Read Khoekhoegowab 1 Korinteǁîn 2 Bible Online

1 Korinteǁîn 2 - Khoekhoegowab bible

1 Korinteǁîn 2

¹O ta ge tita, ti ǃgâsado, sadu tawa ta ge sī ǃnubai ǃnāǂamsa mîdi tsî gā-aisib tsîra ǀkha sī tama hâ i, Elob ǃkhō-amsa sado ra aoǁnâbaǃâ.

²ǂÂibasen tama ta ge hâ i xui-ao, ǀnî xū-e ta nî sadu ǃnâ ǂansa, Jesub Xristub ǃgâuhe geb ǀguiba.

³Tsî ta ge sadu tawa ǂkhabusasib tsî ǃaob tsî kai ǀkhūb ǀkha ge hâ i.

⁴Tsî ti mîs tsî ti aoǁnâs tsîra ge gongonǃnâsa mîdi khoesi gā-aisib didi ǃnâ hâ tama ge hâ i, tsî ra ge Gagab tsî ǀgaib tsîkha di ǁgauǂuis ǃnâ ge hâ i;

⁵sadu ǂgoms khoesi gā-aisib ǃnâ mâ tidega, xawe Elob ǀgaib ǃnâ.

⁶Ā, gā-aisiba ge ge ra ǃhoa, kaiǀoa hân tawa; xawe nē ǃhūbaib di gā-aisi tamab ge, ǁkhāti nē ǃhūbaib ǂamkhoegu, kā nîra gu di tamab ge.

⁷Xawe ge ge Elob di gā-aisib, ǂganǃgâsib ǃnâ hâba ra ǃhoa, ǃgū-aisa ge ib, Elob ge aiga, ǃhūbaib hâ tama hîa ǂnûiǂgā hâ iba sada ǂkhaisiba ǃoa.

⁸Nē ǃhūbaib di ǂamkhoegu xaregu ge ǂan tama hâ iba, ǂan bi gu ga hâo, o gu kom ǃKhūb ǂkhaisib diba ge ǃgâu tama i hâo;

⁹xawe xoamâihe hâ khami: “Mûs mû taman, tsî ǂgaes ǁnâu taman, tsî khoe-i ǂgaob ǃnâ ǂgâ taman, ǁîn ge ǁnān, Elob ǁîba a ǀnamna ǂhomiba hâna.”

¹⁰Xaweb ge Eloba ǁîna sada ge ǂhaiǂhaiba ǁîb di Gagaba xu; Gagab kom hoa xūna ra ôaǃnâo, Elob di ǃgamsib ona.

¹¹Mâ khoe-e kha khoe-i ǃnāb dina a ǂan, khoe-i di gagas, ǁî-i ǃnâ hâs ǀguis ga ǂan tama io? ǁNās ǁkhās xase i ge khoe-i xare-e Elob ǃnâ hâna ǂan tama hâ, Elob Gagab ǀguib ge a ǂan.

¹²Tsî da ge sada ǃhūbaib di gagasa ǃkhōǃoa tama i, tsî Eloba xu hâ Gagaba ge ǃkhōǃoa, ǂan da nîga, Elob xa da ǃnarehe hâna.

¹³ǁÎn ge ǁkhāti ge ra ǃhoana, khoesi gā-aisib ra ǁkhāǁkhā mîdi ǀkha tama i, tsî Gagab ra ǁkhāǁkhādi ǀkha, gagasi xūna gagasin ǀkha ra ǀgorase.

¹⁴Tsî i ge ǂūsi khoe-e Elob Gagab dina ǃkhā tama hâ; gâresise i ǁîna ūhâ xui-ao, tsî i ge ǁîna a ǁnâuǃā ǁoa, gagasisen nî ǁnâuǃāhe amaga.

¹⁵Xawe i ge gagasi khoe-e hoana ra ǀgoraǃgâ, xawe i ge ǁî-aitsama khoe-i xare-i xa ǀgoraǃgâhe tama hâ.

¹⁶Tari-e kha ǃKhūb di ǂâisa ge ǂan, o i ga ǁîba ǁgauǃnâ? Xawe da ge sada Xristub di ǂâisa ūhâ.