Read Khoekhoegowab Numeri 7 Bible Online

Numeri 7 - Khoekhoegowab bible

Numeri 7

¹Tsî i ge ge ī, ǁnā tsēs Moseb ge tabernakela ǂnubikhâitoas ai, tsî ǁîbab ge ǂkhauǀkhā tsî a khais ai, ǁîb di sîsenūdan hoan ǀkha, tsî altars tsî ǁîs di sîsenūdan hoanab ge ǂkhauǀkhā tsî ǁîna a khais ai,

²o gu ge Israeli di ǂamsagu, ǁîn îgu ommi di danakhoega ge ǁguiba; nēgu ge ǃhaodi di ǂamsa ge igu, ǃgôahesan ǂamai ge mâ iga.

³Tsî gu ge ǁîgu di ǁguibasa ǃKhūb di ais aiǃâ ge ūhā, ǃnani ǃgū-aihe hâ kunidi tsî disiǀgamǀa gomagu tsîn; ǀgui kunisa ǀgam ǂamkhoekha ama tsî ǀgui gomaba mâb hoab ama; tsî gu ge ǁîna tabernakeli aiǃâ ge ūhā.

⁴Tsî ǃKhūb ge Moseb ǃoa ge mî:

⁵Ū ǁîna ǁîga xu, în tentoms ǀhûs dis di ǃoabasa hâba; tsîts ge ǁîna Leviǁîga nî mā, mâb hoaba ǁîb di ǃoabas ǃoa.

⁶Nētib ge Moseba ǁnā kunide ge ū tsî ǁnā gomaga tsî ǁîna Leviǁîga ge mā.

⁷ǀGam kunira tsî haka gomagab ge Gersonni ôaga ge mā ǁîgu di ǃoabas ǃoa.

⁸Tsî haka kunidi tsî ǁkhaisa gomagu tsînab ge Merarib ôaga ge mā ǁîgu di ǃoabas ǃoa, Itamari, Aronni ôab, pristeri di ǂgaeǂguis ǃnaga.

⁹Xawe Kehati ôagab ge mā tama, ǁîgu ais ge ǃoabas, ǃanuxūn, ǃhōgu ai gu gere tanin disa hâ i xui-ao.

¹⁰Tsî ǂamsagu ge altars ge khaihe ǃnubai, ǁîs ais ge ǂkhauǀkhāhe tsēs ai ge ǁguiba; ǂamsagu ǂûgu ge ǁguibas âga altars ai ge ǁguiba.

¹¹Ob ge ǃKhūba Moseb ǃoa ge mî: Mâ ǂamsab hoaba, mâb hoaba ǁîb tsēs ai, ab ǁîb di ǁguibasa ǁguiba, altars nî khaihese.

¹²Tsî ǁîb ǂguro tsēs ai ǁguibas âba ge ǁguibab ge Nasonni, Aminadab ôab, Judab ǃhaos di ge iba,

¹³Tsî ǁguibas âb ge ǀhaiǀuriǃores ǀguikaidisiǃnonadisi sekeldi kōse a ǃgoms; tsî ǀhaiǀuriǀgapiǃores hûdisi sekeldi kōse ge ǃgom isa, ǃanusib di sekels ǃoa; hoara tsampereb olib ǀkha ǂnâ-aihe hâb xa ge ǀoa hâ i ǂûǁguibara;

¹⁴tsî ǀanǀanǃores disi ǃhuniǀurisekeldi dis, ǃgâihamxūn xa ǀoa hâs;

¹⁵ǀgui ǂkham ǁgōb, ǀgui bairab, ǀgui ǁkhaob hîa ǀgui kurixab tsîna, khauǁguibase;

¹⁶ǀgui ǂkharapiriba ǁoreǁguibase;

¹⁷tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Nasonni, Aminadab ôab di ge isa.

¹⁸ǀGamǁî tsēs aib ge Nataneli, Suari ôab, Isaskari di ǂamsaba ge ǁguiba.

¹⁹ǁÎb ge ǁguibas âba ge ǁguiba: ǀGui ǀhaiǀuriǃores, ǀguikaidisiǃnonadisi sekeldi kōse ǃgoms, ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

²⁰ǀgui ǀanǀanǃores disi ǃhuniǀurisekeldi dis, ǃgâihamxūn xa ǀoa hâs;

²¹ǀgui ǂkham ǁgōb, ǀgui bairab, ǀgui ǁkhaob hîa ǀgui kurixab tsîna, khauǁguibase;

²²ǀgui ǂkharapiriba ǁoreǁguibase;

²³tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Nataneli, Suari ôab di ge isa.

²⁴ǃNonaǁî tsēs aib ge Sebulonni ôagu di ǂamsab Eliab, Helonni ôaba ge ǁguiba.

²⁵ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms; tsî ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

²⁶ǀgui ǀanǀanǃores disi ǃhuniǀurisekeldi dis, ǃgâihamxūn xa ǀoa hâs;

²⁷ǀgui ǂkham ǁgōb, ǀgui bairab, ǀgui ǁkhaob hîa ǀgui kurixab tsîna, khauǁguibase;

²⁸ǀgui ǂkharapiriba ǁoreǁguibase;

²⁹tsî ganganǁguibase ǀgam gomakha, koro bairagu, koro ǀgui kurixa ǁkhaogu tsîna. Nēs ge ǁguibas Eliab, Helonni ôab di ge isa.

³⁰Hakaǁî tsēs aib ge Rubenni ôagu di ǂamsab Elisuri, Sedeuri ôaba ge ǁguiba.

³¹ǁÎb di ǁguibas ge ǀgui ǀhaiǀuriǃores, ǀguikaidisi sekeldi kōse ǃgoms; tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

³²ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs,

³³ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixab tsîna, khauǁguibase;

³⁴ǀgui ǂkharapiriba ǁoreǁguibase;

³⁵tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Elisuri, Sedeuri ôab di ge isa.

³⁶Tsî koroǁî tsēs aib ge Simeonni ôagu di ǂamsab Selumieli, Surisadaib ôaba ge ǁguiba.

³⁷ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

³⁸ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs,

³⁹ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixaba, khauǁguibase;

⁴⁰ǀgui ǂkharapiriba, ǁoreǁguibase;

⁴¹tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Selumieli, Surisadaib ôab di ge isa.

⁴²ǃNaniǁî tsēs aib ge Gadi ôagu di ǂamsab Eljasab, Dehueli ôaba ge ǁguiba.

⁴³ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁴⁴ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs,

⁴⁵ǀgui ǂkham ǁgōb, ǀgui bairab, ǀgui ǁkhaob hîa ǀgui kurixaba, khauǁguibase;

⁴⁶ǀgui ǂkharapiriba ǁoreǁguibase;

⁴⁷tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas, Eljasab, Dehueli ôab di ge isa.

⁴⁸Hûǁî tsēs aib ge ǂamsab Efraimmi ôagu dib Elisamab, Amihudi di ôaba ge ǁguiba.

⁴⁹ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀgui ǀhaiǀuriǀgapiǃores hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁵⁰ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs;

⁵¹ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixaba, khauǁguibase;

⁵²ǀgui ǂkharapiriba, ǁoreǁguibase;

⁵³tsî ganganǁguibase ǀgam gomakha, koro bairagu, koro piridi, koro ǀgui kurixa ǁkhaogu tsîna. Nēs ge ǁguibas Elisamab, Amihudi ôab di ge isa.

⁵⁴ǁKhaisaǁî tsēs aib ge ǂamsab Manaseb ôagu dib Gamalieli, Pedasuri ôaba ge ǁguiba.

⁵⁵ǁÎb di ǁguibas ge ǀgui ǀhaiǀuriǃores ǀguikaidisi ǃnonadisi sekelde ǃgoms, tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁵⁶ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs;

⁵⁷ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixaba, khauǁguibase;

⁵⁸ǀgui ǂkharapiriba ǁoreǁguibase;

⁵⁹tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Gamalieli Pedasuri ôab di ge i.

⁶⁰Khoeseǁî tsēs aib ge Benjaminni ôagu di ǂamsab Abidanni, Gideonni ôaba ge ǁguiba.

⁶¹ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀgui ǀhaiǀuriǀgapiǃores hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁶²ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs;

⁶³ǀgui ǂkham ǁgōb, ǀgui bairab, ǀgui ǁkhaob hîa ǀgui kurixaba, khauǁguibase;

⁶⁴ǀgui ǂkharapiriba ǁoreǁguibase;

⁶⁵tsî ganganǁguibase ǀgam gomakha, koro bairagu, koro piridi, koro ǀgui kurixa ǁkhaogu tsîna. Nēs ge ǁguibas Abidanni Gideonni ôab di ge isa.

⁶⁶Disiǁî tsēs aib ge ǂamsab Danni ôagu dib Ahieseri, Amisadaib ôaba ge ǁguiba.

⁶⁷ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁶⁸ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs;

⁶⁹ǀgui ǂkham ǁgōb, ǀgui bairab, ǀgui ǁkhaob hîa ǀgui kurixaba, khauǁguibase;

⁷⁰ǀgui ǂkharapiriba ǁoreǁguibase.

⁷¹Tsî ganganǁguibase ǀgam gomakha, koro bairagu, koro piridi, koro ǀgui kurixa ǁkhaogu tsîna. Nēs ge ǁguibas Ahieseri, Amisadaib ôab di ge isa.

⁷²Disiǀguiǀaǁî tsēs aib ge ǂamsab Aseri ôagu dib Pagieli, Okranni ôaba ge ǁguiba.

⁷³ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms, tsî ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibara;

⁷⁴ǀgui ǀanǀanǃores, disi ǃhuniǀurisekeldi dis ǃgâihamxūn xa ǀoa hâs;

⁷⁵ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixaba, khauǁguibase;

⁷⁶ǀgui ǂkharapiriba ǁoreǁguibase;

⁷⁷tsî ganganǁguibase ǀgam gomakha, koro bairagu, koro piridi, koro ǀgui kurixa ǁkhaogu tsîna. Nēs ge ǁguibas Pagieli, Okranni ôab di ge isa.

⁷⁸Disiǀgamǀaǁî tsēs aib ge ǂamsab Naftalib ôagu dib Ahirab, Enanni ôaba ge ǁguiba.

⁷⁹ǁÎb di ǁguibas ge ǀgui ǀhaiǀuriǃores, ǀguikaidisi ǃnonadisi sekeldi kōse ǃgoms; tsî ǀgui ǀhaiǀuriǀgapiǃores, hûdisi sekeldi kōse ǃgoms, ǃanusib di sekels ǃoa; hoara ge tsampereb, olib ǀkha ǂnâ-aihe hâb xa ge ǀoa hâ i ǂûǁguibase;

⁸⁰ǀgui ǀanǀanǃores, disi ǃhuniǀurisekeldi dis, ǃgâihamxūn xa ǀoa hâs;

⁸¹ǀgui ǂkham ǁgōb, ǀgui bairab, ǀgui ǁkhaob, hîa ǀgui kurixaba, khauǁguibase;

⁸²ǀgui ǂkharapiriba ǁoreǁguibase;

⁸³tsî ganganǁguibase ǀgam gomakha, koro bairagu, koro piridi tsî koro ǀgui kurixa ǁkhaogu tsîna. Nēs ge ǁguibas Ahirab, Enanni ôab di ge isa.

⁸⁴Nēs ge khais altars dis Israeli ǂamsagu dis, ǂkhauǀkhāhes ge tsēs ai: Disiǀgamǀa ǀhaiǀurisoadi, disiǀgamǀa ǀhaiǀuriǀgapiǃoredi tsî disiǀgamǀa ǃhuniǀuriǀanǀansoadi tsîn.

⁸⁵ǀGui ǀhaiǀuriǃores ge ǀguikaidisi tsî ǃnonadisi sekeldi kōse ge ǃgom i, tsî ǀgui ǀgapiǃoresa hûdisidi kōse, ǀhaiǀurisoadi hoadi dib ge ǀgamǀoadisi tsî hakakaidisi ge i, ǃanusib di sekels ǃoa.

⁸⁶Disiǀgamǀa ǃhuniǀuriǀanǀanǃoredi, ǃgâihamxūn ǀkha ǀoa hâdi, mâ ǀanǀanǃores hoas ge disi sekeldi kōse ge ǃgom i, ǃanusib di sekels ǃoa; ǃgomsib ǃhuniǀuriǀanǀanǃoredi dib hoab ge ǀguikaidisi tsî ǀgamdisi sekel ge i.

⁸⁷ǀGoan khauǁguibas din hoan ge disiǀgamǀa ǁgōgu, disiǀgamǀa ǀgui kurixa bairagu di ǂûǁguibas ân ǀkha; tsî disiǀgamǀa piridi ǁoreǁguibas.

⁸⁸Tsî ǀgoan ganganǁguibas din hoan ge ǀgamdisihakaǀa ǁgō ge i, tsî bairaga ǃnanidisi, piride ǃnanidisi tsî ǀgui kurixa ǁkhaogu ge ge ǃnanidisi i. Nēs ge khais altars disa, ǂkhauǀkhāhes ges khaoǃgâ.

⁸⁹Tsî Moseb ge tentoms ǀhûs dis ǃnâ ǂgâo, ǁîb ǀkhab nî ǃhoase, ob ge dommi, ǁîb ǀkha ra ǃhoaba ge ǁnâu ǂkhîbagus ǂgaes ǀhûǀguitimîs di ǂgaes ai hâsa xu, ǀgam xerukha ǁaegu. Nētib ge ǁîb ǀkha ge ǃhoa.