Read Khoekhoegowab Numeri 33 Bible Online

Numeri 33 - Khoekhoegowab bible

Numeri 33

¹Nēdi ge doedi Israeli ôan, Egipteǃhūba xu ge doeǂoan dide, ǁîn di ǂnubidi ǃoa, Moseb tsî Aronni tsîkha di ǃomma xu.

²Tsî Moseb ge ǁîn di ǃgûǂoade ge xoa ǁîn di doedi ǃoa, ǃKhūb di mîmās ǃoa; tsî nēdi ge ǁîn di doede ǁîn di ǃgûǂoadi ǃoa:

³Tsîn ge ǁîna Ramsesa xu ge dāǁnâ; ǂguro ǁkhâb ǃnâ, disikoroǀaǁî tsēs ǁkhâb dis ai, Pasxab di sao ra tsēs ain ge Israeli ôana ǀgapi ǃomma xu ge doeǂoa, Egipteǁîn hoan di mûdi aiǃâ,

⁴Egipteǁîn ge ǁnāgu, ǃKhūb ge ǁîn ǁaegu ǂnaugu, ǂguroǃnaesabegu hoaga ǁkhō ǃnubai; ǁkhātib ge ǃKhūba ǁîn di elogu tawa ǀgoraǃgâsa ge dī.

⁵Tsî Israeli ôan ge Ramsesa xu doeo, on ge Sukots tawa ge ǁgoe.

⁶Tsîn ge Sukotsa xu doe tsî Etams ǃgaroǃhūb di ǀams tawa hâs tawa ge ǁgoe.

⁷Tsîn ge Etamsa xu doe tsî Pi-Hahirots, Baal-Sefons ǃoa-ai hâs ǃoa oa tsî Migdols tawa sī ge ǁgoe.

⁸Tsîn ge Pi-Hahirotsa xu doe tsî hurib ǁaeguba-ū ǃgaroǃhūb ǃoa ge ǃgâu; tsîn ge ǃnona tsēdi di daob kōse ǃgaroǃhūb Etammi ǃnâ ǂgâ tsî Maras tawa ge sī ǁgoe.

⁹Tsîn ge Marasa xu doe tsî Elims tawa ge sī: Elims ǃnâ di ge disiǀgamǀa ǁgamǀaudi tsî hûdisi palmhaide ge hâ i; tsîn ge ǁnāpa ge ǁgoe.

¹⁰Tsîn ge Elimsa xu doe tsî ǂĀxahurib tawa sī ge ǁgoe.

¹¹Tsîn ge ǂĀxahuriba xu doe tsî ǃgaroǃhūb Sinni ǃnâ sī ge ǁgoe.

¹²Tsîn ge ǃgaroǃhūb Sinna xu doe tsî Dofkas tawa sī ge ǁgoe.

¹³Tsîn ge Dofkasa xu doe tsî Alus tawa sī ge ǁgoe.

¹⁴Tsîn ge Alusa xu doe tsî Refidims tawa sī ge ǁgoe; ǁnāpa i ge ǁgam-e ǁaesa ge ǀkhaiba i, ān nîse.

¹⁵Tsîn ge Refidimsa xu doe tsî ǃgaroǃhūb Sinaib ǃnâ sī ge ǁgoe.

¹⁶Tsîn ge ǃgaroǃhūb Sinaiba xu doe tsî Kibrot-Taavas tawa sī ge ǁgoe.

¹⁷Tsîn ge Kibrot-Taavasa xu doe tsî Haserots tawa sī ge ǁgoe.

¹⁸Tsîn ge Haserotsa xu doe tsî Ritmas tawa sī ge ǁgoe.

¹⁹Tsîn ge Ritmasa xu doe tsî Rimon-Peres tawa sī ge ǁgoe.

²⁰Tsîn ge Rimon-Peresa xu doe tsî Libnas tawa sī ge ǁgoe.

²¹Tsîn ge Libnasa xu doe tsî Risas tawa sī ge ǁgoe.

²²Tsîn ge Risasa xu doe tsî Kehelatas tawa sī ge ǁgoe.

²³Tsîn ge Kehelatasa xu doe tsî Seferi di ǃhommi ai sī ge ǁgoe.

²⁴Tsîn ge Seferi di ǃhomma xu doe tsî Haradas tawa sī ge ǁgoe.

²⁵Tsîn ge Haradasa xu doe tsî Makhelots tawa sī ge ǁgoe.

²⁶Tsîn ge Makhelotsa xu doe tsî Tahats tawa sī ge ǁgoe.

²⁷Tsîn ge Tahatsa xu doe tsî Teraxs tawa sī ge ǁgoe.

²⁸Tsîn ge Teraxsa xu doe tsî Mitkas tawa ge sī ǁgoe.

²⁹Tsîn ge Mitkasa xu doe tsî Hasmonas tawa ge sī ǁgoe.

³⁰Tsîn ge Hasmonasa xu doe tsî Moserots tawa ge sî ǁgoe.

³¹Tsîn ge Moserotsa xu doe tsî Bene-Jaakans tawa sī ge ǁgoe.

³²Tsîn ge Bene-Jaakansa xu doe tsî Hor-Gidgads tawa sī ge ǁgoe.

³³Tsîn ge Hor-Gidgadsa xu doe tsî Jotbatas tawa ge sī ǁgoe.

³⁴Tsîn ge Jotbatasa xu doe tsî Abronas tawa ge sī ǁgoe.

³⁵Tsîn ge Abronasa xu doe tsî Esion-Gebers tawa ge sī ǁgoe.

³⁶Tsîn ge Esion-Gebersa xu doe tsî ǃgaroǃhūb Sinni ǃnâ sī ge ǁgoe, ǁnās ge Kadesa.

³⁷Tsîn ge Kadesa xu doe tsî Horǃhommi tawa sī ge ǁgoe, Edomǃhūb di ǀams tawa.

³⁸ǃNubaib ge prister Aronna Horǃhommi ai ǃapa, ǃKhūb di mîmās ǃoa, tsî ǁnāpa ge ǁō, hakadisiǁî kurib ǃnâ Israeli ôan ge Egipteǃhūba xu doeǂoas khaoǃgâ, koroǁî ǁkhâb ǃnâ, ǂguro tsēs ǁkhâb dis ai.

³⁹Tsî Aronni ge ǀguikaidisiǀgamdisiǃnonaǀa kurixa ge i, ǁōb geo, Horǃhommi ai.

⁴⁰Tsî Kanaanǁîb, Arads di gao-aob, ǃkhawagasǀî Kanaanǃhūb ǃnâ ǁan hâb ge ge ǁnâu, Israeli ôan ǃgoaxa ǃkhaisa.

⁴¹Tsîn ge Horǃhomma xu doe tsî Salmonas tawa sī ge ǁgoe.

⁴²Tsîn ge Salmonasa xu doe tsî Punons tawa sī ge ǁgoe.

⁴³Tsîn ge Punonsa xu doe tsî Obots tawa sī ge ǁgoe.

⁴⁴Tsîn ge Obotsa xu doe tsî Abarimmi di ǃnomdi tawa sī ge ǁgoe, Moab di ǀkharib tawa.

⁴⁵Tsîn ge Ijimsa xu doe tsî Dibon-Gads tawa sī ge ǁgoe.

⁴⁶Tsîn ge Dibon-Gadsa xu doe tsî Almon-Diblatajims tawa sī ge ǁgoe.

⁴⁷Tsîn ge Almon-Diblatajimsa xu doe tsî Abarimmi di ǃhomgu tawa sī ge ǁgoe Nebob tawa.

⁴⁸Tsîn ge Abarimmi di ǃhomga xu doe tsî ǂgādi Moabǁîn didi ai sī ge ǁgoe, Jordanǃāb tawa, Jerixos ǀgūse.

⁴⁹Tsîn ge Jordanǃāb amǃgâ sī ge ǁgoe Bet-Jesimotsa xu Abel-Sitims kōse, Moab di ǂgādi ai.

⁵⁰Tsî ǃKhūb ge ǂgādi, Moabǁîn didi ai Jordanǃāb amǃgâ Jerixos ǀgūse Moseb ǀkha ǃhoa tsî ge mî:

⁵¹ǃHoa re Israeli ôan ǀkha îts ǁîna mîba: Sadu ga Jordanna-ū Kanaanǃhūb ǃnâ ǂgâo,

⁵²o du ge ǃhūb di ǁansaben hoana sadu di ais aiǃâ ūn hâna xu doeǁgaǂui tsî nî īgu ân hoana hîǀhuru; ǁkhāti du ge ǁîn di ǂnâhe hâ īgu hoaga nî hîkākā tsî ǁîn di ǀgapigu hoaga nî aoǁgui.

⁵³Tsî du ge ǃhūba ǀumise ū tsî nî ǁîb ǃnâ ǁan; tita ge ǁnā ǃhūba sado mā xui-ao, ǀumise du nî ūhâ biga.

⁵⁴Tsî du ge ǂnōgusa xu ǃhūba ǀumise nî ū, sadu di ǃhaodi ǃoa: ǁÎn hîa ǂguinats ge ǀumis âna nî kaikaiba, tsî ǁîn hîa ǀoronats ge ǁîn di ǀumisa nî ǂkhariǂkhariba; mâ-i hoa-i di ǂnōgus ra ǁnā khami i ge nî ūhâ; sadu îgu di ǃhaodi ī khami du ge ǀumisa nî ū.

⁵⁵Xawe ǃhūb ǁansabena du ga sadu ais aiǃâ ūn hâna xu doeǁgaǂui tama io, o i ge nîra ī, ǁîn xa du ga ǃgau xūn nî ǁkhū kai ǃkhaisa sadu di mûdi ǃnâ, tsî nî ǃkhāxū kai sadu di ǃnamgu ǃnâ, tsî nî ǂōǂō du ǁnā ǃhūb, ǁîb ǃnâ du nî ǁanni ǃnâ.

⁵⁶Tsî i ge nîra ī, sado ta nîra dī ǃkhaisa ǁîna ta nî dīse ta ge ǂâibasen hâ i xase.