Read Khoekhoegowab Saxariab 3 Bible Online

Saxariab 3 - Khoekhoegowab bible

Saxariab 3

¹ǁNās khaoǃgâb ge tita Josuab, ǀgapipristera ge ǁgau, ǃKhūb ǀhomǃgāb ais aiǃâb mâse, tsî Satanni ge ǁîb amǀkhāb ai ge mâ i, ǁîbab nî mâǃoaga.

²Xawe ǃKhūb ǀhomǃgāb ge Satanni ǃoa ge mî: Ab ǃKhūba ǀau tsi, sats Satantse, ā, ab ǃKhūba ǀau tsi, ǁîb Jerusalemsa ǃkhōǂuibasen hâba. Nēba kha ǀaesa xu tsubuǂuihe hâ ǀae-am tamaba?

³Tsî Josuab ge ǀurisa sarana ge ana hâ i, ǀhomǃgāb di ais aiǃâb ge mâ i ǃnubai.

⁴Ob ge ǀhomǃgāba ǃeream tsî ǁnān, ais âb aiǃâ mân ǃoa ǃhoa tsî ge mî: Nē ǀurisa sarana ǁîba xu ūǁnâ. ǁNās khaoǃgâb ge ǁîba Josuab ǃoa ge mî: Mû, tita ge sa ǂhanuoǃnâsiba satsa xu go ūbē, tsî tita ge satsa dâǁâus sarana nîra ǂgaeǂgā.

⁵O ta ge tita: An ǃanu ǃkhaiba danas âb ai ǀgapa bi, ti ge mî. On ge ǁnā ǃanu ǃkhaiba danas âb ai ge ǀgapa, tsîn ge ǁîba sarana ge ǂgaeǂgā, tsî ǀhomǃgāb ǃKhūb dib ge ǁîb tawa ge mâ i.

⁶ǃNubaib ge ǀhomǃgāb ǃKhūb diba Josuab ǃoa ge mî:

⁷Nētib ra ǃKhūb ǂnubidi diba mî: Ti daogu ǃnâts ga ǃgûo, tsî ti mîmādets ga ǃkhōǀgaipeo, ots ge ǁkhāti ti omma nîra gaoǂam, tsî ǁkhāti ti ai-omga nîra ǃûi, o ta ge tita ǃnareǃkhaide nîra mā tsi, nē mân ǁaegu.

⁸Îts ǁnâi ǃgâ, sats Josuats, ǀgapipristertse, sats tsî sa ǀhōsan sa ais aiǃâ ǂnôan tsîdo, ǁîn a buruxa sao xuige: Î du mû, tita ge ti ǃgāb ǂgonaba nîra hā kai.

⁹Îts kō ǁnā ǀuib, Josuab ais aiǃâ ta ge ǁguib xasa, ǁnā ǀuib ǀguib ai di ge hû mûde nîra hâ, kō tita ge xoaǂgās âsa nîra xoa, tib ra ǃKhūb ǂnubidi diba mî, tsî tita ge ǂhanuoǃnâsib nē ǃhūb diba ǀgui tsēs ǀguis ai nîra ūbē.

¹⁰ǁNātsē du ge mâ-i hoa-e ǁî-i di ǀgūkhoe-e nîra ǁkhau ǂauxûiǂûhais ǃgao, tsî ǀnomahais ǃgao, tib ra ǃKhūba mî.