Read Khoekhoegowab Jonab 2 Bible Online

Jonab 2 - Khoekhoegowab bible

Jonab 2

¹Tsî Jonab ge ǃKhūb ǁîb Elob ǃoa ǁaub di ǃnāba xu ǀgore,

²tsî ge mî: Tita ge ti ǂōǂōsiba xu ǃKhūb ǃoa ge ǂgai tsî ǁîb ge tita ge ǃeream; ǃnāb ǀhobas diba xu ta ge tita ge ǃau, xawets ge satsa ti domma ge ǁnâu.

³Sats ge tita ǃgammi ǃnâ aoǂgā xui-ao, ǃgamsib hurigu dib ǃnâ, o ta ge tita sa ǃgabigu tsî heradi tsîn xa ge dâuǂnamipehe; sa ǁgamgu tsî ǃgabigu hoagu xa ta ge tita ge dâu-īǂamhe.

⁴O ta ge tita ge mî: Tita ge sa mûra xu ǂhāxūhe hâ, xawe ta ge tita tempeli sa ǃanusib diba ǁkhawa nîra ǃgapa.

⁵ǁGamgu ge tita ǀoms kōse ge hâǂgā, ǃgammi xa ta ge ge hâǂnamipehe hâ i, hurib ǀgâgu ge ti danas ai ge namisen hâ i.

⁶Tita ge ǃgaoǃgaogu ǃhomgu digu kōse ge ǁgôa, ǂganamūxūdi ǃhūbaib didi ge ti ǂnamipe ge hâ i ǀamosib kōse, xawe sats ge ti ûiba ǁgaoǁgaosiba xu ge ǂgaeǂguiǃapa, o, ǃKhūtse, ti Elotse.

⁷Ti ǀoms ge ti ǃnâ a ǂkhabuǂâi ǃnubai ta ge tita ǃKhūb xa ge ǂâi, tsî ti ǀgores ge sa tawa ge sī tempeli sa ǃanusib dib ǃnâ.

⁸ǁNān ǁau ǁgôa-eǀoga ra ǃgôan ge ǁîn di ama ǂgomǂgomsasiba ra ǁnāxūna.

⁹Xawe tita ge satsa dommi gangans dib ǀkha nîra ǁguiba, tita ge mîmâi hâ i-i, ǁnā-e ta ge tita nîra matare. ǃGâiǃōb ge a ǃKhūb di.

¹⁰Tsî ǃKhūb ge ǁauba ge mîmā, ob ge ǁîba Jonaba ǂnâsa ǃhūb ai ge ǀkhûiǂui.