Read Khoekhoegowab Romeǁîn 16 Bible Online

Romeǁîn 16 - Khoekhoegowab bible

Romeǁîn 16

¹Febes, sada ǃgâsas, Kenxreas ǃnâ hâ ǀhaohâb di ǃoaba-aos xa ta ra mîmā du,

²ǁîsa du nî ǃKhūb ǃnâ ǃkhōǃoa ǃkhaisa, ǃanuna anu hâ khami, tsî du nî ǁîsa hui ǃkhaisa, sados ga ǂhâba hâ dīǃkhai-i hoa-i ǃnâ. ǁÎs tsîn ge ǂguina gere hui, tsî tita tsîna.

³Prisilas tsî Akwilab tsîra, ti ǀhaoǃoaba-aora Xristub Jesub ǃnâ tawede,

⁴ti ûiba ǁîra ǃaora ge mâibara, tita ǀgui ta gangan tamara, tsî ǁkhāti ǀūben ǀhaohâgu hoagu ra ganganra.

⁵Î du ǁkhāti ǁîra oms ǃnâ hâ ǀhaohâba tawede. Tawede Epenetub, ti ǀnamǀnamsab, Asiab di ǂgurosaba Xristub ǃnâ.

⁶Tawede Marias, sada ge kaise ǃoabasa.

⁷Tawede Andronikub tsî Juniab tsîkha, ti ǀaokhoekha tsî ti ǀhaoǃkhōsakha, apostelgu ǃnâ ǃgâi gom-e ūhâkha, ǁkhāti tita aiǃâ Xristub ǃnâ ge hâ ikha.

⁸Tawede Ampliatub, ti ǀnamǀnamsaba ǃKhūb ǃnâ.

⁹Tawede Urbanub, sige ǀhaoǃoabasabeba Xristub ǃnâ, tsî Staxib, ti ǀnamǀnamsab tsîkha.

¹⁰Tawede Apeleb, Xristub ǃnâ ǃâihe hâba. Tawede Aristobulub ommi dina.

¹¹Tawede Herodionni, ti ǀaokhoeba. Tawede Narsisub ommi din, ǃKhūb ǃnâ hâna.

¹²Tawede Trifenas tsî Trifosas tsîra, ǃKhūb ǃnâ ge sîsen ra. Tawede Persis, ǀnamǀnamsas, ǃKhūb ǃnâ kaise ge sîsensa.

¹³Tawede Rufub, ǃkhōǂuibasensaba ǃKhūb ǃnâ, tsî ǁîb îs tsî tis tsîra.

¹⁴Tawede Asinkritub, Flegonni, Hermeb, Patrobab, Hermab, tsî ǁîgu ǀkha hâ ǃgâsagu tsîna.

¹⁵Tawede Filologub tsî Julias tsîra, Nereub tsî ǁîb di ǃgâsas tsîra, tsî Olimpab tsî ǁîn ǀkha hâ ǃanun hoana.

¹⁶Tawedegu re ǃanu ǁoa-i ǀkha. Xristub di ǀhaohâgu hoagu ra tawede du.

¹⁷Tsî ta ra ǁnama du, ǃgâsado, kōǂam ǁnān, ǁhaiǃāgudi tsî ǁgonǁgonǂgaodi tsîde ra dīna ǁkhāǁkhāhe du ge ǁkhāǁkhās ǃoagu, î du ǁîna xu ǂgō.

¹⁸Nēti īn kom sada ǃKhūb Jesub Xristuba sîsenba tama i, tsî ǁîn di ǃnāba ra sîsenbao; tsîn kom ǂkhon mîdi tsî îsa mîdi ǀkha ǀguiǃnâxa ǂgaoga ūhâna ra ǂgaeǂhapuo.

¹⁹Sadu ǁnâuǀnamxasib ge hoan ǃoa ge ǂoa; xui-ao ta ra ǃgâiaǂgao sadu ǂama, tsî ta ra ǂgao, ǃgâib ǃnâ du nî gā-ai, tsî ǂkhabab ǃnâ du nî gâre ǃkhaisa.

²⁰Tsî Elob ǂkhîb dib ge Satanna ǃhaese sadu ǂaidi ǃnâ nî dāǂkhū. Ab ǀkhommi sada ǃKhūb Jesub Xristub diba sadu ǀkha hâ!

²¹Timoteub di ǀhaoǃoabasabeb, tsî Lusiub tsî Jasonni tsî Sosipateri ti ǀaokhoegu tsîgu ra tawede du.

²²Tita Tertiuta, nē ǂkhanisa goro xoata ge ǃKhūb ǃnâ ra tawede du.

²³Gajub ti omǁgûb tsî ǀhaohâb hoab tsîn dib ra tawede du. Erastub ǃās di mûǂamaob, tsî Kwartub ǃgâsab tsîkha ra tawede du.

²⁴Ab ǀkhommi sada ǃKhūb Jesub Xristub diba sadu hoadu ǀkha hâ! Amen.

²⁵Tsî ǁNāb sado ǀgaiǀgai ǁkhāb, ti ǃgâiǂhôasa ǃoa tsî Jesub Xristub di aoǁnâhesa ǃoa, ǂganǃgâsib di ǂhaiǂhaisa ǃoa, ǀamo ǁaeba xu ge ǂganǃgâsa ib,

²⁶xawe nēsi ge ǂhaiǂhaiheb, tsî kēbo-aogu di xoade xu ǀamo Elob di mîmās ai ǀūben hoan ǃnâ ǂgoms di ǁnâuǀnamxasib ǃoa ra ǂanǂanheba,

²⁷ǁnāb ǀguise gā-ai Eloba, ab ǂkhaisiba ūhâ Jesub Xristuba xu ǀamosib kōse! Amen.