Asdodsa xu nîra ǃhomǂui tsî ǁnāb, gaohaisa ǃkhō hâba, Askelonsa xu; tsî ta ge ti ǃomma Ekronsǀî nîra unu; tsî ǃgau gen Filisteǁîn din ge nîra kā, tib ra ǃKhūb ǃKhūba mî.

⁹Nētib ra ǃKhūba mî: ǃNona ǃûǂamdi Tires didi tsî hakadi ǃaroma ta ge tita ǁî ǃkhaisa ǁkhaedawa tide, ǃkhōsabesen ge ti ǁaes hoasa Edomma ge māǁnâ, tsî ǃgâsan di ǃgaeǀhaos xan ge ǂâi tama hâ i ǃkhais xa.

¹⁰ǁNā-amaga ta ge tita ǀae-e nîra sî Tires di ǂnubiǂgoab ai, ǁî-i ge î-omgu âsa nîra hapu.

¹¹Nētib ra ǃKhūba mî: ǃNona ǃûǂamdi Edommi didi ǃaroma tsî hakadi ǃaroma ta ge tita ǁî ǃkhaisa ǁkhaedawa tide, ǃgâsab âbab ge gôab ǀkha ǃgôaǃgon tsî ǀkhomxaǂgaosigu âbab ǁgaoǁgao hâ amaga, tsî ǁaib âb ra ǀamose ǀkhauǃā tsî ǁgôasib âba hugaǀgui ūhâhâ amaga.

¹²ǁNā-amaga ta ge tita ǀae-e nîra sî Temans ǃnâ, ǁî-i ge î-omgu Bosras diga nîra hapu.

¹³Nētib ra ǃKhūba mî: ǃNona ǃûǂamdi Amonni ôan didi ǃaroma tsî hakadi ǃaroma ta ge tita ǁî ǃkhaisa ǁkhaedawa tide, ǀgamǀkhā hâdi Gileadi diden ge ǁnoe ǃkhais ǃaroma, ǁîn di ǀkhariban nî haraharase.

¹⁴ǁNā-amaga ta ge tita ǀae-e nîra ǂhubi Rabas di ǂnubiǂgoab ai, ǁî-i ge î-omgu âsa nîra hapu ǃauǁnae-i ǀkha sareb di tsēs ai.

¹⁵Tsî ǁîn gao-aob ge ǃkhōsis ǃnâ nîra ūǃgûhe, ǁîb gaosagu ona ǀhûpe, tib ra ǃKhūba mî.