Read Khoekhoegowab Amob 8 Bible Online

Amob 8 - Khoekhoegowab bible

Amob 8

¹ǃKhūb ǃKhūb ge nēti ge mû kai te; tsî kō, ǀharu-i ǁkhunaǂûn xa ǀoa hâ-e.

²Ob ge ǁîba: Tare-ets ra mû, Amotse? ti ge mî. O ta ge tita: ǀHaru-i ǁkhunaǂûn xa ǀoa hâ-i, ti ge mî. ǃNubaib ge ǃKhūba tita ǁga: ǀAms ge ti ǁaes Israels ǂama go hā; o ta ge tita ǁîsa ǃaruǀî ǃgû-īǀkhā tide.

³Tsî ǁnaetsanadi tempeli didi ge ǁnātsē nîra ǃgae, tib ra ǃKhūb ǃKhūba mî: ǀOasa ǁō hâ sorodi ge nîra hâ, mâ ǃkhaidi hoadi ǃnân ge ǁîde ǃnōsase nîra aoxū.

⁴ǁNâu du re nēsa, sadu ǂhâ hâba ra dāǂkhūdo, ǀkhomǀkhomsaben ǃhūb dina nî hîkākāse;

⁵mî rase: Mâ ǁaeb nî ǂkham ǁkhâba ǁō, ûixūna da nî ǁamaxū ǁkhāse, tsî sâtsēsa, ǃhoroba da nî ǁkhowa-am ǁkhāse, efaba ra ǂkhariǂkharise tsî ǃgao-ūgôaba ra kaikaise tsî ǀhôagaoǃnâ ǀguiro-ūxūsa gāxaǃnâse ra sîsenūse;

⁶ǀgâsana da nî marib ama ǁama ǁkhāse tsî ǂhâ hâba ǁharora ama? ǃNubai ta ge ǀapob ǃhorob diba nîra ǁamaxū ǁkhā.

⁷ǃKhūb ge ǂkhaisib Jakob dib tawa ge nū: Tita ge amase ǁîn sîsenga ǀamosib kōse ǀuru tide, ti.

⁸ǁÎ ǃkhais xab kha ǀkhū tide ǃhūba tsî ǁîb ǃnâ ǁan hâb hoaba ǃoa tide? Ā, ǁîb ge hoaragase nîra khâi Nylǃāb axase, tsîb ge nîra doeǁgamahe tsî nîra ǁgôa Egipteb di ǃāb axase.

⁹Tsî i ge ǁnātsē nîra ī, tib ra ǃKhūb ǃKhūba mî, tita nî soresa tsēǃgâǁaeb ai ǂgâ kai tsî ǃhūba ǃnâsa tsēs ai ǃkhae kai ǃkhaisa.

¹⁰Tsî tita ge sadu kaitsēde ǃoa kai tsî sadu ǁnaetsanade ǃgaes ǃnâ nîra ǀkharaǀkhara tsî kamanab hoab ai ǁhō-e nîra hā kai tsî mâ danas hoas ai ǃgorasiba nîra ūhā; tsî tita ge ǃhūba nîra ǃoa kai, ǀguisets sats khoetsa ūhâ ǀgôab ǂamats ra ǃoa xase tsî ǀams âb ge au tsēs khami nîra ī.

¹¹Mû, tsēdi ge nîra hā, tib ra ǃKhūb ǃKhūba mî, o ta ge tita ǃâtsūǀkhā-e ǃhūb ǃnâ nîra sî, perebǀî hâ ǃâtsūǀkhā-e tama tsî ǁgam-iǀî hâ ǁgâ-e tama, xawe ǃKhūb mîsa ǁnâu ǂgaos di-e.

¹²On ge huriba xu huribǀî nîra ǀnarema, on ge ǀapasa xu aiǂoas kōse ra ǃgûmase ǃKhūb mîsa ra ôa, xawe ǁîsa hō tide.

¹³ǁNā tsēs ǁkhās ain ge ǁîn îxa ǂkhamǂkhoedi tsî ǂkhamkhoegu tsîna nîra ǁgâǁō.

¹⁴ǁNān, ǀhapis Samarias dis tawa nū tsî ra mîn: Sats Dants di Elob a ûitsama ǃkhais ao, tsî daob Bersebas dib a ûitsama ǃkhais aon ge ǁîna nîra ǁnā tsî ǁkhawa khâi tide.