Read Khoekhoegowab Amob 3 Bible Online

Amob 3 - Khoekhoegowab bible

Amob 3

¹ǁNâu re mîs, ǃKhūb ra sadu Israeli ôadu ǃoa ǃhoasa, ǁnā ǃhaos, Egipteǃhūba xu ta ge ǂgaeǂguiǂuis didu hoado, mî rase:

²ǃHūbaib di ǃhaodi hoadi xa ta ge tita sado ǀguri ge ǂan; ǁnā-amaga ta ge tita sadu ǂhanuoǃnâsigu hoaga sadu tawa nîra ôa.

³ǀGamna kha ǀguiǃgûn nî, saoǁaegu taman ka io?

⁴Xamma kha ǃorob nî ǁoes ǃnâ, ǀâxū-eb ga ūhâ tama io? ǂKham xamma kha dommi âba ǁnâu kaib ra, xū-eb ga ǃkhō tama io?

⁵Anisa kha ǃhūb ai ǂham-i ǃnâ ǁnās nî, ǂham-i ga ǁîsa hâba tama io? Tsî ǂhaodaba ǃhūba xu ūkhâiheb ra, xū-i xare-i ga ǃkhōhe tama io?

⁶Xâiǁnâba xâiheb ra ǃās ǃnâ, ǁaes ǀkhū tamase? Tsūǃō-e ǃās ǃnâ hâ-e ǃKhūb xa dīhe tama-e?

⁷Hî-î, ǃKhūb ǃKhūb ge amase xū-i xare-e dī tide, aibeb ga ǂganǃgâsib âba ǁîb ǃgāgu, kēbo-aogu tawa ǂhaiǂhai tama io.

⁸Xammi ga ǃoro-o, tari-e ǃao tide? ǃKhūb, ǃKhūb ga ǃhoao, tari-e kēbo tide?

⁹ǁÎ ǃkhaisa as ǁnâuhe Asdods î-omgu ǃnâ tsî î-omgu Egipteǃhūb digu ǃnâ, î du mî: ǀHao du ǃhomgu Samarias digu ai, î du kō ǁnā kai ǂkhupib, ǁîs ǁaegu hâba, tsî ǁgâiǀāhe hân, ǁîs ǁaegu hâna.

¹⁰ǁÎn ge ǂhanuna dīsa ǀū xuige, tib ra ǃKhūba mî: ǁÎn î-omgu ân ǃnâ ǀgaidīs tsî hîǀhurus tsîra ǁuiga ra ǀhaoǀhaobasenna.

¹¹ǁNā-amagab ra ǃKhūb ǃKhūba mî: Khākhoeb, ǃhūb ǂnamipe hâb, ǁîb ge sa ǃnâ hâ ǀgaiba nîra ǂhāǁgui, tsî î-omgu âs ge hoaragase nîra ǃū.

¹²Nētib ra ǃKhūba mî: ǃÛi-aob ra tîra kas ǂgaeǂhuriro-i kas hoasa xammi di amǃnâba xu ore; ǁnātin ge Israeli ôan Samarias ǃnâ kharob di ǁhôas ǃnâ tsî sâ-aiǃnaob ai ǂnôana nîra orehe.

¹³ǁNâu î ǁnama re Jakob di omma, tib ra ǃKhūb ǃKhūba mî, Elob ǂnubidi diba.

¹⁴Tita ge ǁnātsēs, tita ga Israela ǁîb di ǃûǂamdi ǃaroma a saris ai ǁkhāti altardi Bet-Els dide nîra sari, o gu ge ǁnâgu altardi diga ǁhāǁnâhe, tsî ǃhūb ai nîra aoǁguihe.

¹⁵O ta ge saob di oms tsî ǁkhunab di oms tsîra nîra ǂnau, tsî omdi ǂkhoaǁgûb ǀkha dīhe hâdi ge nîra hîkākāhe, tsî ǂgui omdi ge nîra kā, tib ra ǃKhūba mî.