Read Khoekhoegowab Habakuki 1 Bible Online

Habakuki 1 - Khoekhoegowab bible

Habakuki 1

¹Elosi ǃhoas, kēbo-aob Habakuki ge mûs.

²ǃKhūtse, matikōsesa tita huib ǃaroma ra ǃausa, xawets ǁnâu te tamasa, ǀgaidīs xa ta sa ǃoa ra ǂgai, xawets ore te tamasa?

³Tarexats ra satsa ǂhanuoǃnâsiba mû kai te? Tsî tarexats ra ǂōǂōsiba ǃgapaǀî kai te? Hîǀhurus tsî ǀgaidīs tsîra ti ǃoagu hâ, tsî ǂnoagu-i ge hâ, tsî ǃkhams ra ǃnā xui-ao.

⁴ǁNā-amagab ra ǂhanuba ǂkhabu, tsî ǂhanub ge tātsē ǀkhī tama hâ, eloxoresab ra ǂhanu-aiba ǃnamiǂgā xui-ao, ǁnā-amagab ra ǂhanuba ǂkhabase ǀkhī.

⁵Kō ǃhaodi ǃnâ, î du ǃgapaǀî, î du burugâ, î du burugâ. Tita ge sîsenna sadu tsēdi ǃnâ, nîra dī sadu ǂgom tideba, ǁîb xa du ga ǃhoabahe ǃnubai.

⁶Î du kō, tita ge Xaldeaǁîna ra ǂkhaiǂkhaikhâi, ǁnā ǁaixa tsî ǃhae ǁaesa, ǂhabasib ǃhūbaib diba ra doemaǃnâsa, hâǃkhaidi, ǁîn di tamaden nî ūbasenga.

⁷ǃHuriǃhurisa tsî ǃaoǃaosa ǁaes ge a ǁî; ǁîn ǂhanub tsî ǁîn ǂamsib ge ǁîna xu ra ǂoa.

⁸ǁÎn di hān ge ǃarub ǃgâ-ai a ǃhae, tsîn ge ǂhiradi ǂamai a ǁaixa, tsî ǁîn ǃgapi-aogu ge ra ǃgapiǀkhī; ā ǁîn ǃgapi-aogu ge ǃnūseba xu nîra hā, ǁîn ge ǃariǃkhās ǂûs nî-e ra ǃkhōs khami a ǃhae.

⁹ǁÎn ge hoatsama ǀgaidīn nîse ra hā. ǁÎn di ǂkhabasib ge ǁîna ra aiǃgûba tsîn ra ǃkhōsana ǀhaoǀhao ǃhūb khami.

¹⁰Tsîn ge gao-aoga nîra ǃhō, tsî gaoǀgôagu ge ǁîna âixūse nîra ība, ǁîn ge mâ ǁaposa hâǃkhais hoasa nîra âiǂui; ǁîn ge tsaraba nîra ǀhaoǀhao, tsîn ge ǁîsa nîra ū.

¹¹ǃNubain ge ǃaruǀî ǂoab khami ǃkharu tsî nîra doeǃganu xawen ge nîra ǀhapixa, nēn ǀgaib âna ǁîna elose ūhâna.

¹²Satsa kha hugasa xu ǃKhū, ti Elo, ti ǃAnu tamatsa? O da ge sida ǁō tide. ǃKhūtse ǀgoraǃgâsets ge satsa ǁîba ge mâi tsî sats ge, ǃhaotse, ǁkharats nîga ǁîba ge ǃgaoǃgao.

¹³Sats ǃnā hâse ǃanu mûra ūhâts ǂkhababa a mû ǁoats, tsî ǂōǂōsiba a kōǀî ǁoatsa. Tarexats kha ǁnâi îǂhôaoǃnâse ra sîsenna ra kōǀî? Tarexats kha ǁnâi nî ǃnō, eloxoresab ga ǁnāb, ǁîb ǃgâ-ai a ǂhanu-aiba hapuo?

¹⁴Tsî tarexats kha satsa khoena nî dī hurib di ǁaun khami? ǂHanaben gaosa-i xare-i xa gaoǂamhe taman khami.

¹⁵ǁÎb ra ǁîn hoana ǂhaoda-i ǀkha ǂgaeǃapa, ǁîb ra ǁîna ǀûis âb ǀkha ǂgaeǂui, tsîb ra ǁîna ǀûis âb ǃnâ ǀhaoǀhao; ǁnā-amagab ra ǁîba ǃgâiaǂgao tsî dâ.

¹⁶ǁNā-amagab ra ǀûis âba ǁguiba tsî ǀûis âba ǀanǀanba, ǁîna xus ge amǃnâs âba a kausa, tsî ǂûn âba a ǁkhoaxa.

¹⁷ǁÎ ǃkhais xab kha hugaǀgui nî ǀûis âba ǀkhaiǃnâ kai, tsîb kha ǀkhom tamase ǁaede hugaǀgui nî ǃgam?