Read Khoekhoegowab Numeri 1 Bible Online

Numeri 1 - Khoekhoegowab bible

Numeri 1

¹ǃAruǀîb ge ǃKhūba Moseb ǀkha ge ǃhoa Sinaiǃgaroǃhūb ǃnâ, tentoms ǀhûs dis ǃnâ, ǂguro tsēs ǀgamǁî ǁkhâb dis, ai ǀgamǁî kurib ǃnâ, Egipteǃhūba xun ge doeǂoas khaoǃgâ, mî raǃâ:

²ǃGôakhâi ǀgaus Israeli ôan ǀhaohâb hoab disa ǁîn di ǃhaodi ǃoa, ǁîn îgu di ommi ǃoa, ǀondi di ǀgaus ǃnâ aoregu hoaga ǀguiǀguibese.

³ǀGamdisiǁî kuriba xu tsî ǁnāsa ǃnā hâga, ǁnāgu Israeli ǂnubis ǃnâ ra ǃgûǂoagu hoaga: ǁÎgats ge nî ǃgôa ǁîgu di ǂnubidi ǃnâ, sats tsî Aronni tsîkho.

⁴Tsî sakho ǀkhab nî hâ ǀgui aob mâ ǃhaos hoas dib, danakhoeb ǁîb îgu ommi ǂama hâba.

⁵Nēdi ge ǀondi ǁnā aogu, sakho tawa nî mâgu dide, Rubenni xa: Elisuri, Sedeuri ôab.

⁶Tsî Simeonni xa: Selumieli, Surisadaib ôab.

⁷Tsî Judab xa: Nasonni, Aminadab ôab.

⁸Tsî Isaskari xa: Nataneli, Suari ôab.

⁹Tsî Sebulonni xa: Eliab, Helonni ôab.

¹⁰Tsî Joseb ôakha xa, Efraimmi xa: Elisamab, Amihudi ôab tsî Manaseb xa: Gamalieli, Pedasuri ôab.

¹¹Tsî Benjaminni xa: Abidanni, Gideonni ôab.

¹²Tsî Danni xa: Ahieseri, Amisadaib ôab.

¹³Tsî Aseri xa: Pagieli, Okranni ôab.

¹⁴Tsî Gadi xa: Eljasab, Dehueli ôab.

¹⁵Tsî Naftalib xa: Ahirab, Enanni ôab.

¹⁶Nē gu ge ǂgaihesagu ǀhaohâb digu, ǁîn îgu ǃhaodi di danakhoe ge iga; ǁîgu ge danakhoegu Israeli ǀoadisin di ge iga.

¹⁷ǃNubai kha ge Moseb tsî Aronni tsîkha ǁnā aogu, ǀondi ǀkha ge ǂgaihega ū

¹⁸tsî ǀhaohâb hoaba ge ǀhaoǀhao, ǂguro tsēs ǀgamǁî ǁkhâb dis ai, tsî gu ge ǁîgu di ǀkhīsa ge ǂanǂan, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ, ǀgamdisi kurigu â-iba tsî ǁnāsa ǃnā hâba xu ǀguiǀguibese.

¹⁹ǃKhūb ge Moseba mîmā xaseb ge ǁîga ge ǃgôa ǃgaroǃhūb Sinaib dib ǃnâ.

²⁰Nēti gu ge Rubenni, Israeli ǂguroǃnaesabeb di ôa ge i, ǁîgu di ǃnaedi tsî ǁîgu di ǃhaodi tsî ǁîgu îgu di ommi ǃoa, ǀgaus ǀondi dis ǃnâ, ǀguiǀguibese, aoreb hoab, ǀgamdisi kurigu â-ib tsî ǁnāsa ǃnā hâba xu, ǁnāgu, ǂnubis ǀkha ra ǃgûǂoagu xa.

²¹ǁNā ǃgôahe hâgu Rubenni ǃhaos digu ge hakadisiǃnaniǀaǀoadisi tsî korokaidisi ge i.

²²Tsî Simeonni ôagu xa, ǁîgu di ǃnaedi ǁîgu di ǃhaodi ǃoa, ǁîgu îgu di ommi ǃoa, ǁîb di ǃgôahe hâgu ǀondi di ǀgaus ǃnâ, ǀguiǀguibese, aoreb hoab, ǀgamdisi kurigu â-ib tsî ǁnāsa ǃnā hâba xu, ǁîgu ǂnubis ǀkha ra ǃgûǂoagu hoagu xa:

²³ǁÎ ǃgôahe hâgu Simeonni ǃhaos digu ge korodisikhoeseǀaǀoadisi tsî ǃnonakaidisi ge i.

²⁴Tsî Gadi ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu, ǂnubis ǀkha ra ǃgûǂoagu hoagu xa:

²⁵ǁÎ ǃgôahe hâgu Gadi ǃhaos digu ge hakadisikoroǀaǀoadisi tsî ǃnanikaidisi korodisi ge i.

²⁶Tsî Judab ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

²⁷ǁÎ ǃgôahe hâgu Judab ǃhaos digu ge hûdisihakaǀaǀoadisi tsî ǃnanikaidisi ge i.

²⁸Tsî Isaskari ôagu xa, ǁîgu di ǃnaedi, ǁîgu di ǃhaodi, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

²⁹ǁÎ ǃgôahe hâgu Isaskari ǃhaos digu ge korodisihakaǀaǀoadisi tsî hakakaidisi ge i.

³⁰Tsî Sebulonni ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ, ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

³¹ǁÎ ǃgôahe hâgu Sebulonni ǃhaos digu ge korodisihûǀaǀoadisi tsî hakakaidisi ge i.

³²Tsî Joseb ôakha xa: Efraimmi ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

³³ǁÎ ǃgôahe hâgu Efraimmi ǃhaos digu ge hakadisiǀoadisi tsî korokaidisi ge i.

³⁴Tsî Manaseb ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ, ǀgamdisi kurigu â-ib tsî ǁnāsa ǃnā hâba xu, ǂnubis ǀkha ra ǃgûǂoagu hoagu xa:

³⁵ǁÎ ǃgôahe hâgu Manaseb ǃhaos digu ge ǃnonadisiǀgamǀaǀoadisi tsî ǀgamkaidisi ge i.

³⁶Tsî Benjaminni ôagu xa, ǁîgu di ǃnaedi ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

³⁷ǁÎ ǃgôahe hâgu Benjaminni ǃhaos digu ge ǃnonadisikoroǀaǀoadisi tsî hakakaidisi ge i.

³⁸Tsî Danni ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa ǀgaus ǀondi dis ǃnâ, ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

³⁹ǁÎ ǃgôahe hâgu Danni ǃhaos digu ge ǃnanidisiǀgamǀaǀoadisi tsî hûkaidisi ge i.

⁴⁰Tsî Aseri ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ ǀgamdisi kurigu â-ib tsî ǁnāsa ǃnā hâba xu ǂnubis ǀkha ra ǃgûǂoagu hoagu xa:

⁴¹ǁÎ ǃgôahe hâgu Aseri ǃhaos digu ge hakadisiǀguiǀaǀoadisi tsî korokaidisi ge i.

⁴²Tsî Naftalib ôagu xa, ǁîgu di ǃnaedi, ǁîgu di ǃhaodi ǃoa, ǁîgu îgu di ommi ǃoa, ǀgaus ǀondi dis ǃnâ, ǀgamdisi kurigu â-ib tsî ǁnāsa ǃnâ hâba xu, ǂnubis ǀkha ra ǃgûǂoagu hoagu xa:

⁴³ǁÎ ǃgôahe hâgu Naftalib ǃhaos digu ge korodisiǃnonaǀaǀoadisi tsî hakakaidisi ge i.

⁴⁴Nēgu ge ǃgôahe hâgu Moseb tsî Aronni tsî Israels ǂamkhoegu tsîgu xa ge ǃgôahega; disiǀgamǀa aogu ge i ǁîga, mâb hoaba ǁîb îgu di ommi ǂama.

⁴⁵Nēti gu ge ǃgôahe hâgu Israeli ôagu diga ge i ǁîgu di ommi ǃoa, ǀgamdisi kurigu â-ib tsî ǁnāsa ǃnā hâba xu Israels ǃnâ ǂnubis ǀkha ra ǃgûǂoagu hoagu xa:

⁴⁶ǁÎ ǃgôahe hâgu hoagu ge ǃnanikaidisiǃnonaǀoadisikorokaidisi tsî korodisi ge i.

⁴⁷Xawe Leviǁîgu, ǁîgu îgu di ǃhaos ǃoa, ǁîgu ge ǁîgu ǃnâ ǃgôahe tama ge i.

⁴⁸ǃKhūb ge Moseb ǀkha ǃhoa tsî a mî xui-ao:

⁴⁹Levib ǃhaos ǀguisats ge ǃgôa tide tsî ǁîgu di ǀgausa ǃgôakhâi tide Israeli ôagu ǃnâ.

⁵⁰Îts Leviǁîga mâi ǀhûǀguitimîs di tabernakeli ǂama tsî ǁîb di sîsenūdan hoan ǂama tsî ǁîba anu hân hoan ǂama; ǁîgu ge tabernakela nî tani tsî ǁîb di sîsenūdan hoana; tsî gu ge ǁîba nî ǃoaba, tsî gu ge tabernakeli ǂnamipe nî ǁgoe.

⁵¹Tsî tabernakeli nî ǃgû-ūhes ka, o gu ge Leviǁîga ǁîba nî ūǁnâ; tsî tabernakeli nî mâikhâihes ka, o gu ge Leviǁîga ǁîba nî omkhâi; tsî ǀnî khoe-i xare-i ga ǀgūo, o-i ge nî ǃgamhe.

⁵²Tsî Israeli ôan ga ǁgoe o, mâb hoaba ǁîb di ǁgoeǃkhais tawa, tsî mâb hoaba ǁîb di ǃkhaub tawa, ǁîn di ǂnubidi ǃoa.

⁵³Xawe Leviǁîgu ge tabernakeli ǀhûǀguitimîs dib ǂnamipe nî ǁgoe, ǁgôasi-i hâ tidega, Israeli ôan di ǀhaohâb ai; ǁnā-amaga gu ge Leviǁîga tabernakeli ǀhûǀguitimîs dib di ǃûisa nî dī.

⁵⁴Nētin ge Israeli ôana ge dī; ǃKhūb ge Moseba mîmā khamin ge ge dī.