Read Khoekhoegowab Jonab 3 Bible Online

Jonab 3 - Khoekhoegowab bible

Jonab 3

¹Tsî mîs ǃKhūb dis ge ǀgamǁî ǃnāsa Jonaba hāba tsî ge mî:

²Khâi îts ǁnā kai ǃās Nineves ǃoa ǃgû, îts ǁîs ǃoagu aoǁnâ ǁnā aoǁnâs, tita nî mîba tsisa.

³Ob ge Jonaba khâi tsî Nineves ǃoa ge ǃgû, ǃKhūb di mîs ǃoa, tsî Nineves ge Elob di kai ǃā ge i ǃnona tsēdi di daoba ūhâsa.

⁴Tsî Jonab ge ǃās ǃnâ ge ǂgâ ǀgui tsēs daob kōse, tsîb ge aoǁnâ tsî ge mî: Gorose hakadisi tsēdi ǀguidi, os ge Ninevesa nîra hîkākāhe.

⁵On ge khoen Nineves dina Elob ǃnâ ge ǂgom, tsîn ge ǂûtama hâsa ge ǂgaiǂui tsî ǁhōga ge ana ǁîn di kai-e xu hoan xa ǂkhari-i kōse.

⁶Tsî nē mîs ge gao-aob Nineves dib tawa ge sī, ob ge ǁîba trons âba xu khâi tsî anaǂamsarab âba ge ǁhû, tsîb ge ǁhō-e ǂgaeǂgā tsî tsaob ǃnâ ge ǂnû.

⁷Tsîb ge ge ǂgaiǂui kai, on ge Nineves tawa gao-aob tsî kaigu âb di mîmās ai ǃhoa tsî nēti ge mî: A-i khoe-i kas, ǀgoa-i kas, goma-i kas, gū-i kas hoasa tā xū-e tsâtsâ, în tā ǃû în tā ǁgam-e ā.

⁸Î-i khoe-i kas, ǀgoa-i kas hoasa ǁhōga ana, în ǀgaisase Elob ǃoa ǂgai, în ǃhobasen, mâ-i hoa-e ǁî-i di ǂkhaba daoba xu tsî ǀgaidīb ǁîn ǃomǁae hâba xu.

⁹Tari-e a ǂan, ǀnîsib ge Eloba dawasen tsî nî ǃhausen, ǀnîsib ge ǁîba ǀgamsib ǁîb ǁaib diba xu nî oa, kāǁō da tidega.

¹⁰Ob ge Eloba ǁîn dīga ge mû, ǁîn ge ǂkhaba daob âna xu ǃhobasen ǃkhaisa, tsîb ge Eloba ge ǃhausen ǁnā ǂkhabab, ǁîb ge ǁînab nî dī-ū ti mîb xa tsî ǁîba dī tama ge i.