Read Khoekhoegowab Romeǁîn 13 Bible Online

Romeǁîn 13 - Khoekhoegowab bible

Romeǁîn 13

¹Mâ-i hoa-e a-i ǂamkhoega ǃnaga hâba, ǁî-i ǂama ǀgaiba ūhâga. ǂAmkhoegu ge Elob ǀguiba xu hâ xuige; tsî hâ a ǂamkhoegu kom Elob xa ǂnûiǂgāhe hâo.

²ǁNā-amaga ǂamkhoega ra mâǃoa-i hoa-i ge Elob di ǂnûiǂgāsa ra mâǃoa-e, tsî mâǃoa ran ge ǁî-aitsama ǀgoraǃgâ-e nî ūhābasen.

³ǂAmkhoegu ge a ǃaoǃaosaba ǃgâi sîsenga tama, xawe ǂkhabaxa xui-ao. ǂAmkhoegats ga ǃao ǂgao tama io, ǃgâiba dī, ots ge ǁîgu xa nî koahe.

⁴Elob di ǃgāgu ge ǁîga xui-ao, sa ǃgâiba ǃoa; xawe ǂkhababats ga dīo, ǃao; gôaba gu ǁause tani tama xuige. Elob ǃgāgu tsî ǂkhababa ra dīn di ǀkhao-aogu kom ǁîgao.

⁵ǁNā-amagats ge ǃnaga hâsa ǂhâba hâ, ǁkharab ǀguib ǃaroma tama i, tsî ǂâis tsîn ǃaroma.

⁶ǁNā-amaga du ǁkhāti ǁguibasa nî mā; Elob di ǃoabasabegu ge ǁîga xui-ao, nēs ǃnâ hugaǀgui ra sîsenga.

⁷Mâ-i hoa-e ǁnâi surude du hâ-e mā: ǁGuibasa anu hâ-e ǁguibasa, mari-e anu hâ-e mari-e, ǃoabasa anu hâ-e ǃoabasa, ǃgôasiba anu hâ-e ǃgôasiba.

⁸Î du tā khoe-e xū-e surude, ǀnamgus ǀguis; nau-e ra ǀnam-i ge ǂhanuba dīǀoaǀoa hâ xuige.

⁹Nēn: ǃGamebats ge khôa tide! ǃGamts ge tide! ǃNarits ge tide! ǂKhabasets ge ǂgā-am tide! Turats ge tide! tsî ǀnî mîmā-i ga hâo, ǁîn kom nē mîs ǃnâ ra ǃkhōǀhaoheo: Sa ǀgūkhoebats ge nî ǀnam sats ǁkhāts khami.

¹⁰ǀNammi ge ǀgūkhoeba tsū xū-e dī tama hâ, tsîb ge ǀnamma a ǂhanub di dīǀoaǀoasi.

¹¹Î du ǁîsa dī, ǁaeba du a ǂan xuige, ǁnā iri a ǃkhaisa, ǁîb ǃnâ du nî ǂomsa xu ǃnoaǂkhaiba; ǃgâiǃōsib ge nēsi aibe da ge ǂgomsa kai ǁaeb xa ǀgūse hâ amaga.

¹²Tsuxub ge ge ǃgû-ī, tsî tsēs ge a ǀgū; a da ǁnâi ǁguiǁnâ ǃkhaenab di sîsenga, î da ǃnâb di ǁâtanina ana.

¹³A da îǂhôase tanisen, tsēs ǃnâs axase; î da tā ûi ōb tsî āb ǃnâ, ǁomǃnâ omdi tsî ǂūǁoasigu ǃnâ, ǂnoagus tsî surigus ǃnâ;

¹⁴ǃKhūb Jesub Xristuba ana î du sorosa ǂhansenba, xawe tā turagu ǃoa.