Read Khoekhoegowab Deuteronomium 34 Bible Online

Deuteronomium 34 - Khoekhoegowab bible

Deuteronomium 34

¹ǃNubaib ge Moseba ge ǃapa Moab di ǂgāde xu Neboǃhommi, Pisgab di ǂaob ai, Jerixos ǃoa-ai hâb ai; tsî ǃKhūb ge ǁîba ǃhūb hoaragaba ge ǁgau Gileada xu Dans kōse;

²tsî Naftalib hoab, Efraimmi tsî Manaseb tsîkha di ǃhūb tsî Judab di ǃhūb hoaragaba huriǂoas di hâ hurib kōse;

³tsî ǃkhawagas di ǃhūb tsî ǂgās Jerixos, palmǃās di ǃgoaǃnāb dis Soars kōse;

⁴tsî ǃKhūb ge ǁîb ǃoa ge mî: Nēb ge ǃhūb, Abrahammi, Isaki tsî Jakob tsîga ta ge nūbaba, mî raǃâ: Sa suriba ta ge tita ǁîba nîra mā. Tita ge ǁîba sa mûra ǀkha go mû kai tsi, xawets ge ǁnāǀî ǃgâu tide.

⁵Nētib ge Moseb, ǃKhūb di ǃgāba ǁnāpa Moab di ǃhūb ǃnâ ge ǁō, ǃKhūb di mîmās ai.

⁶Tsîb ge ǃgoaǃnāb ǃnâ sī ge ǁkhō bi Moab di ǃhūb ǃnâ Bet-Peors ǃoa-ai; tsî khoe-i xare-i ge ǀhobas âba ge ǀū i, nētsēs kōse.

⁷Tsî Moseb ge ge ǀguikaidisiǀgamdisi kurixa i, ǁōb geo; mûs âb ge ǃkhae tama, tsî ǀgaib âb ge kā tama ge hâ i.

⁸Tsî Israeli ôan ge Moseba gere āba Moab di ǂgādi ai ǃnonadisi tsēdi kōse; o di ge tsēdi, ǃoab xan ge Moseba ābas dide ge toa.

⁹Tsî Josuab, Nunni ôab, ge gā-aisib di gagab xa ge ǀoa hâ i, Moseb ge ǁîb di ǃomkha ǁîb ai ǁgui xui-ao; on ge Israeli ôana ǁîba ǃgâ tsî ge dī, ǃKhūb ge Moseba mîmā xase.

¹⁰Tsî ǀnî kēbo-aob ge ǃaruǀî Israeli ǃnâ khâi tama ge hâ i, Moseb khami ge ī iba, ǃKhūb xa ge ǂanhe hâ iba aisa xu ais ǃoa.

¹¹ǁNā saodi tsî buruxa dīdi hoadi ǃnâ, ǁîdi ǃaromab ǃKhūba ǁîba ge sîdi, ǁîdeb nî Egipteǃhūb ǃnâ Faraob tawa dīse tsî ǁîb di ǃgāgu hoagu tawa tsî ǁîb di ǃhūb hoaragab tawa;

¹²tsî ǁnā ǀgaisa ǃommi hoab ǃnâ tsî ǁnā kai ǃhuriǃhuris, Moseb Israeli hoab di mûdi aiǃâ ge dīs ǃnâ.