Read Khoekhoegowab Saxariab 6 Bible Online

Saxariab 6 - Khoekhoegowab bible

Saxariab 6

¹Tsî ta ge tita ǁkhawa kōkhâi, tsî ge mû, haka torokunidi ge ǀgam ǃhomkha ǁaeguba xu ge ǂoaxa tsî ǁnā ǃhomkha ge ǂai ge i.

²ǂGuro kunis hāgu ge ǀapa ge i, tsî ǀgamǁî kunis d hāgu ge ǂnū ge i,

³tsî ǃnonaǁî kunis hāgu ge ǃuri ge i, tsî hakaǁî kunis i hāgu ge ǁgani ge i, ǀgaisa ge iga.

⁴O ta ge tita ǃeream tsî ǁnā ǀhomǃgāb, tita ra ǃhoa-ūb ǃoa: Tarega nēga, ti ǃKhūtse? ti ge mî.

⁵Ob ge ǀhomǃgāba ǃeream tsî tita ǃoa: Nēgu ge haka ǂoagu ǀhommi digu, ǂoa raga, ǃKhūb ǃhūbaib hoab dib di ais aiǃâ gu ge mâ isa xu, ti ge mî.

⁶ǂNū hāga ūhâ kunis ge ǀapas di ǃhūb ǃoa ra ǂoa, tsî ǃurigu ge ǁîgu khaoǃgâ ra ǂoa, tsî ǁganigu ge ǃkhawagas ǃhūbǀî ra ǂoa.

⁷Tsî ǁnā ǀgaisa hāgu ge ǂoa tsî aiǃâb ǃoa ǃgûsa ge ôa-am, ǃhūbaiba gu nî ǃgûǃnâǃganuse, ǁîb ge: ǃGû î go ǃhūbaiba ǃgûǃnâǃganu, ti mî xui-ao. O gu ge ǃhūbaiba ge ǃgûǃnâǃganu.

⁸Tsîb ge ǁîba ǂgai te, tsî ge mî: Mû, nēgu ǀapas di ǃhūb ǁga ge ǃgûǂoagu, ǁîgu ge ti Gagaba ge sâ kai ǀapas di ǃhūb ǃnâ.

⁹Tsîs ge mîs ǃKhūb disa hāba te tsî ge mî:

¹⁰Ū ǃkhōsabese ge ūǃgûbēhen Heldaib din xa tsî Tobiab din xa tsî Jedajab din xa, îts ǁnātsē hā, îts ǂgâ Josiab, Sefanjab ôab oms ǃnâ, ǁîs ǃnân ge Babilonsa xu hāsa.

¹¹Îts ǀhaiǀurib tsî ǃhuniǃurib tsîkha xa ū îts kronsa dī, îts ǁîsa danas Josuab, Josadab ôab, ǀgapipristeri dis ai ǂnûi.

¹²Îts ǃhoa ǁîb ǁga tsî mî: Nētib ra ǃKhūb ǂnubidi diba ǃhoa, mî rase: Mû, khoeb ǂGonab ti ǀon hâb ge ǃkhais âba xu nîra ǀkhī, tsî ǁîb ge tempeli ǃKhūb diba nîra ǂnubi.

¹³Ā, ǁîb ge tempeli ǃKhūb diba nîra ǂnubi, tsî ǁîb ge anixūba nîra tani, tsî ǁîb ge ǂnû tsî trons âb ai nîra gaosîsen, tsîb ge pristerse nîra ī trons âb ai, tsî ǀapes ǂkhîb dis ge ǁî ǀgamkha ǁaegu nîra hâ.

¹⁴Tsî ǁnā krons ge Helemmi tsî Tobiab tsî Jedajab tsî Henni Sefanjab ôab tsîga nîra hâba, ǂâiǂâisenxūse ǃKhūb di tempeli ǃnâ.

¹⁵Tsî ǃnūse hân ge hā tsî tempeli ǃKhūb diba nîra ǂnubi, tsî sadu ge nîra ǂan, ǃKhūb ǂnubidi dib ge tita sadu ǁga sî ǃkhaisa. Nē xūn ge nîra ī, ǃgaoǃgâxase du ga ǃKhūb sadu Elob domma ǁnâu ǃnubai.